سجين الحب «الأصلية»

البارت الـخامس عشر

زهـراء الحـريـري

حساب الانستا/ Zahraa_alharyry

# سجين_الحب

واخليك اعله نضره شوگ تتحسر
واراويك الوجوه شلون من تثكل
لــــــــــتين

البارت الخـامس عشر

♡♡♡♡♡♡♡♡♡♡♡♡♡♡♡

لتيـن

نصدمنا بعقد يونس على سمر اليوم وحنا مانعرف.. جدي يقرر وينفذ مثل كل نوبة ويحطنا گدام الامر الواقع

دحجت على يونس خايفه جدي غاصبه بس عيونه ماتسولف هيج لا بـ العكس تلمع من الفرح.. مصفن بغير عالم واكو ابتسامه خفيفه على اثمه، كيفت وتمنيت له السعادة تكربت عليه

لتين: تستاهل كل الخير الف مبارك

التفت عليَّ حضن اجتوفي باس راسي

يونس: الله يبارك بيج يالغالية

بقيت كاعدة بسده وراسي على جتفه يمسح على خدي ويستمعلهم يسولفون على العقد امي حردانه لان بدون علمها وجدي يريد بـ اقل من شهر ما اعرف عليش  مستعجل

رفعت راسي همست لـه

لتين: عادي اروح لبيت عمي ابو أرسلان

ابتسم

يونس: عادي روحي بس لا تاخرين

بسته بجتفه وصعدت لغرفتي اخذت عباتي حدرت كرم وصلني للباب ورجع ما حجى معي لان طلعت بأذن يونس ..

دخلت للطرمه مشيت للباب المطبخ وعيوني على الحديقه اذكر كعدتي وياه ياربي شكثر مشتاگتله

كبل لا ادخل سمعت صوت عمتي تصرخ وتنادي بأسم أثيلة..

ركضت للداخل صارت بعيوني اثيلة واكعه جوا الدرج كاضبه راسها والدم ينزل على وجهها، دخل باسل يركض دنك رفعها وهو يسأل شلون وكعت خطية تروط بين اديهم ركضت لغرفة عمتي اخذت عباتها وعباء ثانية لاثيلة ناوشتهن لعمتي لبسوها وطلعوا

رفعت راسي سمر واكفه على الدرج وكاضبة المحجل..حدرت  تسألني شكو وشلون وكعت جاوبتها

ـ ما اعرف هساع دخلت

بقينا كاعدين ننتظرهم عيوني على سمر عيونها تلمع بحزن فـكرت هذا الحزن على أختها..وكعدت اهجد بيها

مر وقت طـويل يلا رجعوا، أثيله وجها اصفر مخيطين جرحها ومضمدين جبينها عيوني عليها ادحك لـ سمر بغضب..

صديت على سمر مبتسمه وهي أدحج بحقد استغربت نظـراتهن الممزوجة بغضب وحقد

بقيت كاعدة بسد أثيلة اسولف عليها و اخطط لتحضيرات عرس يونس هذا اعز اخوتي على كلبي، التفتت على صوت عمتي وهي تسأل باسل على أرسلان صديت عليه جان يدحك عليّ

من انتبه نزل عيونه وهو يسولفلها كلام الدكتور عن وضع أرسلان

من نامت أثيله رجعت للبيت قبل لا افوت انتبهت اكو واحد وراي