رواية مهلكتي من جزء 1 : 18

الجزء_السادس (الحلقه الثامنه ) ( هوب هوب ) ❤ ❤

................
ف الحلقه السابقه :_
سلمى : خدى ردى انتى يابنت الجزمه ياللى عملالى فيها فالحه
هدى : ايه ! لا بقي انا بقول انزلكو عند عربيتك وامشى انا بقي ربنا معاكو
سلمى : ( بتشدها من شعرها ) ياعالم يا واطيه ...... استنو محدش ينطق ولا اسمع نفس واحده فيكو
الو !!!!
احمد : هو انتى فين كده ؟
.................. ( الثامنه ) ❤
سلمى : مافيش داخله ع الجامعه اهو انا وساره
احمد : واتاخرتو ليه ؟
سلمى : ماتأخرناش . مامى بس مسكت فيا وقالتلى لازم افطر قبل ما انزل
احمد : اهاااا مامى ؟ طيب ماتتحركيش م الجامعه لغاية ما اجيلك
سلمى : خير يا احمد
احمد : لا خير ان شاء الله خير جدا
سلمى : انت كويس طيب ؟
احمد : كويس اه ! حتى لسا مكلم الواد عمرو وقالى ان فيه بنتين قعدوا مع صاحب المطعم وطلبو منه انه يرجعنى . عندك فكره عن الحوار ده ؟
سلمى : ايه ! عمرو ؟ عمرو ايه . حوار ايه انا انا معرفش حاجه
احمد : بالراحه بالراحه انتى اتوترتى كده ليه انا بسالك .. انتى ف العربيه ؟
سلمى : اه !
احمد : عربيتك ؟
سلمى : ايوه يا احمد منا معايا ساره اهو . تاخد تكلمها ؟
احمد : لا مش عايز ساره ! كلكسي بعربيتك كده سمعينى صوت الكلاكس بتاعها
سلمى : ايه
احمد : ايه اللى ايه ايه . انتى اتطرشتى ؟ ماقولتلك كلكسي بعربيتك
سلمى : أكلكس ليه يعنى الناس تقول ايه هبله ماشيه بتزمر ع الفاضي
احمد : سلمى ! اخلصى يا روح امك
سلمى : يووووه . لا مش مكلكسه بقي
احمد : ...........
سلمى : الو ! سكتت ليه دلوقتى بقي
احمد : بفكر !
سلمى : بتفكر ف ايه ؟
احمد : ف مصيبه تاخد اجلك يابنت الجزمه ع الفضايح اللى انتى عاملاهالى دى . اعمل ف امك ايه انا ؟ وكله كوم وماشيه بتزمر ع الفاضي دى هههههههههههه بصى ! انا كنت داخل شايط اكلمك واطلع عين اهلك بس بعد الكلمه دى الخناقه باظت خلاص مش قادر امسك نفسي م الضحك جاتك داهيه
سلمى : عشان انا طيبه على فكره وغلبانه ... ماتفكرش ف حاجه ها . ماتشغلش دماغك يعنى وروق اعصابك كده ... وياسيدى نبقي نشوف موضوع البنتين دول على رواقه ها . على رواقه الهى ربنا يباركلك ماتطلعش زرابينك عليا انا عيانه لوحدى
احمد : ههههههههههههه طب غورى . اما اشوفك بس . ماتتحركيش م الجامعه غير لما اجيلك
سلمى : حاااضر بس ماتتأخرش
احمد : طيب ! سلام
..............
