A Tale Of Thousand Stars (မြန်မာဘာသာပြန်)

အချပ်ပို ၁

'ကြယ်တာရာ'တို့ရဲ့ခရီးစဉ်...

ဝါးကပ်တွေ၊ သစ်တွေ ကာရံထားပြီး ဓနိနှင့် မိုးထားတဲ့... နယ်စပ်စည်းနားက ရွာရဲ့ကျောင်းလေးထဲကနေ အဂ်လိပ်စာကို တစ်ညီတစ်ညာတည်းရွတ်ဆိုနေကြတဲ့ အသံလေးတွေက ကြက်တွန်သံလိုမျိုး အချိန်မှန်မှန် စီစီရီရီ ထွက်ပေါ်လာခဲ့သည်။ ထို့အတူ ပုံမှန်အတိုင်း စောင့်ကြပ်ပေးနေကြတဲ့ တောခေါင်းတွေကလည်း ကျောင်းပတ်လည်မှာ နေရာယူထားတာ သုံးလတောင် ရှိနေပြီ။

စာသင်ခန်းလေးထဲက ကျောင်းဆရာလေးကတော့ အင်္ဂလိပ်စကားလုံးတွေ ရေးထားတဲ့ကတ်တွေကို ကိုင်ထားပြီး သူ့ရဲ့တပည့်လေးတွေကို ပြကာ ထိုစကားလုံးအတိုင်း ဟန်လုပ်ခိုင်းနေသည်။ ကလေးတွေကလည်း ပျော်ရွင်စွာနှင့် သူတို့ဆရာ ပြတဲ့စကားအတိုင်း လိုက်လုပ်နေကြရင်း ထွက်ပေါ်လာတဲ့ရယ်သံလေးတွေက အေးချမ်းတည်ငြိမ်နေတဲ့တောင်ကုန်းလေးတစ်ခွင် ပဲ့တင်ထပ်နေလျက်...

ဒီမြင်ကွင်းက အားလုံးနှင့် ရင်းနှီးပြီးသားပုံစံမျိုးဖြစ်ပေမယ့် Akhaရိုးရာဝတ်စုံကို ဝတ်ဆင်ထားတဲ့ ခနွာကိုယ်ကျစ်ကျစ်လစ်လစ်နှင့် ကောင်လေးရဲ့ ချောမောခန့်ညားလှတဲ့မျက်နှာပေါ်က အားပါးတရပြုံးနေတဲ့အပြုံးတစ်ခုက မြင်နေရတဲ့လူတိုင်းကို ထပ်ခါထပ်ခါ ကြည့်ချင်စိတ်တွေဖြစ်လာအောင် လုပ်နိူင်သည်။

ကျောင်းဆရာလေးက ဒီနေရာကနေ ကီလိုမီတာ ရှစ်ထောင်ကျော်ဝေးကွာတဲ့မြို့ကြီးပြကြီးဆီ နှစ်နှစ်ကျော် ကြာတဲ့အထိ ထွက်သွားခဲ့ပြီးတော့မှ ပထမဆုံးအကြိမ်အနေနှင့် ပြန်လာခဲ့တာ... ကျောင်းဆရာလေးရဲ့အကျိုးအကြောင်းမစဉ်းစားဘဲ သတ္တိရှိရှိ ပြုလုပ်ခဲ့တဲ့အပြုအမူတွေကို သူတို့ အခုထိ သတိတရ ရှိနေကြတုန်း...

တရားမဝင် သစ်ခိုးခုတ်တဲ့အဖွဲ့အစည်းကြီးအား ကြိုးကိုင်တဲ့လူဖြစ်တဲ့ Sia Sakdaကို သူ့ရဲ့လက်အောက်ငယ်သားတွေနှင့်အတူတူ ဖမ်းဆီးထိန်းသိမ်းခဲ့ပြီး တွေ့ရှိရသမျှ သက်သေခံပစ္စည်းတွေကိုတော့ နိုင်ငံတော်ပိုင်ပစ္စည်းအဖြစ် သိမ်းဆည်းလိုက်သည်။ စုံစမ်းစစ်ဆေးမှုက ပိုပြီးကျယ်ပြန့်လာလေလေ... အခြားသော တရားမဝင်လုပ်ငန်းအချို့ပါ ပါဝင်ပတ်သတ်နေသေးတယ်ဆိုတာကို ရှာဖွေတွေ့ရှိလာကြောင့် ထိုအမှုနှင့် ပတ်သက် ဆက်နွှယ်သမျှ ဖားတစ်ပိုင်းငါးတစ်ပိုင်းလေးကအစ ကောင်းကောင်းနေရဲတော့မှာ မဟုတ်...