سجين الحب «الأصلية»

البارت الثالث

زهراء الحريري

#سجين_الحب

البـارت الثـالث

وَهَبَ الإله بك الجمالَ تجمُّلًا
حتى كأنك للجمال جَمالُ
سراج

♡♡♡♡♡♡♡♡♡♡♡♡♡♡♡

نفــــس

اخذت نفس عميق وزفرته ابتسمت بوجهه وحررت عيوني من نظراته واني اسأل تماضر

ـ شديصير هنا؟

تماضر : دكتورة الأخ يريد يدخل للدكتور وهو محاجز

دا اكوله الحجز لازم قبل يومين واليوم فقط لـ أستقبال المراجعين السابقين بس مدا يقتنع..

نفس : تمام عزيزتي ماكو مشكلة.. الاخ ما كان يعرف بنظام الحجز ثبتي اسمه اليوم

رجعت عيوني عليه بعده على وضعه و وجهتله كلامي

ـ نستخدم هذا النظام في سبيل توفير الوقت الكافي لمراجعينا حتى كل شخص ياخذ الوقت الكافي

يوم يكون جلسات لعلاج المراجعين السابقين ويوم لاستقبال المراجعين الجُدد

ما أعار كلامي اي اهميه ورجع راسه للامام بتجاه تماضر الي مدنكه تكتب..

تقدمت اريد ادخل للغرفة الخاصة بيه تجاوزته وهو همس بخفوت مصحوب بنفس طويل

ذيب : نْفس

استغربت يعرف اسمي التفتت عليه أبحرت نظراتي بنظراته الغريبة

نفس : محتاج شي عزيزي؟؟

رفع حاجبه على اخر كلمه مال راسه على الناحيه اليسرى قليل وحرك طرفة فمه الايمن بصورة سريعه بمعنى لا هزيت راسي ودخلت لغرفتي

ومثل كل يوم اول ما كعدت على الكرسي اتصلت على امي بلغتها بوصولي للعياده وبديت استقبل مراجعيني..

كملت كل الجلسات لليوم بنشاط، انتبهت للوقت الساعة بالسته اخذت حقيبتي اليدويّة وحقيبة اللابتوب وطلعت..

تماضر بعدهي موحودة دا ترتب بالملفات

ـ محتاجة مساعدة عزيزتي؟

التفتت عليه ابتسمت وكالت

تماضر : تسلمين دكتورة ما عندي شي تقريباً خلصت

نفس : دكتور ثائر طلع لو بعده؟

تماضر : لا طلع قبل كم دقيقة

نفس : تمام اذا كملتي تعالي اوصلج

تماضر : لا تعبين نفسج دكتورة راح اخابر سراج يجيني

نفس : ماكو اي تعب حبيبتي ولا تزحمين اخوج هو طريقي عليكم اني اوصلج بطريقي

تماضر : تمام بس اكمل ترتيب ملفات المراجعين

نفس : على راحتج حبيبتي