عائلة البطل ، ام ناصر :
خالد:٣١،دكتور طب عام ،متزوج ريما اخت ساره
ناصر:٢٦،ضابط،اعزب
حنان :٣٤،متزوجه ،لديها طفله : سجى
رسيل:٢٠،عزباء
معلومه عن العائله(جيران سابقين لعائلة ساره ،عائله ثريه، متفتحه ، كل واحد يقول الزين عندي )
عائلة البطله، ام ساره ،ابو ساره :
سلطان،٣١،متوظف بشركه، متزوج مي
عبدالله ،٢٩،متوظف مع اخوه سلطان بشركه،مملك ع ريتاج
ريما،٢٥،عاطله،متزوجه وعندها ولد اسمه عبدالرحمن
ساره،١٧،طالبه ،عزباء
معلومه عن العائله(عائله متحجره ،شديدين ،حالتهم الماديه عاديه )
عائلة عزوز، ام عبدالعزيز وابو عبدالعزيز:
عبدالعزيز ،٢٥،متوظف بشركه،اعزب
حسين،٢٤،طالب جامعي تخصص كيمياء ،اعزب
فهد ،٢٠،طالب جامعي ،اعزب
شموخ،١٨،طالبه ،عزباء
معلومه عن العائله(ثريه ، متفتحين ، اقارب عائلة ناصر )
(القصه واقعيه لحياة شخص سردها لي الاسماء تختلف بس نفس الشخصيات)
تبتدي القصه بفتاه عايشه حياة المراهقه وحياة الرفاهيه معطيه الدنيا واهلها قفى
/
/عائلة ساره معقدين ومن الجيل الحجري عندهم انظمه وقواعد وسمعتهم اهم من كل شي
متجمعين بصاله نفس كل عصر
ابو ساره :وينها ساره ماشوفها
ام ساره :نايمه
ريما :جت من الدوام تعبانه وخمدت عطول
(غرفة ساره)
وهي تكلم الُحب
ايوه عزوز (عبدالعزيز)يعني لو بنت بشركه تناظر فيها كذا ليه ورب....
(دخول ابوها المفاجئ)
بسك نوم وقومي مجتمعين تحت،من الخرشه نست السبيكر مفتوح وعبدالعزيز يتكلم وسمع ابوها صوت الرجال وقالها: مين تكلمين انتي صوت مين ذا هاه
ساره بخوف ورجفه وقلبها يروح فوق تحت ونبضاته تتسارع ماتدري وش تقول: اءءء فاهم غلط يالغالي
وهو يجيها ويمسك الجوال ويكسره قدامها ويضربها ضرب شديد مسك راسها ضربه بالجدار وش بيقولون الناس جبتي العار لنا يسلقه نعنبو ذا الوجه
، واخوان ساره بيشوفون وش سالفة الاصوات ذي ويروحون لغرفتها من صدمين من ضرب ابوها لها بعنف ويجون يبعدونه عنه لا يذبحها ويرتكب جريمه ببنته
عبدالله :طلعوه طلعوه لا يذبحها
واخيراً سيطرو ع ابو ساره وطلعوه برا الغرفه وهو يقول ويردد جابت العار لنا حسبي عليك من بنت ، ساره قفلت عليها باب غرفتها وجالسه تبكي بكاء شديد جداً من طريقة العنف والكدمات الي يملئ جسدها وكان صوت الجوال شغال ويردد ساره انتِ بخير ساره تسمعيني ساره
ومسكت الجوال بسخريه بنبره حزينه: باقي فيه حياه هالجوال أجل فيه أمل من رب العالمين
عبدالعزيز:ساره انتي بخير
ساره:الو تسمعني
عبدالعزيز:ايي يعيون امي ،وش صار لك
ساره :سمعت كل شي؟
عزوز:اي
ساره:وباقي تسأل انا بخير ولا،
انا جبت لاهلي العار بسببك وش بيقولو اهلي الحين كيف بيعاملوني وربي خايفه من مستقبلي ،
وعزوز يحاول يهديها بكل مايستطيع قوله وقالت ساره ،
عزوز ابغى اطلب منك طلب عشان افتك من حياة الهم والشقى ،
عزوز : أمريني
: ابغاك تتزوجني اليوم قبل بكره وافتك من هالحياه الي عايشتها
عزوز مصدوم من كلامها وتلخبط بالكلام ونبرة صوته تغيرت وقال عندي شغل عن اذنك وانتبهي لك وقفل عالطول بدون نقاش
ورجعت تبكي من جديد فقدت الامل (للعلم كانت معنفه من ابوها بسبب تصرفاتها المراهقه ولا هي اول مره تنضرب) ترادوها افكار الشيطان بان تهرب تعوذت من ابليس
توضت صلت ركعتين تذكرت ان املها بربها مايخيب ،
بس صدق تعبت من قواعد البيت الغبيه وتحكماته وشروطه طفشت من حياة اهلها تبغى تعيش بمزاجها
(قررت تهرب ساره بعد تفكير طويل وبدون علم اهلها وللعلم ان اهلها سمعتهم فوق كل شي يعني بيدفنون البنت حيه عشان محد يدري انها كلمت شخص مو محرم لها )
(والبارت الجاي عن حياة ناصر الثريه وهروب ساره ).
