سجين الحب «الأصلية»

البـارت التاسع والثلاثون

#سجين_الحب
زهــــــــــراء الحـريــــري
البارت التاسع والثلاثـون

بنــــــــــان
الوقت يمضي واعمارنا تتقدم ونحِن لا زلنا ننتظر ذلك المستقبل البعيد

      ♡♡♡♡♡♡♡♕♡♡♡♡♡♡♡♡

اثيــــــــــــــــــــلة

البنات بالصالة يلعبن واني ارتب بالملابس راسي يريد ينفجر من العصبية هذا الڪنتور ڪل يومين تضربة عبوة ناسفة اسمها آصف

ڪل مرة يريد يطلع البنوات والبسهن مو على ذوقه يجي يكلبه وهو يختارلهن ويلبسهن بيده وهو يڪولهم

ـ امجن كاتلها العجز

سمعت صوت عياط ڪوثر طلعت اركض لكيت زمزم ساحبتها من شعرها وتعض بيها من اكتافها وخانكه وجها بين رجليها وتعيط وياها

بسرعه اخذتها منها كوثر تبجي والوجه احمر وزمزم تعض بشفتها بعصبية بـ هالسنين المصيبة

كعدت كبالها احجي وياها وربت على ظهر ڪوثر تا تهجد

ـ  لا ضربينها غير تحبج خطية دادا شوفي شلون تبجي

يله بوسيها تا تسكت

كوثر دخلت وجها ضامته بين كتفي ورقبتي وهالعرمة طالعة على سمر بالوكاحة ارفعي اللعابه وعلى راسي عزا نسطرت وصرت اشوفها نسختين وعصافير زقزق فوك راسي

عضيت اصبعي بعصبية

ـ محد طلع عينج غير ابوج هذه تربيته

عزا بعيني شلون عرامة شايله هالبنت ياربي

كعدت العب وياهم ومتحذرة من زمزم لا تضرب اختها

لليل يله دخل اصف وجايب عشا وياه تلكته زمزم تحجي ياباني وتأشر علينا والمسڪينه كوثر بس دحك بعويناتها

كمبص كبالها يستمعلها ويهز براسه اشرت على كتفها وتحجي بعصبية

صد عليَّ

ـ ضاربتها؟

ـ لا

ـ عجل شدا تحجي سطرتني دخيل ربها

تنهدت

ـ جنت بالغرفة ارتب بالكنتور وطلعت من سمعت صوت كوثر لكيت زمزم عاضتها وتضرب على ظهرها

تنهد شالها واجى كعد على القنفة اخذ كوثر همات كعد كل وحده على فخذ

باسهن براسهن

آصف:- بنياتي الحلوات عمري فدوة لطولجن

زمزم بابا ممنوع تضربين كوثر داده تحبج

اذا ضربتيها نوبة الثانية بعد ما اطلعج وياها بسيارة عمو ولا احبج

صافنات بوجهه وهو يحجي ما اعرف اذا يفتهمن الكلام او لا، بس افضل من نعلمهن هيج من الطفولة وننطيهن مساحة كبيرة من اهتمامنا