# سجين_الحب
زهــــــــراء الحـريــــــــري
البـارت السادس والثلاثون
اني العايفك واني المجلب بيك
واني كل شيء بيه وكل شيء مابيه
آصـــــــــــف
♡♡♡♡♡♡♡♡&♡♡♡♡♡♡♡♡
تـــــــماضر
رجعت ڪم خطوة واني اقطع النفس اخاف صوت انفاسي يحجب ڪلمة عني
لـؤي:- لـــ أخـوي حيـــــــــدر
تنفست براحة ابتسمت واني اهمس الحمد لله
صح ما اوافق ومستحيل اخذ مڪان اختي بحياته بس اللي خوفني نظرته تتغير، علاقتنا بيه اخوية اشوفه مثل ما اشوف سراج من ڪال لـ أخوي حسيت مي بارد نزل على صـــــدري
سراج:- شـوف يالحبيب اني وانت روح وحده ومفصوله بجسمين ونحجي ڪل شي بدون احراج
اخوك والنعم منه اخو خيته وراعي نخوة بس يا خوية زلم ما تجرعه تريد تماضر الترفة تتحمل اطباعه وهي اذا تسألها شبيج تبجي
لؤي:- شوف شوف وجه البغل سدهه بوجوهنا
سراج:- ما سديتها بس احجي الصدك اختي بزر نستله ما تتحمل العيشة ويا اخوك شلون تريدني اشمرها بحياة ما توالمهه
لؤي:- اهووو يا اخي انت اسالها لا تحجي من راسك وتوكف نصيبها يجوز ترضه
وبيتها وحدها وشتريد وشتامر يتنفذ
سراج:- لؤي اخوك مطلك
لؤي:- جا وذا لا هو اول مطلك ولا اخر مطلك
سراج:- اسالك وعليك الصحبة تحجي الصدك، منو السبب بالطلاك اخوك لو البنية؟
تنهد وهو يجاوبه
لؤي:- اخـــوي ما اجذب عليك عصبيته تعم عليه
سراج:- وتريد انطي مرة
لا يالعزيز كطنه وشيلها من اذانك ما انطي
لؤي:- انت اسالها وڪلها والها وكت تفكر لحد ما انزل استراحة
ضحك سراج
سراج:- اكلك ما انطيها تكول اسألها وتفڪر شبيك بوية صاحي انت يو لا
عفتهم يضحڪون مغيرين الموضوع وابتعدت عن البـاب الحلف اذا يسمعن يطكن اصبع
ڪم يوم ومشى لؤي البيت وحش بدونه عمتي ڪل ماتضوج وكالت شال البيت وياه
سراج ابــد ما فتح موضوع اخو لؤي، من نزل بنفسه سألني كبال سراج بسرعة رفضت
ڪاعدة يمهم اطرز واستمع لحديثهم
سراج:- آصف اصف ماكو غيره
لؤي:- اي ولك هو ابو الصوف
ضحك سراج
سراج:- سلم لي عليه والله مشتاق لايامنه
اذا فرغت بيوم اجي وراك
YOU ARE READING
سجين الحب «الأصلية»
Mystery / Thrillerتم تغير اسم الرواية من مجنوني الأنباري الى سجين الحب من بين الناس جميعاً، وفي شدة العتمه التي كانت في قلبي عندما غَدُرتُ من الحبيبه والصديق، ولم اعُد أؤمن بالحب!! وقعت في غرام سيدة النساء 🤍
