( ريتاج تنتظر ساره برا .. نزلت لها ساره وهي تفكر بناصر ، ركبت السياره)
ريتاج : هلا بالحلوه ، كيفك مع الزواج
ساره : هلا فيك ، معلي اموري تمام
ريتاج : شفيك سرحانه
ساره: لا مافي شي
ريتاج: ساره حبيبتي قولي لي وربي يبقى بيني وبينك وش فيك
ساره : مدري اخت زوجي راحت مع رجالي يوصلها ومايرد علي ، واحس في شي
ريتاج : وين رايحين
ساره : مدري بيوصلها عند صاحباتها
ريتاج : دقي عليه
ساره : ادق مايرد
ريتاج : ازعجيه
/
/
/
( بسيارة ناصر )
مرام: اخبارك ناصر
( ناصر دق جواله من ساره فتح ع طول وسفهه مرام )
: لبيه قلبي
(ومرام ،ورسيل قلبهم ع نار يوم شافو ساره )
ساره: ادق عليك وينك ماترد
ناصر : شفيك قلبي قلت لك اوصل رسيل وصاحبتها
ريتاج تقول لساره قولي له لا تطول ابيك : أبيك لا تطول علي
ناصر : ليه حرمة اخوك ماهي بجايه
ساره تسمع كلام ريتاج : اي جاها عذر واعتذرت لي
ناصر: زين قلبي بوصلهم وجايك
( ريتاج تكحح تبغى ساره تسمع )
رسيل: ايوه قلبي مرام شرايك باخوي
ناصر : يلا بعدين اكلمك
( ساره قفلت وقلبها نار )
ساره: سمعتي سمعتي
ريتاج : معليك قلبي اهدي الحين بيجيك شفيك
ساره: وش قصدها بكلامها فهميني
ريتاج بغمزه : بديتي تغارين هاه
ساره بعصبيه : لا كيفه خلاص
/
( وصل رساله ل ساره من رقم مجهول ، ساره ماردت عليه تفكر ب ناصر )
/
/
( سياره ناصر )
مرام مع ضحكه : والله مزيون اخوك
رسيل : لو انه مزوجينه انتي احسن
( ناصر يكح بمعنى "خلاص ")
( وصلو للمكان ونزلت رسيل الا مرام ، مسك كتف ناصر من ورى ونطلت عليه رقمها ، ونزلت ، ناصر توتر وارتبك من الموقف وقعد ماسك الورقه وش يسوي فيها )
/
/
/
( ابو ساره ، سلطان ، وصلو البيت )
ام ساره ترحب وتهلي : هلا ومرحبا
(يقبل راس امه سلطان ، وتقبل ام ساره يد ابو ساره احترام له )
( في الصاله )
ابو ساره : الله يوفقهم يارب دام رجالها راضي انا راضي
ام ساره: الحمدلله انك اقتنعت ان البنت بيت رجالها
ريما : جماعه خلاص كل يوم نفس الموضوع شرايكم نغير جوو نطلع
ابو ساره : وانت حضرت رجالك متى بيشرف ياخذك
ريما : افا يبه ماتبيني الظاهر
ابو ساره يحضن بنته : لو مابيك كان طردتك
ام ساره وهي تتذكر : تطردها نفس طردتك لساره
ابو ساره حزن : ااه لا تذكريني بلي سويته فيها
سلطان بضحك : شرايكم نبكي
ريما : خلاص امسحو الدموع مافيه بكاء الله يوفقهم يارب هي مستانسه مع رجالها مادرت عنكم
/
/
/
( ريتاج ترسل لعبدالله)
: وينك
عبدالله: موجود بالرياض شفيك
ريتاج: نتقابل
عبدالله: ياليت والله بس انت عند اختي
ريتاج : لا رجالها بيجيها ابيك انت الحين
عبدالله:وينك
ريتاج : بالكوفي
عبدالله: ورجالها بيجي الكوفي بيجلس عندها ؟
ريتاج : اي
عبدالله: حلو خليك بجيك الحين وبتكلم مع رجالها شوي
ريتاج : حلو 😍😍
/
/
( ناصر وصل الكوفي وبيده رقم مرام مايدري وش يسوي فيها تركها بسياره ونزل ، سلم ع ريتاج )
ناصر يهمس باذن ساره : مين سمحلك تكشفين
ساره تهمس باذنه : تقبلني كذا
ناصر : اخر مره سامعه
ساره : ليش تغار علي
ناصر : الناس تناظر فيك مايرضيني طبعاً
( دخل عبدالله ، سلم ع ناصر وجلسو يسولفون ويضحكون ، ساره ، ناصر ، عبدالله ، ريتاج )
عبدالله بضحكه : اقولك ي رجال ماشفت وجهي لما شفته اخترعت اسأل ساره تعابير وجهي
ساره بضحكه : يوهه تكفى لا تذكرني ذاك الوقت مسكناها طقطقه عليه 😂
ريتاج بضحكه : تكفين عاد 😂
( ناصر يتأمل بساره وهي تضحك ويبتسم ع كل ضحكه تضحكها لما تضحك يحس روحه ترجعله، فكر برقم مرام ، اختار زوجته ، وراح لسيارته وقطعها ورماها ، وارسل لرسيل )
: مراح ارجعك دبري لك احد الليله بتمشى مع زوجتي حبيبة قلبي ( قال كذا عشان يقهرها )
رسيل : وليش ان شاء الله ست الهانم ماعندها اخو يمشيها بلشنا فيها صدق
ناصر : تاج راسك ساره تسمعين وقولي للي معك لا اشوفها ترسلي رقمها لا افقع وجهها
( هنا اعجبني ناصر بالحيل )
( ورجع لهم ناصر ، وكملو ضحك ، ساره ماوقف جوالها رسايل من المجهول وجوالها كان جنب ناصر ،وانزعج ناصر من كثرك الرسايل ، وتلقف وشاف من برا مكتوب " حبيبتي ساره ردي علي ابيك ضروري " ناصر انصدم ناظر بساره بصدمه فكر انها تخونه هنا قامت جنونه )
.....
