ناصر مع ابتسامه خفيفه :ساره شتسوين هنا ؟
(ساره ضاعت بالكلام وقامت تكلج بكلامها من المنظر ،ملومها والله عاد جسم، وجمال،)
وهي تناظر بعضلاته الفاتنه :اءء شئ بعدين اقولك خلاص
ناصر مبتسم من داخله : تمام دام ماعندك شي ليش واقفه؟
(ساره ناظرت نظره اخيره وهي فاتحه فمها )
: تمام
(تقول لنفسها وهي ماشيه ي غبيه ي بقره الحين بيفكر بشي غبيه وربي ،راحت لغرفة رسيل وانسدحت ع فراشها وتناظر السقف تذكرت امها ،وابوها يوم تفل عليها وكلامه الجارح غمضت عينها ودمعه بخدها ودخلت فيه نومه عميقه)
(صباح يوم الاثنين في بيت ابو ساره )
(الكل مجتمع ع طاولة الطعام )
سلطان:والله يابوي ماوقفت الرسايل عن س...
(قاطعه ابوه )
: لا تجيب اسمها بالبيت
ام ساره :الحمدلله شبعت
(تقوم من الطاوله ولقمتها بحلقها ماهي قادره تبلعها وهم يجيبون طاريها وهي ساكته ،لحقها عبدالله)
:يمه لا تبكين بجيبلك الاخبار كلها بس اصبري ساره مسافرت
ام ساره وهي تحضن ولدها ودموعها ع خدها :والله يوليدي لو لي قدره ماتركتها ،تكفى وانا طالبه هالخشم بس قول انها بخير طلبتك لاتردها لي
عبدالله جته قشعريره من كلام امه ودموعها الغاليه عنده : ماتبكين يايمه دام راسي يشم الهواء انا طالبك اصبري وبتسمعين حسها ، ماشي للرياض اسأل عنها الحين
دخل عليهم ابو ساره:
اليوم العالمي للاحضان وانا مدري
(ام ساره ،عبدالله ابتعدو عن بعض ،تمسح دموعها )
عبدالله: حنيت لامي وحضنتها ماهو بعيب
ابو ساره :ماعندنا حريم يبكن يام سلطان مسحي دموعك والحقيني الغرفه
/
/
/
(بيت عبدالعزيز ،غرفة عزوز)
(يكلم نفسه ،ياترى وش تسوي ساره الحين صدق ذبحوها ليكون سويت الغلط ادق ع ناصر اسأله ؟ لا لا كذا يفكر انك مهتم ،واذا فكر مايهمني اسأل عن صحتها فقط وبعدين شدخله !، رفع جواله يكلم ناصر ..)
(ناصر في سابع نومه صحاه اتصال عزوز صحصح ناصر وفتح السماعه وهو معصب)
: اء يالخسيس يالخاين يالخ*يث لك وجهه تتصل
عزوز : وعليكم السلام
ناصر: لا كلام ولا سلام ،من بعد حركتك لا اعرفك ولا تعرفني
عزوز :افا يولد العم شسويت !
ناصر: بعد مسوي بريئ انت وجهك المثلث ،بنات الناس لما تطفش منهم ترميهم علي يسلوقي
عزوز :شصار عليها صدق
ناصر :بتسمع بخبرها قريب ماعندي شي اقوله الحين عن اذنك وراي دوام
(قفل السامعه بوجهه وحس مابرد حرته باقي )
عزوز مستغرب :ي ترى وش سوا فيها ليكون اخذوها وذبحوها ادق ع اخوها اسأل !! راجع نفسك عزوز انت راميها وتسأل بعد الله يستر عليها )
(دخلت شموخ ع غرفة فهد ، يشاخر وشخيره مزعج )
شموخ افف منه هالورع :ورع قوم اخلص ودني الداوم
فهد وهو مفجوع :خاء خخخ بسم الله شتبين انتي
شموخ : وجع مين بيوديني الدوام يعني
فهد يناظر بالوقت : الله حسيبكم وراي محاضره محد صحاني ذي المره ٣ اتاخر
شموخ:والله من شاف شخيرك هجج
فهد :اسكتي يالعوبه ي لوبه وانقلعي بالبس واطلع
شموخ :صل صل
فهد : حاضر مدام !!!! اذلفيييي
(في بيت ام ناصر )
(تجهز ناصر ونسى ساره انها موجوده عنده وهو يلبس بدلته ويرتبها ويطلع شم ريحه لذيذه غريبه ومتجها من طاولة الطعام ، راح لها لا شعورياً انصدم لما شاف ساره تجهز له الفطور واستوعب انها موجوده)
ناصر : وش الريحه اللذيذه وش الفطور الي يفتح النفس
ساره وهي مبتسمه من كلامه : مشكور ناصر ع التعزيز ماتوقعت ريحت الاكل تفتنك
ناصر باستعباط :بتقلطيني ولا اروح
(اتجهت ساره لناصر بتسحب الكرسي له عشان يجلس )
ساره :تفضل طال عمرك
ناصر : طلعتي سنعه ومتعلمه هالحركات
ساره بضحكه : من صغري حبيبي
ناصر منفتن بضحكتها :دوم هالضحكه جعلها متفارقك
ساره وهي مستحيه :بتجلس ولا اشيله
(جلس ناصر ع طاولة الطعام ،اغرفت له ساره من الاكل ، اكل ناصر كل الموجود )
:اول مره يعجبني الاكل تسلم يدك يعيوني
ساره باستعباط : اجل دايم بطبخلك
( اتصل جوال ناصر من المركز ،قام من الطاوله يكلم برا البيت )
المركز : تعال للمركز ينتظرك شخص باسم عبدالله واضح عليه مستعجل وعنده سالفه
ناصر :يلا جايكم (قفل ناصر وهو يفكر منهو ذا وش يبي )
ساره: ع وين ناصر
ناصر : ع دوامي
ساره واضح عليها الخوف :بتتركني بالبيت لوحدي
ناصر لاحظ ملامح الخوف فيها : مراح اطول شوي وراجع لك ،قفلي الباب زين ولا تفتحي لا احد من دون علمي فاهمه
ساره : تمام
(ناصر ركب سيارته وطلع من الحاره الي هو فيها ، ودخل عبدالعزيز حارت ناصر لبيت ناصر )....
