A Tale Of Thousand Stars (မြန်မာဘာသာပြန်)

အချပ်ပို ၄

ဦးလေးDaeက အဒေါ်Kaewကိုယ်တိုင် ချက်ပြုတ်ထားတဲ့မနက်စာကို လာပေးပြီးသွားတာတောင်မှ ကျောင်းဆရာလေး မထသေးတာကြောင့် စစ်သားကြီးက အရင်စားနှင့်လိုက်သည်။ မနေ့ညတုန်းက ပြင်းပြင်းထန်ထန် ရန်တွေ့ထားတဲ့ကောင်လေးက နိူးထလာတဲ့အချိန်မှာ အောက်ပိုင်းက နာကျင်မှုကြောင့် တွန့်ဆုတ်တွန့်ဆုတ်နှင့် တစ်အိမ်လုံးကို လျောက်သွားနေပြီးတော့ ရေချိုးထဲ ဝင်ပြီး ရေချိုးကာ အဝတ်အစားတွေကို လဲလိုက်သည်။ မနက်စာအတွက် ပြင်ထားတာတွေက နေ့လည်စာဖြစ်သွားတာပေါ့...

ပြီးတာနှင့် သူတို့နှစ်ယောက်စလုံးက ယာခင်းပိုင်ရှင်လင်မယားနှစ်ယောက်ကို သေချာနူတ်ဆက်ပြီး ပြန်လာခဲ့ကြသည်။ မြို့ပေါ်က ဈေးကို ရောက်တော့ ကားကို ခဏရပ်ပြီး ဆန်၊ လိုအပ်တဲ့အခြောက်အခြမ်းတွေနှင့် အသုံးအဆောင်ပစ္စည်းတွေကို ဝင်ဝယ်ပြီးတော့မှ Pha Pun Daoရွာသို့ ပြန်လာခဲ့ကြသည်။

...

ဗိုလ်မှူးPhuPhaက သူ့ချစ်သူလေးကို ရွာရဲ့အစွန်းဆုံးက အိမ်လေးထိ ပို့ပေးခဲ့ပြီးတော့... ကားကို သူ့ရဲ့ပိုင်ရှင်ဖြစ်သူဆီ ပြန်ပို့ပေးဖို့ အတွက်နှင့် သူ့ရဲ့အလုပ်ကိစ္စတစ်ချို့ကို ကြည့်ရှုစစ်ဆေးဖို့ လိုသေးတာကြောင့် ညနေခင်းလောက်ကျမှ ပြန်လာဖြစ်မယ်ဆိုတဲ့အကြောင်းကို သေချာမှာခဲ့သည်။

အဲ့ဒီအချိန်အတွင်းမှာ Thianက Khama Bian Laeဆီက ဌားထားတဲ့ခြင်ထောင်ကို ဖြုတ်နေမိသည်။ အရင်ခြင်ထောင်က ပျက်သွားတာကြောင့် ရွာသူကြီးဆီကနေ ခဏဌားပြီး သုံးနေရတာ... အခုတော့ ဈေးကနေ ခြင်ထောင်အသစ်ကို ဝယ်လာဖြစ်ခဲ့သည်။ ကျောင်းဆရာလေးက လုံးပြီး ခေါက်ထားတဲ့ခြင်ထောင်ကို သယ်ပြီးတော့ ဖုန်ထူတဲ့ရွာလမ်းလေးထဲ လျောက်လာခဲ့သည်။

မြို့သားလေးက ဘယ်အချိန်ကတည်းက ဒီလို ဝေးလံခေါင်ဖျားတဲ့ရွာရဲ့မိသားစုဝင်တစ်ယောက် ဖြစ်သွားခဲ့တာလဲဆိုတာကို သူကိုယ်တိုင်တောင် သေချာမသိ... လမ်းမှာ တွေ့သမျှ ရွာထဲက လူကြီးသူမတွေကို သူ လက်အုပ်ချီပြီးတော့ နူတ်ဆက်လိုက်သည်။

သူ ရွာသူကြီးရဲ့အိမ်ကို မရောက်သေးခင် အချိန်မှာပဲ လက်ရဲ့လက်နှစ်ဖက်စလုံးမှာ အသီးအနှံတွေ၊ အသားခြောက်တွေနှင့် ပြည့်နှက်သွားသည်။ လမ်းမှာ တွေ့သမျှ လူကြီးသူမတွေက သူ့ကို ချစ်စရာကောင်းလို့ဆိုပြီး ပေးခဲ့တာလေ...