هدى : ايه يابت . عينك بتطلع قلوب ليه كده يخربيت دى سرحانه
ساره : ههههههههههههه وحياتك يا اوختى بعد كل مكالمه معاه بتفضل متنحه كده .. هو قالك ايه يا سوسو . هو عرف ؟
سلمى : اه ياختى انتى وهى عرف . وكان داخل يشوطنا احنا التلاته ... بس الكلمه اللى قولتها دى ضحكته ونسيته المشكله
هدى : ايه ده ؟ ايه البونبونى ده ههههههههههههههه انا شكلى هشقطه ولا ايه
سلمى : شكلك ايه يا حلوه ؟
ساره : اوبا
هدى : ايه يا سلمى مش انتو اصحاب بس ولا ايه
سلمى : وانتى مال اهلك انتى اصحاب بس ولا زفت عليك وعلى عيلتك واحد واحد ... فيه ايه يا روح ابوك انتى نسيتى نفسك
ساره : هههههههههه كبرى ف ودنها يا هدى عشان ممكن تقلبك دلوقتى وانتى سايقه
هدى : افهم بس الاول هههههههههههههه المفروض انكو اصحاب وعلى حد علمى ان مافيش حاجه او حد واخد باله من حاجه . وده الكلام اللى عرفته من الناس اللى حواليكو ... واعرف انكو شله كبيره واعرف بردو ان احمد معاملته لظيفه وظريفه مع اى حد بنات وشباب . فيه ايه بقي
سلمى : لوكلوك لوكلوك بقي وانا دماغى وجعانى . بقولك ايه . عاوزه تكملى معانا او عاوزانى اشيلك من دماغى من اساسه تبعدى عنه ولا تكلميه لا بخير ولا بشر ... فاهمه يا حيلتها ؟
هدى : هههههههههههههه حته مانجايه متعصبه يا جدعان ... حاضر . هبقي صاحبتكو وصاحبته بس
سلمى : ولا حتى دى .. ولا اساسا هدخلك شلتنا ... ال اشقطه ال . تصدقى فورتى دمى . خلصي امى بقي وصلينى على عربيتى عاوزه اخدها وارجع ع الجامعه
هدى : يا ساااتر .. طيب طيب .....
سلمى : ماتفتحيش بؤك واخرسي خالص
هدى : ربنا ع المفترى
...................
احمد : حاج طاهر ! الطلبيه اتعتقت يا با وكله تمام !
طاهر : تمام ! خد المفاتيح من نعيم بقي خليها معاك ... جردت الخزنه ؟
احمد : جردتها يا حبيبى تمام وخدت المفاتيح .. تمام ماتقلقش
طاهر : طيب تمام ... رايح على جامعتك
احمد : اه بعد اذنك يا حاج عشان فيه ورق مهم كده هصوره وهبقي اروح
طاهر : اخبار شغل المطعم بتاعك ايه
احمد : سيبته امبارح ههههههههههههه
طاهر : ليه يابنى ماكان حلو وفيه قرشين حلوين
احمد : اهو اللى حصل بقي يا حاج . حصل حوار كده وسبته ومشيت .. صاحب المطعم طالب يرجعنى بس انا هدور على غيره
طاهر : طب بقولك ... ابن حلال وجيت ف وقتك .... الحاج سالم كلمنى بردو على ان فيه صاحب سلسلة مطاعم هتفتح جديد ف البلد طالب شويه عمال . كاشيريه على ويتيريه على شيفات .. ماتروح تشوف
احمد : هههههههههههه ياسلام ! هكلم الحاج سالم واشوف
طاهر : معاك رقمه ؟
احمد : ههههههههه معايا . ده حبيبى ... متشكرين يا حاج . انا هستاذن بقي
طاهر : ف رعاية الله
...............
