يومية يوميةة اسمع امي تحجي ويا خالاتي متقبل تتزوج حتخبلني راح تعنس الدايحةة فوك راسي كاعدة تحسسني كأنو اني عالة عليها ....
- اذا عندج أحد تحلمين تاخذينه اعتيادي يطلع هتلي وعار مثلج
- ضحكت بداخلي وتذكرت سجاد الله لو باقين سوية بس شسوي من محافظة بعيدة وطوائفنا تختلف شكد حلوة صداقتنا جانت نقية وحبنا هم نهيت كولشي بايدي لان أعرف إذا استمرينا نتدمر ...
لا ماعندي أريد اخلص جامعه
- ابوج ماعنده يصرف عليج حيري بنفسج وفضيننا عاد اذا قسمه زينه ليش ماتقبلين يمة لمصلحتج والله لو يصير علية شي ابوجن يشمرجن برا ويجيب وحدة من الشارع .....
- ماشي بس اخلص الثالثة والله كريم
رحت ابجي وحدي ودعيت ربي الله ييسرلي أمري والله تعبت ومليت اني حييل كوة مدبرة فلوس لخط ولي يباوع على بيتنا يكول عايشين بنعمه ...
احنا صح حالتنا متوسطة بس عدنا لبس وبيت نظيف ومرتب كل مافي لموضوع بسبب بابا تورط ويا منظمه واخذوا فلوس وخلوها براسة وهسه الدين ماكلنا راتبة كلة ياخذونة وكوة مدبرين عيشتنا عصبي علينا يريد ياكلنا ويومية ضارب وحدة بينه لو اني لو اختي ويتامر حييييل طبعه صعب بس ماننكر اني واختي فضلة علينه كبرنا وتعب علينه .....
مادري غايته شنو يجي نهاية الليل يشوفنا مكشفين يغطينا ويروح ويبوسنا مرات ....
احسه متندم بس مايكدر يتخلى عن كبريائة او يريدنا نكرهه ...
طلعنا اني واختي برا اجا الخط وهي راحت للمدرسة .... خلص يومي بالجامعه كلة محاضرات وامتحان تعبت ورجعت ميته
طبيت للبيت امي تتمضحك وتكولي تعاي كلت خير ان شاءالله
- جاييج هذا واحد عسكري وعنده بيت وسيارة وحدة وخوش ولد ويخبللل خبال
- باوعتلة هذا شنو كلتلها منين جايية لصورة
- شنو شنو خبلة أنتي هذا اخته شايفتج بعرس اختج واجتي طلبتج ....
- مو كلتلج اله اخلصص يلا شبيجج
- انجبي واسكتي أنتي منو وترفضينه شناقصة .....
- خلي أنام هسه بس خلي ارتاح تعبانة
جان يوم خميس وكالو علساس باجر الجمعة يجي يشوفني لان هن اخواته مقتنعات بيه وقابلات ...
كلت بكلبي شبسرعة صليت ركعتين وبقيت الليل كولة ابجي وادعي يارب شوفلي حل
نمت وكعدت مرتاحه وسبحان الله بداخلي قبول وحماس أنو احجيلة سبب قبولي بي اجتني طاقة ماادري منين
- لبست فستان حلو وبسيط صبغت اظافيري وميك اب حيل خفيف خليت طبيت ضيفتهم وسلمت ومارفعت راسي ...كامت وحدة من اخواته اخذت امي وراحت والخ بقت يمنا بس هي يجوز متفق وياها لان كامت سوت نفسها عدها اتصال بقينا اني ويا ولباب جان مفتوح ....
