السلام عليكم
أولا حابب أشكر كل اللي اتفاعلوا مع الحلقات اللي فاتت وده اللي بيحفزني ع الكتابة
ثانيا ابقوا يا جماعة اكتبوا توقعاتكم تحت في الكومنتات الجزء اللي جاي بحب اشوفها
نبدأ بقي ..
مروة راحت الاسبوع اللي بعده الكلية وحضرت المحاضرة بتاعت مروان .. مكانتش مركزة غير معاه هو بس .. بدأت تتلعق بيه .
بعد ما خلصت المحاضرة وكله مشي نزلت آخر واحدة من المدرج وراحت عنده وهو بيلم حاجته ..
_ شكرا علي المحاضرة يا دكتور .. شرحك حلو أوي .
مروان بابتسامة ساحرة : شكرا علي المجاملة اللطيفة دي .
مروة اتكسفت وحطت وشها في الأرض : لأ .. لأ مش مجاملة حضرتك فعلا قوي في الشرح .
قرب منها ومسك دقنها ورفع وشها .. وهي تاهت من الحركة دي ومبقتش حاسة بأي حاجة كأن جسمها بقي متبنج .. قالها بابتسامة توهتها أكتر وأكتر : شكرا علي أي حاجة منك يا قمر ، هو انتي وشك أحمر كدة ليه ؟
_ ها ؟
_ لأ ما دام فيها ها يبقي أمشي .. سلام .
وبعد عنها وهي رجعت لطبيعتها .. قالتله : لا عادي وشي كدة عادي .
رجعلها تاني بس أبعد من قبل كدة : خلاص ماشي .. بقلك هاتي رقمك .
_ ليه ؟
_ متخافيش .. ساعات بالليل كدة ببقي عايز أدردش مع حد وأنا وحيد مليش صحاب .. فيا أما بسهر في المكان ده .. أو بقعد لوحدي في الشقة أعد في النجوم هههههههه .
مروة بصوت واطي : يا عم أنت متضحكش الله يخرببيتك .
_ بتقولي جاجة ؟
_ ها ؟
_ هو انتي ايه حكايتك مع ها النهاردة .. لأ اجمدي كدة وصحصحي ها ؟
ضحكت علي أسلوبه وطريقته وهزاره .. أخدت موبايله وسجلت الرقم : بس مترنش عليا كلمني واتس بس .
_ ليه ؟
_ من غير ليه لو سمحت .
_ خلاص خلاص من غير ليه .. بتتحولي فجأة .. المهم راحة بالليل ؟
_ ها ؟
_ لأ أنا كدة أروح أموت نفسي .
_ هههههههه لأ مش رايحة تعبانة .
_ طيب خلاص أكلمك بالليل سلام .
ومشي وهي مش عارفة إيه المشاعر المتلخبطة اللي تخبط في بعض دي .. مسكت قلبها الي كان بيدق زي الموتور الجرار وقالت : يا رب ما أكون ...
YOU ARE READING
حياتي ( قيد التعديل)
Romanceبداخل كلٍ منا شخص سئ يريد الوصول للأسوأ .. دون أن يقصد ذلك .. تحاول بطلتنا جاهدة أن تحافظ علي ما تربت عليه .. لكن الظروف المحيطة بها والضغوط النفسية جعلتها تنحرف عن الطريق المستقيم .. بعنف .. بداعي الحرية .. فأين ستكون الوجهة المقبلة ..
