حب في الثانوية

chapitre 18

هو خرج وانا جاتني شروق قاتلي واش جابلك كادو .نعتلها لبراسلي قاتلي ذوقو يهبل  قلتلها كيفاه حتى درتولي السربريز هادي قاتلي تفاهمنا الكل نديرولك l'anniversaireتاعك هنا في ليسي . بصح لبروف الكل مقبلوش نديروها في الساعة تاعهم كي سمعنا آدم نهدرو قالنا نورمال ديروها في الساعة تاعي . وزيد هو لي جاب la tarte . كملت نهار هايل مع صحاباتي احسن نهار في حياتي .كي جيت خارجة من الليسي حكمتني شهرة قاتلي اسمعي انتي حبسي نهدر معاك درتلها وي غير الخير قاتلي الخير يجيك كي تنحي آدم من راسك .انا تخلعت قلتلها وش قاعدة تحكي انتي .قاتلي راكي فاهمة وش قاعدة نحكي بعدي على آدم ويزي ما ترمي في روحك عليه كي الهاملة .خزرت فيها قلتلها اعرفي ما تهدري ،منيش حابة نطيح لقدر ودرك أخطيني .جيت راح نروح قاتلي راني حذرتك وانتي  دبري راسك ولا حابة يسمع باباك بنتو لي باعتها تقرا راهي حاطة عينها على المعلم تاعها وتغوي فيه ، قلتلها انتي مهبولة وقيلا وش الهدرة لي تقولي فيها .انا خوفتني بالهدرة تاعها ادا وصلت لبابا هدرة كيف هدي يقتلني نورمال surtoutادا وصلاتو من بروف راح يقول امبوسيبل تتبلى عليها ،انا وليت نبكي قاتلي راكي مزالك صغيرة متعرفش وش درت انا باه نوصل لآدم .شافنا آدم من بعيد جاء قالنا وش كاين قاتلو كاين والو حبيت نحكي مع اريج برك ،خزر معايا وقالي اريج علاه راكي تبكي قتلوا والوا و رحت نسمع فيه قالها وش  درتيلها حتى ولات تبكي قاتلوا مدرتلها والو هي وحدها ناضت تبكي راهي صغيرة على روحها تهدر معاها كلمة تولي تبكي قالها شوفي شهرة اريج متزديش دوري بيها ولا تهدري معاها فهمتي ، قاتلوا ايه صاي فهمت هيا درك نروحو نتغداو راك وعدتني بلي ليوم نتغداو مع بعض قالهاokهيا . انا روحت ديراكت حكمت لفراش نبكي خايفة صح لتخرج عليا هديك الهدرة لي قالتها ،مفهمتش ديجا شكون لي قالها بلي يعجبني آدم . جبتها نهارين وانا في الدار من تقولي ماما روحي تقراي نقلها راني مريضة منقدرش .
ليوم لازم نروح نقرى بيسك عندي devoir ،كانت لمطر تصب قاوية ودنيا معمرة بالماء .دخلت قريت كملنا على5 كانت ديجا الدنيا  تغلقت بالماء وزيد مع السحاب والضباب الدنيا عادت تقول عليها ليل، عيطتلي ماما قاتلي مكلاه تجي وحدك في الجو هدا اقعدي حدا الليسي دوك يجيك خوك يروحك قتلها ايه .خرجت وقفت حدا الليسي وصلت الخمس ونص  غاشي كامل  روح بقيت غير انا و زوج دراري كبار   منعرفهمش ودنيا زادت ولات ظلمة ،كل دقيقة نعيط لماما تقولي راه جاي في الطريق بصح السركيلاسيو ،انا مت بالخوف . شفت آدم خرج من الليسي كانت عندو خدمة مع المدير جاني قالي اريج علاه مزلتي هنا مروحتيش قتلوا نستنى في محمد(خويا) يجي يروحني على خاطر الطريق مقفول بالماء ،قالي بصح راه راح الحال استناي نعيطلو نسقسيه وين راه .هو راح يعيطلوا لقاه ديجا قاعد يعيط هز عليه قالوا وي محمد cvراني كنت راح نعيطلك على اريج راهي قاعدة تستنى فيك  قالوا خويا وين راهي قالو راهي واقفة معايا من قبيل وهي تستنى فيك برى وحدها قالوا خويا آدم ادا تقدر تستنى معها راهي كاين اكسيدو في الطريق ونطول شوي باه نوصل وهي متقدرش تروح وحدها قالوا معليش دوك ندبر راسي قالوا يعطيك الصحة .كوبا عليه خزر معايا وقالي راه يطول شوي باه يوصل قتلوا يطول بزاف قالي لا شوي برك دوك نستنى معاك انا فرحت على الأقل منبقاش وحدي   . بقينا نستناو عادت الستة وماجاش  وليت نبكي خفت تالمو واحد ما كاين مع المطر ودنيا ظلمة و البرد راح نتجمد . بقيت نخمم و نشوف مع آدم لي عندو وحد لعشر دقايق وهو يحكي في التلفون مفقتش حتى قالي    آدم هيا قتلوا وين هيا قالي ندخلوا  لليسي حتى يوصل محمد .قتلوا كيفاه راح ندخلوا قالي راني هدرت مع المدير قالي دوك يهدر مع العساس يفتح نقعدو تم حتى يجي محمد .سكت رحنا بقا يطبطب على الباب حتى فتح عليه العساس دخلنا قالوا علابالك زهركم راح الضو دوك نجيبلكم الشمع و نجي  .قعدنا في قاعة الاساتذة كي عادت قريبة من الباب .انا دموعي يهبطو وحدهم من الخوف  و البرد  وزيد قاعدة مع آدم وحدي.