سالم : ألو ؟
احمد : حجووووج . ايه مش مسجل رقمى
سالم : اسفوخس على دى تربيه ... انت مابتجيش تطل عليا ليه يا واطي .. ابوك ماكنش واطي يالا
احمد : هههههههههههههههههه خلاص بقي قلبك ابيض . والله على بالى على طول بس مابلاقيش فرصه اعدى عليك
سالم : بتتصل عشان مصلحتك صح
احمد : عييييييييييب انا وش كده
سالم : هههههههههههههههههههه يابن اللذينه ... وحشتنى خفة دمك يابن الغالي .. ع العموم عدى عليا كده عشان فيه سبوبه حلوه . انت لسا بتشتغل ف المطعم اياه
احمد : لا سيبته منا بكلمك بخصوص اللى قولته للحاج طاهر
سالم : عسل اوى ! عدى عليا النهارده بعد المغرب
احمد : اعتبره حصل يا كبير ... بقولك ايه
سالم : قول ! وبلاش طولة لسان امك انا وسط العمال بتوعى
احمد : ههههههههههههههههههههه النهارده ايه
سالم : الخميس
احمد : طب هوصيلك على طاجن كوارع كده ترم بيهم البدن عشان الحاج طاهر بيقول ان وشك مخطوف كده بقالك يومين ومش عاجبه ... ايه الدنيا تمام ولا ايه هههههههه ههههه ههههههه هههههههههه
سالم : هههههههههههههههههههههههههههه غور يا كلب .. انا اسد ياض ... اسسسسسسسد يا طروبش . اشكيك لمين دلوقتى اللى كان بيجيبلى حقى منك ربنا يرحمه ... ها قولى اشكيك لمين دلوقتى
احمد : هههههههههههههههههه حبيبى يا حجوج . هعدى عليك المغرب
سالم : بقولك ايه ياض
احمد : هجيب الكوارع حاضر
سالم : هههههههههههه هههههههه امشى جاتك داهيه
.............................
عدنان : ايه ياحاج شايفك مبسوط كده وبتضحك من قلبك
سالم : ههههههههههههههههه ده الولا حمو ! ابن الغالى وابن حبيبى ... ماتقدرش تكلمه الا والسعاده تنط ف قلبك . واد طاهر ... طالع لابوه . وابوه كان أخف دم منه كمان ربنا يرحمك يا حبيبى . فعلا اللى خلف ماماتش
عدنان : امين يارب .. المهم هنوصل الطلبيه دى ولا نستنى لبكره
....................
سلمى : انا نفسي أفهم انتى ايه اللى حشرك معانا ف قلب الجامعه هنا ودخلتى معانا ليه . ماتروحى كليتك يا ماما
هدى : على قلبكو ومستنيه اللى انتو مستنيينه
سلمى : طب اخرسي بقي عشان اصحابنا جايين
مالك : اهلا اهلا . انتو كل يوم تجيبو معاكو مزه جديده كده وانتو جايين .. ايه ده مش انتى اللى اتعجنتى من سلمى من كم يوم . بقيتو اصحاب ولا ايه ههههههههه
سلمى : اخرس ياض
مصطفى : ( بيلمح هدى ومابيتكلمش ولا بيسلم )
هدى : ايه يا اخ مصطفى مش ناوى تسلم عليا
مالك : ايه يا جدعان ماتفهمونا فيه ايه .
هدى : انا هدى يا جماعه اللى اكيد عرفتو ان صاحبكو اتحجز ف القسم امبارح بسببها . بس انا غلطت وحبيت اصلح غلطى قدامكو واعتذرلكو كلكو .. واولكو طبعا سلمى . وطبعا مصطفى . بس هو مش حابب وجودى وشكله مش طايقنى . عن اذنكو
مصطفى : استنى ! انا ماملكش انى اقبل وجودك او مقبلوش . صاحب الراى الاول والاخير هو لاحمد نفسه . واظن اللى هو عمله امبارح كده يبقي عداه العيب
هدى : صدقنى يا مصطفى انا كان نفسي اتعرف عليكو ف ظروف احسن من كده . وبحسدكو والله على لمتكو دى . ومعلش كنت طايشه كده ومش على بعضى بس اهو اعتبروه درس ليا انا واتعلمته . وياريت تقبلونى صاحبه واخت ليكو
مالك : بصى ! احنا ممكن نسامحك ف حاله واحده
هدى : اؤمر يا اخ ...
