ناصر : ما شاء الله ذي الساعه المباركه ، بس البنت تبيني وتحاول تهدم الي بيني وبين ساره
عزوز : حصلتها وطلعت تحب ولد عمي بعد وش قصتك مع البنات انت كل ماحبيت بنت طلعت متزوجها ولا حابتك
ناصر : لا تسألني يرجال
عزوز: وش الحل اجل؟
ناصر : متى بتخطبها لك امك ؟
عزوز : العصر
ناصر : تمام برسل لها تجي بكوفي وانت تتكلم معها عاد عزوز : طلعت شنب والله الله يسعدك
ناصر: شوف عزوز انا معك طيب وانت تعرفني بس الي يقرب من احبابي انهي حياته
عزوز : لا تزيد دراما ارسل لها يلا
ناصر : يلا
( ارسل لها ناصر وهي فتحت ع طول )
مرام: وش الطاري
ناصر : بكلمك بموضوع
مرام : وشهو !
ناصر: ارسلت لك الكوفي نتقابل هناك انتهى
/
/
/
( الساعه ١٠ صباحاً )
( بالكوفي عزوز ينتظر مرام ، وصلت مرام عزوز فز وشافته وجت )
مرام : الله يصدفه انت هنا
عزوز سوى نفسه غبي : هلا والله اخبارك
مرام: والله بخير
عزوز : وش جايبك
مرام : انتظر وحده بكلمها
( جتها رساله من ناصر انه اعتذر ومايقدر يجي )
مرام : بس شكلها مراح تجي
عزوز : اقعدي معي
مرام : تسلم
عزوز : دام جيتي بكلمك بموضوع
مرام : أمرني
( عزوز لاول مره يقول الي بقلبه لمرام انه يبيها ومعجب فيها من اول م شافها )
مرام انصدمت : شلون امك بتجي العصر ؟ مافهمت
عزوز : امي بتخطبك لي ، واذا انتِ رافضه قولي لي الحين عشان ماتعب نفسي
مرام استحت : والله ضاع كلامي ي عزوز مدري وش اقولك ، بس تعرف اني مرتبطه
عزوز خاب ظنه: والله جد اجل الله يوفقك
مرام: وياك يارب
( وطلع عزوز وتركها ، ومرام تفكر بكلام رسيل حست ان دخل فيها شي غريب وشعور غريب لعزوز )
/
/
/
( بيت ابو عزوز بصاله)
( دخل عزوز وخاطره ماش وامه لاحظت )
ام عزوز : شفيك يمه خاطرك كانه ماش
عزوز : مافي شي
ام عزوز : كيف مافي شي ووجهك يقول فيه
عزوز : كنسلي خطبت مرام
ام عزوز : ليه شفيه !
عزوز : خلاص يمه لا تسألين
ام عزوز : انا بروح اتعرف عليها واشوف البنت
عزوز بنبره حاده : بكيفك بس لا تخطبينها عن اذنك
/
/
/
( الظهر )
،
(بيت ام ناصر غرفة رسيل )
،
( رسيل تسولف مع ساره )
ساره: عاجبك يعني اخوك
رسيل : يبنت هي الي جلست وبعدين جلسو يتهاشون مصار شي بينهم
ساره : واذا مصار اكيد فيه شي بينهم
رسيل : احلف لك بغلات امي مافي شي بينهم واذا صار شي مراح ارضى طبعاً وبتقب هوشه
ساره : اتمنى ذالك والله
رسيل : ومتى جايه عاد مشتاقيلك
ساره : بكرا بيمشي عبدالله وبمشي معه
رسيل : الحمدلله بتجين ، طفشت مافي احد يسولف معي
( طقت الباب مرام ودخلت وخاطرها ماش )
رسيل : ساره شوي وكلمك ،، هلا مرام
مرام : فاضيه عادي اكلمك
رسيل : اي تعالي وش فيك
( مرام قالت الكلام الي قاله عزوز )
: احس الي سويته غلط ع انه يحبني ي رسيل مدري مدري
رسيل : شوفي يبنت هي فرصه وجتك لا تضيعينها وبعدين بتركضين وراء اخوي لمتى مو معطيك وجه ولا شي ، احسن لك عزوز والله ومالك داعي ترفضين
مرام : شسوي الحين رفضته واكيد قال لامه كنسلي اف ع حظي ماعرف افكر وربي
رسيل : معليك انا اكلم حسين الحين يجيب امه وانا اتكلم معها ان جت
مرام : تكفين سوي شي احس مره كسرته
رسيل : معليك دائماً رسيل عندها حل وحلول
خالد : اخس يالقويه
رسيل : عيب عيب سوالف حريم بكل السوالف داخل
خالد : ماجيت لسواد وجهك جيت اسألك عن شغله ورايح
( طلعت مرام ، وخلص شغله خالد ، دخلن ناصر)
ناصر: رسيل !
