راحوا عمامي واخذوا اخوية راحولهم علمود فصل واحنا خايفين مو هالكد عدنا فلوس هذولا طاكين. فصولهم قوية ...خابر عمي بالطريق ع امي ويصيح امي كامت تبجي وتتحسب عليهم طلعوا يردون مرة .......تخبلت خبال كمت الطم الولد ما ميت ليش يردون مرة طب عمي يتحلف ويكول لامي ابنج العايل ...وحقهم شيطلبون الله لا يوفقه شسوة طب يتهدد بدال ما يصير عون صارلنا فرعون تخبلت ودخلت حالة هستريا ......
ثالث يوم واخوية بالسجن هو هالوحيد وامي لا تقبل تنطيني ولا تقبل تبقي اخوية بالسجن الله لا يوفقهم ان شاءالله بجاه الله وعبادة .....حالة امي الصحيه بالنازل واخذناها للطوارئ بنفس اليوم لي اخوية انسجن بي .....
اخذت الموبايل وخابرت عمي واني ابجي وكلتلة موافقه جنه داخلين ع ابواب شتاء والجامعات بدت واني اسبوعين ممداومة من ورا السالفه حسبي الله ونعم الوكيل ....كلي عمي احسن شي تسوي مالكم سند بس اخوج .....رضخت للامر الواقع واستسلمت سلمت ايدي بيد الله واني بعدني مااعرف منو لي راح ياخذني .....طلعنا امي وهي تبجي واني ابجي واختي كتلت روحها علية تكولي حتروحين خدامة هناك ليش هيج .......
رحت ويا عمي والطريق كلة ابجي وهو يوصي بيه ...وكايللهم بيت وحدها ....واني ابجي صفنت شنو بيت وحدي ادري غير فصلية هاي ....بلكي الله يطلع خوش آدمي وما يتقربلي ويفتهم وضعي ......وصلت واني مدنكة وابجي لبست نقاب ودخلنا للشيخ عقد النا واسمع صوته مو غريب ودعت عمي واني مجلبة بي وكام يبجي بالاخير ....
يصيح عليه اصعد صعدت ويا بالسيارة شوية ونزلنا بصف بيت شنو من بيت يجنن وجديد بعدة .....طبينا وحدنا وشغل الاضوية وفات واني ارجف وابجي عافني وراح نزعت عباية جنت لابسة تراك وشعري رافعته باهمال رفعت راسي والصدمة ......!!!!!
محمودد
ايي محمود شكلتلج اني !! هسه اني منو زوجج ...مووو هسه اتحكم بيج مثل مااريد اجا يركض باتجاهي لزكني ع الحايط وعصر وجهي بقوة ولوا ايدي واني اعيطط ........
اخوج اله شوية يموت ابن اختي لوحيد والله لو صايرلة شي فلوس الدنيا لا انتي تفكةة ....
لتحجي عليه انت لي عزمتةة ...شيلللل ايدك
لتعليييين صوتج ....
ضربني راشدي وكعت بالكاع ع طولي اخر شي حسيت بي هي برودة الكاع .......
كعدت الغرفه ظلمة بقيت اتلمس وطلعت برا صاله جبيرة نزلت جوا واشوفه كاعد ويا اخو ويكولة حالته الصحيه تمام بس علاجة مو هنا بالهند نزلت اركض اريد اكولة طلعني منا راح اخو واجا جرني من ايدي رجعني للغرفه .....
