سجين الحب «الأصلية»

البارت السـابع عـشر

زهراء الحريري

حساب الانستا/ zahraa_alharyry

#سجين_الحب

البارت السابع عشـر

گولوله :
الماضي إنطوه،
والچانت تبچي من الهجر متحسنه حيل أحوالها
لتين

♡♡♡♡♡♡♡♡♡♡♡♡♡♡♡♡

تماضر

طلعت وراه سراج حتى يوصلني للعيادة لكيته واكف دا يمسح بالجام الأماميه للسياره..

صعدت بالصدر انتظره عيوني عليه، كمل وصعد حرك السياره بدون ما يحجي وياي هاي الفترة كلها هيج

مد ايده على الكاسيتات يقلب بيهن اختار كاسيت دخله بمسجل السيارة شغله يقدم بيه وتوقف على أغنية رياض احمد (عود الحبيبك) وصل لمقطع..

عود الحبيبك عود كافي بعد عود..
حنن علي ذنيج رصعات الخدود..

قبض الستيرن بقوه ابتسم بحزن ونظرات عيونه حزينه الدموع بداخلها تلمع

التفت بوجهه على الجامه الي بصفه وهو عاض على شفته وشرايين ايدة بارزة بقوة

مد ايده بسرعة وطفئ تنهدت على حالته
وصلنا للعيادة ومثل كل مرة يباوع بحنين ولهفة وألم على الباب

سلمت عليه مارد السلام حالها حال سابقاتها بس متاكدة يرد بداخله تقربت بسته بخده ونزلت

دخلت وهو حرك واكيد راح يغيب لليل مثل كل يوم الصبح يخلصه بالدوام والعصر بعد ما يوصلني للعيادة يختف لليل يلا يرجع..

مااعرف شنو عنده بس متاكدة يخص نفس لان بطل يسألني على سبب زواجها وياخوفي يكتشفه بنفسه

كعدت بمكاني بعد مارتبت غرفة الدكتور والاخصائية المراجعين بلشوا يدخلون واني انطيهم ارقام حجوزاتهم دخل الدكتور سلم ودخل لـ غرفتة وبعده الاخصائية النفسية هم دخلت

بـ 6 تقريباً تفاجئت بدخول سراج للعيادة كمت بسرعه ومشيت له قبل لا احجي ويا كال بدون ما يباوعلي

سراج: الدكتور فارغ لو عنده احد؟

تماضر: اي عنده

هز راسه وكعد ينتظر رجعت لمكاني عيوني عليه عاقد حواجبه ويهز برجله عيوني مشطت ملامح وجهه التعبانة والكئيبة ..

طلعت المريضه وبعدها بدقائق رن جرس الدكتور، سراج باوعلي بطرف عينه كام من مكانه وكف مقابيلي وكال

سراج: بلغي سراج عند موضوع مهم وياك

هزيت راسي.. دخلت مدنك على التقارير رفع راسه

ثائر: ها بابا وين المريض؟

تماضر: اجيت اخذ الاذن منك لـ أخوي سراج يريد يدخل يكول عنده موضوع مهم وياك