السلام عليكم
اسف يا جماعة ع التاخير بس والله الكتابة بتاخد وقت اعذروني .
المرة دي نفسي تكتبوا توقعاتكم للحلقة الجاية .
نبدأ بقيييييي
نزلت مروة تاكل السلالم أكل وهي بتعيط ومش شايفة قدامها .. سمعت صوت حد بيندهها من عربية بس مميزتش الاول .. سمعت الصوت تاني فبصت لقيتها لمياء بتنده لها .. لو الموقف طبيعي كانت هتسالها عرفت ازاي ومنين انها هنا .. بس هي كانت موجوعة ومجروحة وما أخدتش بالها من النقطة دي .. اترمت في حضن لمياء وقعدت تعيط كتيير ولمياء بتطبطب عليها وعاملة نفسها بتواسيها .. وابتسامة انتصار شريرة اترسمت علي شفايفها ..
فلاش باك <<<<<<<
مروان صحي الصبح علي صوت رزع علي الباب .. قام مخضوض ولقي مروة نايمة نوم عميق جنبه .. لبس هدومه وفتح الباب لقي لمياء في وشه عنيها بتطق شرار .. اتصدم من وجودها ووشه جاب ألوان .. زقته ودخلت وهي بتزعق : هي فييييييييين ؟
مسكها من دراعها : فاكرة نفسك رايحة فين ؟
لمياء بغل : رايحة أشوف المزة اللي نومتها علي سريري .
= مش هسمحلك .
_ مش هتسمحلي يعني ايه ؟
= مش هسمحلك تدخلي في خصوصياتي بالطريقة دي .
_ نعم نعم نعم ! أنا مراتك لو كنت ناسي أفكرك .
= لأ مش ناسي .. عرفتي ازاي اننا هنا ؟
_ هو ده كل اللي هامك .. نمت معاها صح ؟
= وأنتي مالك ؟
_ لأ مالي ونص .. ده أنا أقتلك أنت وهي و أشرب من دمكم كمان .
= متقدريش .. وبعدين أنا خلاص قررت .. قررت اني ..
لمياء بزعيق : قررت ايه ؟
= اني أتجوزها ؟
_ نعم يا روحي ! مين دي اللي تتجوزها ؟
= مروة .. أنا غلطت من الاول لما لعبت عليها .. كنت فاكرك بتكرهيها بس شكل الموضوع أكبر من كدة .. البنت عبيطة وغلبانة وملمستش براءة غير فيها وبس .. حتي أنتي .. مقابلتش واحدة زيها قبل كدة لا في طيبتها ولا رقتها .
_ وأنا ؟
= احنا مش هنضحك علي بعض .. الموضوع بالنسبة لنا كان مجرد تسلية .. وأنتي كان عاجبك الموضوع ده بس مش عارف ليه جبتي سيرة الجواز .
_ يعني هي أفضل وأنضف مني ؟ ده اللي عايز تقوله .
= أيوة .. هتجوزها علي سنة الله ورسوله عشان أسترها ولو الحياة بنا مستمرتش هيبقي بعد معملت اللي عليا .
BẠN ĐANG ĐỌC
حياتي ( قيد التعديل)
Lãng mạnبداخل كلٍ منا شخص سئ يريد الوصول للأسوأ .. دون أن يقصد ذلك .. تحاول بطلتنا جاهدة أن تحافظ علي ما تربت عليه .. لكن الظروف المحيطة بها والضغوط النفسية جعلتها تنحرف عن الطريق المستقيم .. بعنف .. بداعي الحرية .. فأين ستكون الوجهة المقبلة ..
