السلام عليكم
أولا .. بالرغم من قلة التفاعل ع الحلقة اللي فاتت بس أنا هكمل عشان اللي لسة متابعني ..
نبدأ بقي
في الديسكو ......
مروة ولمياء وباقي الشلة بيرقصوا .. مروة بس اللي أخدت مزاجها فيهم .. سابوها تكمل رقص ورجعوا التربيزة ..
لمياء : يلا بينا نروح .
سهيلة : ومروة ؟
لمياء : واحنا مالنا ومالها إحنا نروح ونسيبها .
نيرة : ليه ؟
لمياء : وإنتي مالك ؟ بقلكوا إيه أنا مروحة اللي عايزة تيجي تيجي اللي عايزة تقعد تقعد أنا مصدعة خلقة .
نيرة : ومزاجنا هناخده امتي ؟
لمياء : عندي في الفيلا بابا مسافر .. قلتوا إيه ؟
سهيلة : قلنا يلا ده بيحصل كل امتي امتي .
وفعلا مشيوا وسابوها تواجه مصيرها لوحدها .. رجعت مروة التربيزة وملقتش حد .. افتكرتهم لسة بيرقصوا وراحت تشرب ويسكي .. مكنتش تعرف إن مصطفى شافها وجاي عليها ودمه بيفور : مروة !
مروة بتدعي في نفسها إنها تكون مش سامعة كويس .
مصطفى بزعيق وغضب الأعاصير : بصيلي يا مروة .
لفتله مروة ولقيت قدامها شيطان مستعد ياكلها.
مروة بتهتهة : أ .. أ.. أبيه ... م.. مصطفى !
مصطفى : أبيه إيه بقي يا مروة الكلب .
وقام لافخها قلم حست إن سنانها كلها وقعت .. عدلها تاني وقالها وهي بتعيط : أنتي لسة شفتي حاجة يا كلبة يا عار العيلة .
ولسة هينزل عليها بقلم تاني راح حسام مسك دراعه بايده السليمة : أنا سكتلك كتير علي جبروتك يا مصطفى لكن توصل إنك تضربها كدة مش هسمحلك أبدا .
مصطفى بغضب : اوعي ايدك ياض بدال مقطعهالك .
حسام : والله لو مديت ايدك عليها لاطلع عليك اللي عملته فينا من واحنا صغيرين .
مصطفى زق حسام اللي اتكعبل وراح وقع علي ايده المتجبسة .. صرخ وحس بنار بتولع في دراعه بس بيجاهد عشان يلحق أخته اللي ممكن تموت في ايديه .. مسكها مصطفى من شعرها : حسابنا في البيت مش هنا .. تعععععالي .
وبيشدها وهي مش مبطلة عياط .. حسام كان مش قادر يقوم لدرجة إنه عيط .. بس عيط عشان مش قادر يلحق أخته .. عمر جاله وهو مذهول ومش بيتكلم بعد مشاف أخوها مصطفى بيجرجرها من شعرها ..
_ قوم بالراحة قوم .
= جهز عربيتك بسرعة لازم نلحقهم .
_ حسام ..
YOU ARE READING
حياتي ( قيد التعديل)
Romanceبداخل كلٍ منا شخص سئ يريد الوصول للأسوأ .. دون أن يقصد ذلك .. تحاول بطلتنا جاهدة أن تحافظ علي ما تربت عليه .. لكن الظروف المحيطة بها والضغوط النفسية جعلتها تنحرف عن الطريق المستقيم .. بعنف .. بداعي الحرية .. فأين ستكون الوجهة المقبلة ..