رسيل : شفيكم ماتخلوني ارتاح شفيكم
ناصر : ع تبن ابي اكلمك
رسيل : امرني اخوي العزيز
ناصر: عزوز كلمني يبي مرام
رسيل : والله حد ! حتى مرام تبيه
ناصر : بالله بس يقول انها رفضته !
رسيل : اي ندمت بس معليك دايم رسيل عندها حلول
ناصر : اكل حلو كنت جاي ابيك تكلمينها
/
/
/
( بيت ابو ساره بالصالة)
سلطان : بدري يساره بكره وتمشين
مي : خلها الرجال يبيها
ام ساره : الله يسعدك وين ماتروحين ي بنيتي
عبدالله: الحين بتجلسون تبكون مره ثانيه بتجيكم بعد مده معليكم
ساره : والله ودي اجلس زياده بس عطاني كلمه الرجال لازم اسمعها يومين فقط
ابو ساره : اذا ودك يساره كلمته تجلسين
ساره : لا يبه دام السياره ماشيه ماشيه ودربي دوب اخوي
/
/
/
(وقت العصر )
( بيت ام ناصر ، غرفة الضيوف )
ام عزوز ، ام ناصر ، رسيل ، مرام
مرام : اخبارك ي خاله ام عزوز
ام عزوز : بخير الله يسلمك انتِ مرام ؟
مرام : اي
رسيل : ي حياتي هي توها ماعرست
ام عزوز : يجيها نصيبها ان شاء الله
رسيل : عزوز ماتزوج ؟
ام عزوز : وده بمرام بس النصيب
مرام : انا موافقه
ام عزوز : الله يسعدك مثل مسعدتيني ي بنيتي وربي لو عرف عزوز انك موافقه ليتزوج بكره قبل اليوم ، ابغى بس رقم الوالده
ام ناصر : والله ما شاء الله على البنت جمالك واخلاق
رسيل بينها وبين نفسها : امحق اخلاق
مرام: تسلمين كلك ذوق ، ابشري يخاله اعطيك رقم امي الحين
،/
/
/
( بيت ابو عزوز )
ام عزوز دخلت ع عزوز : مبروك يمه
عزوز : ع وش
ام عزوز : البنت وافقت
عزوز نقز : كذابه وافقت
ام عزوز : وربي صادقه وعطتني رقم انها بكلمها واشوف
عزوز: الله يبشرك بالجنه تكفين يمه
فهد : شفيكم صوتكم وصل لشارع
عزوز : بارك لاخوك يالكلب بيصير متزوج
شموخ : والله جد بصير عمه
ام عزوز بضحكه : بدري بدري يمه
عزوز : ان شاء الله بتصيرين
حسين : ما شاء الله نقول مبروك ولا
/
/
/
(بيت ابو ساره غرفة ساره )
( عرفت ساره بخطبة عزوز من مرام ، وارسلت لعزوز تبارك له )
عزوز : الله يبارك فيك بس لحد الان م اكدو لكن ان شاء الله ، واتمنى تسامحيني ع كل شي سويته معك غلط وربي سياره اني ندمان قد شعر راسي ولا تستاهلين واحد مثلي
ساره : والله مسامحتك يعزوز ولا جاء منك الا كل خير انت الا بتصير مسؤول عن حرمه والله يوفقك معها
عزوز : وربي مافي اطيب من قلبك ي عيون عزوز
ساره : ♥️
( اتصل عليها ناصر ، وجلسو يسولفون ويضحكون )
ساره : ليه مابشرتني يعني ؟
ناصر : مو مهتم فيهم عشان ابشرك !
ساره : واضح واضح
ناصر : اي شفيك يحيوانه
ساره : المهم الله ييوفقهم
( وجلسو يسولفون ، قفلت ساره ونامت )
/
/
/
( بيت ام ناصر غرفة ناصر )
( دخلت مرام ع ناصر وهو منسدح ع سريره وسكرت الباب وراها )
.....
( ان شاء الله اخلص بارتيين وانزله بالليل )