مالك : انا مالك .. انتى بنت دكتور يوسف طبعا
هدى : اه
مالك : والامتحانات قربت ... وكل سنه وانتى طيبه
هدى : قصدك ايه ؟ عاوز ايه .. انت عاوزنى اسرقلك الامتحانات
مصطفى : لمستى ! هو ده
هدى : هأأأأو . لا يا بابا . اولا انا مقدرش اصلا اعمل كده ومعرفش اصلا امتحاناتكو دى بتبقي فين ولا مع بابا ولا مع مين . كل دكتور اعتقد ان ليه امتحاناته وهو المسؤول عنها . ثانيا انا مقدرش اعمل كده . حرام وعيب انكو تطلبو كده
مالك : خلاص خلاص . مش عاوزين منك حاجه
منه : صباح الخير يا جماعه
سلمى : صباح النور يا منون . اتأخرتى ليه ..
منه : معلش قومت متأخر ! مش انتى ....؟
هدى : اه انا وكنت لسا بعتذرلكو كلكو على اللى حصل ... بس انا نفسي افهم حاجه مدوخانى من ساعتها
منه : خير
هدى : دلوقتى لما انا وسلمى كنا بنتخانق
سلمى : اسمها لما كانت سلمى بتنفضنى .. ركزى ف الكلام
مالك : ههههههههههههههه بطنى
مصطفى : هههههههههههههه يخربيت الفصلان
هدى : وات ايفر يعنى ماتفرقش ... لما كانت سلمى بتنفضنى انتى كنتى ..
مالك : ( بيمسك بطنه وبيقعد ع السور من الضحك )
مصطفى : عليا النعمه عاهات وبنتعرف عليها هههههههههههههههه كملى كملى
هدى : دلوقتى انا اتضربت . ماشى اوكى انا مقتنعه . عشان الخناقه كانت بينى وبينها .. انتى اتضربتى منها ليه بردو . لا واحمد كمان انضرب معانا
منه : ههههههههههههههههه معرفش . اساليها هى . اهى قدامك
هدى : ليه يا سلمى
سلمى : مالكيش دعوه بقي . خليكى ف نفسك .. اومال فين فريده يا جماعه
مصطفى : مش عارف . انا شوفتها الصبح ومشيت معرفش هترجع ولا لا
هدى : مين فريده بقي
سلمى : صاحبتنا وتبقي بنت الدكتور محمد هنا بردو ف الكليه . بس مسافر حاليا
هدى : اه اه عارفاه .. طب فين هى اهو نتعرف عليها
سلمى : استنو أرن عليها
......
سلمى : الو ! هاى يا ديدا
فريده : سوسو وحشتينى يا روحى
سلمى : ايه يا حبيبتى فينك مش باينه ليه
فريده : انا ف مشوار كده بره الجامعه ونصايه وجايه . ايه كلكو اتجمعتو
سلمى : اه بس لسا احمد وبقية الشباب
فريده : طيب انا نصايه وجايه
سلمى : خلاص خلى بالك من نفسك
فريده : حاضر . باي
...........
( بيت احمد )
فريده : اهلا ! صباح الخير يا طنط
ام احمد : صباح النور يا حبيبتى
فريده : معلش انا جايه من غير ميعاد او حاجه بس انا صاحبة احمد
ام احمد : اهلا ! تعالى يا حبيبتى اتفضلى ماتقفيش ع الباب كده
فريده : هو موجود بس الاول ؟
ام احمد : لا هو نزل الشغل وهيطلع ع الجامعه
فريده : اه طيب تمام . هو كويس يعنى ؟
ام احمد : اه يا حبيبتى كويس . انتى هتقلقينى ليه بس .... وبعدين انتى فريده مش كده
فريده : ايه ده ! انتى حضرتك عرفتينى ازاى
ام احمد : هههههههههههههههههههه صهباء وشعرك كيرلى باين عليه اهو وزى القمر وعندك شامه صغننه اهو .
