( صحت ساره قبل الفجر بساعه لرحلتها 4 بتمام
اخذت كل شي تحتاجه فقط وقليل من الاكل وتركت رساله لاخوها عبدالله ) (راح نتكلم بالبارت القادم قصتها مع اخوها عبدالله )
وطلعت من البيت ولا احد حس فيها جلست تمشي وهي تدعي ربي يستر عليها
: "لا اله الا الله العظيم الحليم، لااله الا الله رب العرش العظيم، لااله الا الله رب السموات السبع ورب الأرضين، ورب العرش الكريم"
(وصلت ساره لباص النقل الجماعي وهي مرتبكه وخايفه الله يسر امورها لما وصلت الرياض ونزلت قبال بيت عبدالعزيز ماتدري وش السوات ولا تعرف وش تسوي بس تشجعت ودقت الجرس ..)
/
/
/
(الساعه ٨ صباحاً ،بيت ابو ساره )
(متجمعين ع طاولة الطعام )
الجده : وينهم ربعك ي ريما شكلك طامح
ريما بضحكه : لا والله بس مسافر مع اهله
سلطان بسخريه وطقطقه : الحرمه تمسك رجالها وتكون مسيطره عليه مالت عليك
ريما بسخريه من كلام سلطان: مثل ماحرمتك مسيطره عليك 😌
ابو ساره : تهاوشو بشوش احسن ، وينها ساره بنجلس ننتطرها ست الهانم ع ماتجي
(عبدلله دخل عليهم وهو متوتر من رسالة ساره له ومدري وش يقولهم جلس بكرسيه وهو ساكت لا سلم ولا شي )
ابو ساره : عبدالله ماتعرف السلام انت
(عبدالله كان شارد وسرحان من رسالة ساره )ناظر فيهم بشكل هادي : السلام عليكم ،معليش مواصل من الدوام ماشوف الدرب بفطر وانام
الجده : ريما شوفي ساره وينها
(عبدالله ناظر يوم سمع اسم ساره وتوهق ويناظر بكل مكان) : انا بفطر ماشوف م راح انتظر احد
( ام ساره عرفت ولدها فيه شي ناظرت فيه بتعجب ، وغرفت له الفطور )
وكلو بعدها بدون ساره ( ريما اخذت فطور ساره بتوديه لها ، رجعت لهم بخيبة امل والفطور بيدها سألت اخوانها )
: اليوم داومت ساره وصلتوها المدرسه ؟
سلطان:لا
عبدالله:لا
ابو ساره: لا ، ماهي بغرفتها ؟ (كلهم قامو من طاوله متجهين لغرفة ساره الا عبدالله وام ساره )
: جاوبني عبدالله وش فيك سرحان ولا قمت معهم
عبدالله: يمه ساره سوت شي غلط
ام ساره منفجعه : شفيها بنيتي، كنت حاسه فيها شي !!
عبدالله :لا تخافين عليها بقولك كل شي بس مو الحين ولا توضحين قدامهم
(قام عبدالله وراح لهم ، وفتشو البيت كله ماحصلو لها اثر اتصلو ع الشرطه وقالو لهم الي صار ..)
/
/
/
(مركز الشرطه عند مكتب ناصر)
يمشي ناصر لمكتبه فجأة ووقف يتأمل جمالها وشعرها الحرير لحد ظهرها ناظر فيها نظرات الحب من اول نظره ، وضاعت علومه وضاع كلامه ونسى عبدالعزيز،
عبدالعزيز في مكتب ناصر : هي ناصر !!
ناصر التفت لعبدالعزيز في مكتبه وراح له : شفيك وش السالفه وش مصيبتك بعد
عبدالعزيز: شفت البنت الي برا
ناصر : اي
عبدالعزيز:ذي مصيبتي
ناصر بنظره صدمه : نعمم !
(البنت الي برا ذي الي تأملها ناصر من جمالها )
تستهبل صح ، وش مسوي فيها متخاف ربك انت ماتتوب انت
عبدالعزيز برفعة حاجبه : وش قصدك انت !! جايه بيتي وانا معرفها وجبتها لكم تتفاهمو معها وانتهى كلامي وسوو فيها الي تبون عن اذنك
(عبدالعزيز ولا عمره حبها وحطها بعيونه كل الي يبيه مصلحه معها وهمه نفسه ولا يتورط معها ورماها بمركز الشرطه ،الي كانت تقول عبدالعزيز حبي الاول والاخير وراح يتزوجيني ويحطني بين رمشه بس خاب ضنها )
(طلع عبدالعزيز وهو يناظر فيها بشفقه من راسها لاصبع رجلها )وقالها :
انسي عزوز الي تعرفينه عزوز مات
ساره قامت مجنونه : ليش شفيه !؟
عبدالعزيز : مثل ماجيتي ارجعي مالك مكان عندي عطيتك وجهه وصدقتي
ساره وهي تبكي : شفيك عزوز ، بتتروح عني وتتركني شسويت لك هاربه من البيت عشانك وجايه لحد باب بيتك بنهايه بترميني رمية الكلب
عبدالعزيز: مو شغلتي اذا عنفوك اهلك جيتيني تصيحين مو ناقص بزران يصيحون
(عبدالعزيز ناظر فيها نظره الي مو هامه ومشى وتركها بطريقه )
وساره تلحقه تبكي وتيصح: عبدالعزيز لا تتركني تكفى ابوس رجلك لا تتركني معرف احد هنا عززووز
تلحقه وهي تبكي وتردد لا تتركني عزوز لا تتركني وتطيح مثل الطفل الصغير
(كل اصحاب القسم طلو يشوفو المنظر والصياح والبكي متشفقين عليها الا ناصر مسكها وحط يدينه ع كتفها وشالها ودخلها مكتبه وجلسها ع الكرسي وعطها مويه )
ناصر: امسكي اشربي
ساره دموعها ع خدها وقلبها مكسور : مابي
ناصر: قلت لك اشربي ولا اشربك غصب
(ساره خوف من كلمته وحدت صوته اخذت المويه وشربت ومسحت عيونها المليانه دموع )
قالت: تكفى لا تتصل ع ابوي وربي ليذبحني ويدفني وانا حيه تكفى (جلست ع رجله تبوسها تترجاه مثل الطفل الصغير )
( مسكها من كتفها ورجعها لكرسي ومسح دموعها)
لا تبكين يابنت الناس وش هو العلم وانا بساعدك بس قولي لي الصحيح
(قالت له الموضوع من الالف للياء وكيف كانت تبغى تتزوج عزوز وكل الي صار معها ومع ابوها وكيف يضربها ، مسك راسه وقال بخاطره يفضحتي منك يعزوز ماهقيتك تلعب ع بنت الناس جايه تبغى النجاه والامان معك نهايتك طلعت من كفو ولا سوات رجال اوريك ياولد العم )
( طلع من الغرفه وتركها ، قام يفكر وش السوات معها وابتلش فيها ، استر عليها واخذها بالحلال ولا اوديها لاهلها يذبحونها، حسبي عليك ياعزوز ع ورطتك ذي ) ...
