#سجين_الحب
زهــــــــراء الحـــريـري
البـــارت الرابع والثلاثون
وحقك مانويت وياك عالشين
شجاك وچودرت رمحين بيه
نفس
♡♡♡♡♡♡♡♡♡♡♡♡♡♡♡
flash back
ســــــــــــمر
شفته دخـل للبيت دحك عليَّ ودخل لغرفة جدتي
مشيت وراء جدتي تصلي دنك باسه براسها وڪعد على القنفة يهز برجله ويعصر بديه اعرفه حافظته اڪثر من نفسي يعني هساع النار تور بصدره
آصف بوقت العصبية خارجياً يبين عبارة عن جليد عگس النار اللي تشعل روحه وتعوفه رماد
بلعت ريگي رفعه راسه يدحك عليَّ بنظرات الحقد والغضب
استغربت شبيه دنكت راسي مو وعدني هذا الاسبوع يطلڪني من يونس خلص الاسبوع وبعدني هين معقوله ماڪدر ينفذ مخططه
رفعت عيوني بعده يدحك عليَّ ضغط اثمه وهو يغمض عيونه ووجهه يرجف بالعجل طلعت من الغرفة
اريد ادخل للمطبخ ونسحبت من ايدي فتحت عيوني
احجي وياه بهمس وتوسل
ـ شدسووي اترك ايدي لا يشوفنا احد
سحبني بتجاه وحدة من الغرف الفارغة اريد افلت نفسي من ايده ما اڪدر اتلفت بعيوني محد موجود دفعني وسد الباب
بلعت ريڪي عيونه تخوف تكرب عليَّ تراجعت للخلف نضربت بالحايط وكف كبالي شفت الدموع تجمعت بعيونه
آصف:- راح اسألج بس يا سمر وحق اللي زرعج بنص گلبي اذا ما حجيتي الصحيح
رفع راسه دحك على البنكه ورجع عيونه عليَّ
ـ اشنقج بالبنكه وتعرفيني زين اسوي اللي اڪوله
هزيت راسي وگلبي يرجف من الخوف ما اكدر افكر عن شنو سؤاله
آصف:- يونس متقرب لج؟
غمض عيونه بألم فتحهن الدموع تارسه محاجرهن
هزيت راسي بـ لا قرب عيونه من عيوني
آصف:- عجل نيشان منو طلعه لجدج
بلعت ريگي همست ما اعرف صديت بعيوني عنه
ـ اكحز خل اطلع لا يفوت علينا احد
رجعت عيوني عليه عض على شفته بعصبية
ـ جذبين عليَّ سمر
اشهر خادعتني ما متقربلج واني مثل الثور مصدك واخطط خطط اڪبر من راسج وراسي خاطرت بوظيفتي وانت جذبين عليَّ
وكعت دموعي غمضت عيوني
ـ جنت خايفة انذبح مثل ايفا
رفع ايده خنكني ما تحركت ولا قاومت غمضت عيوني اريد اموت واخلص
YOU ARE READING
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
