(Unicode)
ဆန်းကြယ်သော ဖူးစာ
အပိုင်း [၅]
ဤရက်များတွင် တလီဖုန်းရှီသည် ကောင်းကင်ပြည်၌သာ သူ၏အချိန်များကို ကုန်ဆုံးခဲ့သည်။ ကောင်ကင်အိမ်ရှေ့စံ နန်းတော်မှလွဲ၍ မည်သည့်နေရာကိုမှ မထွက်တော့ဘဲ တစ်ယောက်တည်း နေနေသည်မှာ တစ်ပတ်ခဲ့ပင် ရှိပြီဖြစ်၏။ ထို့အတွက်ကြောင့် ကောင်းကင်မင်းကြီး တလီချင်းရှောင်နှင့် ကောင်းကင်မိဖုရား ကျိုးသုဖန်တို့က စိုးရိမ်နေကြသည်။ သူတို့နှစ်ဦးက အလှည့်ကျဖြင့် ဖုန်းရှီအား သွားရောက်တွေ့ဆုံပါသော်လည်း ဖုန်းရှီက အတွေ့မခံဘဲ ရှိနေသည်။ အဘယ့်ကြောင့် သူတို့၏ သားတော်က တစ်ယောက်တည်း နေနေရသလဲ ဆိုသည်ကို သူတို့က တွေးမတတ်အောင် ရှိနေကြသည်။
" ဖုန်းရှီ တံခါးဖွင့်စမ်း မင်းဆရာလာတယ် "
တလီဖုန်းရှီသည် သူ၏ အိမ်ရှေ့စံ နန်းဆောင်အတွင်း ရှိနေစဥ် အပြင်ဘက်မှ နတ်မင်း ယဲ့မင်၏ အသံကြောင့် တစ်ချက်တုန်လှုပ်သွားသည်။ ထို့နောက်တွင် သူက ခေါင်းကို ခါရမ်းလိုက်ပြီး...
" ဆရာ ဖုန်းရှီက ဘယ်သူနဲ့မှ တွေ့လိုစိတ်ရှိမနေပါဘူး ဒါကြောင့် အားနာစွာနဲ့ပဲ ဆရာ့ကို မတွေ့လိုကြောင်း ပြောချင်ပါတယ် "
" ဖုန်းရှီ မင်းက ဂါရဝတရား မရှိတဲ့ နတ်ပဲ ငါကဘယ်သူလဲ မင်းရဲ့ဆရာနော် မင်းက ဒီလိုပဲ ပြောသလား "
" အာ... ဆရာ ဖုန်းရှီက ဒီလိုသဘောမျိုး မဟုတ်ပါဘူး ကောင်းပြီ ကောင်းပြီ ဖုန်းရှီ ထွက်လာခဲ့ပါ့မယ် "
အိမ်ရှေ့စံ နန်းတော်၏ တံခါးက ပွင့်သွားသည်။ ထို့နောက်တွင် ဖုန်းရှီက အခန်းထဲမှ မှုန်ကုတ်ကုတ် အမူအရာနှင့် ထွက်လာပြီး ဆရာ့ကို နှုတ်ဆက်လိုက်သည်။
" ဖုန်းရှီ ဆရာ့ကို နှုတ်ဆက်ပါတယ် "
" ငါနဲ့ လိုက်ခဲ့ မင်းက တစ်ယောက်တည်း နေချင်တာမလား မင်းဆန္ဒကို ဖြည့်ဆည်းပေးမယ်..."
YOU ARE READING
ဆန်းကြယ်သော ဖူးစာ (Complete-BL)
Fantasy(Uni code) ကောင်းကင်အိမ်ရှေ့စံနဲ့ မြေပြင်ကမိုးရေစက် နတ်သားလေးရဲ့ ဆန်းကြယ်တဲ့ချစ်ခြင်းတစ်ခုပါပဲ။ (Zawgyi Code) ေကာင္းကင္အိမ္ေရွ႕စံနဲ႕ ေျမျပင္ကမိုးေရစက္ နတ္သားေလးရဲ႕ ဆန္းၾကယ္တဲ့ခ်စ္ျခင္းတစ္ခုပါပဲ။
