(دخلت ساره ع رسيل تمسكها لا تضرب نفسها )
ساره مفجوعه: شفيك يبنت شفيك لا تضربين نفسك وقفي
رسيل وهي تصارخ : اخخ ي ساره رحت فيها رحت فيها
ساره : شفيك وش الي رحتي فيها
( رسيل قالت كل شي لساره ، ولو درو عنها اهلها اذبحوها قالت " يهددني ريان بصوري مصور كل مناطق بجسمي " ساره مسكت راسها من الصدمه )
رسيل : تكفين ي ساره ساعديني ماعندي الا الله ثم انتِ
ساره : تمام لا تبكين ارسلي لي رقمه واتفاهم معه
رسيل : تكفين يساره تكفين
ساره : لاتبكين وتصيرين ضعيفه ، ماهقيتك كذا البنت القويه والي معليها من احد
رسيل تبكي وتشاهق : السالفه مو بس كذا هو لمسني وفتحني رحت فيها ي ساره رحت فيها
( ساره حرفياً مصدومه من الي يصير وعطتها كف من القهر )
ساره : شلون خليتي واحد ماتعرفينه يلمس شي تعرفين انه مستقبلك
رسيل : توقعت بيتزوجني ي ساره تكفين ساعديني
( ساره صفقتها كف مره ثانيه )
ساره :مجنونه مجنونه انتِ أي حمار تصدقينه ، ي راسي منك ، ارسلي لي رقمه وانا اتصرف امسحي دموعك وغسلي وجهك وتعالي للفطور لو ماجيتي امك بتشك
( طلعت ساره وحاطها يدها ع راسها وراحت تصحي حنان، وخالد ، ناصر )
( دخلت غرفتها )
ساره : ناصر يلا قوم
ناصر فز : الساع كم
ساره : ٨:٣٠
ناصر فز: تاخرت تاخرت
ساره : هيا قوم
/
/
/
( بيت ابو عزوز ع طاولة الطعام )
ابو عزوز : ما شاء الله مروق عزوز وش عنده
شموخ بطقطقه : شكل الحب رجعت له
حسين: بعد ماكفخته 😂
عزوز : اعوذو بالله ماتشوفون واحد مروق يعني ، م عاد ينعرف لكم
فهد: فكونا لا يقلب علينا اسكتو
ام عزوز : جعله دايم يوليدي
( جت رساله لعزوز من ساره. فز قلبه عطول وطلع لغرفته )
فهد بطقطقه : شكل الحب ارسلت 😂
( دخل غرفته وفتح رسالة ساره )
"صادق هددها بصورها والحين تبكي جيبه بمكان بقابله اتفاهم معه "
(ارسل لها )
" مجنونه انتِ بتروحين تقابلينه بدون محّرم "
(ارسلت له )
" مالك دخل لا تخليني اندم اني ارسلت لك "
(ارسل لها )
"اخاف يسوي فيك شي "
( ارسلت له)
"لا تخاف بتكون انت واخوك حسين معي "
(عزوز فرح من كلامها يوم قالت انت معي )
/
/
/
( شقة عبدالله يراسل اخته ريما )
ريما : اليوم بوصل الرياض بطياره ابغاك تستقبلني
عبدالله: ليه وينه رجالك
ريما : مشغول ولا حبيت ازعجه
عبدالله: خلاص زين متى بتوصلين
ريما : ع الظهر ان شاء الله
عبدالله: زين توصلين بسلامه ان شاء الله
/
/
/
( بيت ام ناصر ع الفطور )
( كل واحد يناظر بثاني ، الي يفكر بنوم ، والي سرحان يدور حل ، ولي ماسك دموعه ، والي يناظر بساره "اكيد ناصر الي يناظر فيها ". )
ام ناصر : وراكم متاكلون مسويه ذا كله ليه
خالد : كثر خيرك امي بس ماشوف من النوم
ام ناصر ابتسامه : وانت ي ناصر ، شكل الحب فاتنتك
ناصر : هاه ! تبين الصدق أي والله
( ساره تناظر بالاكل الابتسامه شاقه وجهها استحت كثير من كلام ناصر)