فريده : ( باستغراب وضحكه ) وحضرتك عرفتى كل ده ازاى
ام احمد : هههههههههههههههه احمد ابنى حكالنا عنك . حكالنا عن كل زمايله واصحابه مابيخبيش عننا حاجه
فريده : ( بفرحه غامره وبريق ف العيون ) بججججد ؟ طب وقال ايه تانى عنى
ام احمد : استنى بس انتى سالتينى احمد كويس ولا لا بناءا على ايه .. فيه ايه انتى موغوشانى على فكره على ابنى
فريده : ابدا والله يا حبيبتى بس صاحبه مصطفى كده كان بيكلمنى امبارح انه عاوز رقم عميد الكليه والنهارده بردو كلامه مش مريحنى . ف حبيت اجى هنا بنفسي اتطمن
ام احمد : يا حبيبتى الواد جه امبارح قعد مع اخواته واتعشو وفضل سهران معاهم وبيهزرو وبيضحكو وانا سامعه صوتهم طول الليل .
فريده : اه اوكااى يبقي انا اللى قلقت عليه بزياده معلش . خصوصا ان رقمه امبارح كان مقفول طول الليل وماكناش عارفين نتطمن عليه يعنى
ام احمد : لا ممكن يكون قافله وهو ف المطعم بيشتغل
فريده : طب ها بقي .. احمد قالك عنى ايه تانى ههههههه
ام احمد : هههههههه كل خير يا ماما بيتكلم عنكو بكل الخير . بيحبكو اوى على فكره
فريده : والله العظيم واحنا كمان بنحبه جداا ماتعرفيش هو ايه بالنسابلنا كلنا .. قولى يا طنط قال عليا ايه والنبى
ام احمد : هههههههههه الله فيه ايه يابنتى ! بيقول جدعه وتفديى اى حد تحبيه بعمرك . وانك فيكى كل مميزات البنت المصريه الحلوه الجدعه البونبونى اللى تبقي زى المرهم كده تشفى الوجع ..
فريده : قال كل ده ؟
ام احمد : بالحرف وحياتك .
.............
( تحت بيت احمد )
احمد : انت يالا ! مش ناوى تشوفلى عده كويسه كده بدل الهم اللى انا شايلها دى . تليفوناتك كلها صينى يا محروس جاتك نيله تاخدك
محروس ( صاحب محل الموبايلات اللى تحت البيت ) : ههههههههههههههه ياحُب انت تاخد المحل كله . عدى عليا ف اى وقت اشوفلك عده كويسه .. فيه حاجات N70 لسا نازله جديد . ها ؟
احمد : بكام ده
محروس : ب 800 جنى . انا ببيعه ب 900 بس ليك انت ب 800
احمد : بقولك ايه ! انت خالك كان اهبل ؟ ياعم شوفلى حاجه ب 30 جنى بتقول الو وخلاص مش بتوع مرقعه انا
محروس : هههههههههههههههههههههه حاضر هشوفلك . عدى عليا وانت نازل وهجهزهالك . انت نازل تانى ؟
احمد : اه طالع اغير هدومى ونازل ع الجامعه تانى . هبقي اشوفك بالليل
محروس : ماشي يا فنان .
احمد : سلام . والنبى لابلغ عنك بتوع المصنفات ييجى يغتصبوك ف الحجز ع اللى انت بتعمله ف الناس ده
محروس : ههههههههههههههههه
................................
( الباب بيخبط )
احمد : امااه . افتحى
ام احمد : الدلعدى احمد جه اهو
فريده : على خيرة الله استنى افتح انا مش مشكله طالما كده كده هيشوفنى
ام احمد : هههههههه اتفضلي
احمد : هو فيه ايه . هى دى شقتنا ولا الكافتيريا بتاعة الجامعه اى حد معدى عليها يدخلها . ايه اللى جابك هنا يابت انتى كمان
فريده : ههههههههه جايه اشوف مامتك . ايه عندك مانع
احمد : ( بيبص لأمه ) ايه يا حاجه . انت عامله حفل توزيع يانصيب ولا ايه .. وياترى الرهان على انهى حصان
ام احمد : البريمو وحياتك ههههههههه انت رجعت ليه
احمد : مافيش . شوية شحم وقع على التيشرت قولت اجى اغيره وانزل ع الجامعه
فريده : كويس اوى ! معايا عربيتى اهو ونروح سوا
احمد : اه وماله ! هو يوم باين من أوله اصلا .. دقيقتين هغير وننزل
فريده : تمام . ومتشكره جدا ع الكلام الحلو اللى قولته عنى لمامتك
احمد : ( بيبص لاحمد وبتعمل نفسها بتقشر تفاحه بالسكينه ومش واخده بالها ) منوره يا حاجه
ام احمد : بنورك يا ضنايا
احمد : لا بجد منوره .. بقولك ايه فيه اتنين تحت لسا معرفوش اسرار بيتنا ياريت تنزلى تقوليلهم
فريده : ههههههههههههههههههههههه
ام احمد : هههههههههههههه امشي يا واد ( بتحدفه بالتفاحه )
احمد : ( بيمسكها وبياكلها ) تسلم ايدك ياختى
..........
( قدام بوابة الجامعه )
احمد : يلا انزلى .. بقولك ايه .. سمعى كده اللى قولتهولك
فريده : ياعم خلاص حفظت
احمد : اخلصى يا روح امك هنموت ... سمًعى الكلام يابت
فريده : ماشوفتكش ولا قابلتك ولا اعرف اصلا انك جيت . هستنى 5 دقايق وبعد كده هدخل بعدك .. هاا ايه تانى
احمد : لا كده تمام . بس تمثلى صح وحياة ابوك . مش عاوز حد يعرف منهم اننا جايين سوا ولا اساسا كنتى ف البيت عندنا . مفهوم
فريده : مفهوم يا باشا . وربنا يستر
.............
مالك : الفناااااان وصل . عليا النعمه واد قيامه وجنتله ياض
احمد : دى اقل حاجه ... فطرتو
سلمى : اه فطرنا . انت فطرت
احمد : انا بفطر الساعه 7 الصبح .. ايه ده هدى ؟ يادى الننووووور ايه اللى لم الشامى ع المغربي
هدى : معلش بقي سوء تفاهم وراح لحاله
احمد : اومال فين على وحسن واحمد وعماد ومجدى يا مصطفى
مصطفى : كانو هنا من شويه .
سلمى : انت جيت ازاى
احمد : يعنى ايه . جيت زى ما الناس كلها بتيجى . ركبت مشروع ونزلت وجيت . ايه عادى
سلمى : عادى ياعم بسال .الله
احمد : اومال فين فريده
سلمى : كلمتها وزمانها جايه . مش عارفه اتأخرت ليه
احمد : طب رنو عليها كده شوفوها فين
منه : اهى اهى وصلت خلاص
فريده : هاى عليكو يا جماعه . صباح الخير
مالك : عليا النعمه مزه السنين كلهم
فريده : ههههههههه بس ياض . ازيك يا صاصا . منون وحشانى والله سرسور . سوسو وحشتونى . اومال مين الانسه
هدى : انا صاحبتكو الجديده واسمى هدى لو تقبلو طبعا
فريده : اااه مش انتى اللى سلمى ...
هدى : ههههههه نفضتلى عارفه . انطقيها
مالك : ههههههههههههه همووووت
مصطفى : هههههههههههههههههههه يخربيت الضحك يا جدعان
منه : ( بتبتسم ابتسامه هاديه كده وبعدين بتضحك )
ساره : (بتضحك ضحكه رقاصات )
سلمى : ( متنحه وسرحانه وبتبص ل فريده )
احمد : فيه ايه يا سلمى مابتضحكيش ليه
سلمى : فريده هو انتى ليه سلمتى علينا كلنا بالاسم وماسلمتيش على احمد ؟
..........
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020