مرت شهرين وفارس صار اسوء يجي سكران يكسر البيت يحطه ويكتله احمد وماكو فائده امي تعبت واني احاول اهدئ ابوي واكله ماكو شي بس هو يعرف صاير شي وصرت مانام بليل ابدددد لان اخاف يجي فارس ويسوي شي وهو سكران وبقيت على هل حال مانام بليل واكضي النهار نايمه وصار فارس ميكدر يطلع من البيت مدري ليش يشرب ومتخبل علينه اشوفه يشرب حبوب ماعرفها شنو بس تخلي اسوء من الشرب
بيوم طلع واني كعادتي كاعده الفجر على التلفون بغرفتي ضلمه بس بيها نشره ذهبيه على شكل نجوم واباوع مسلسل والكل نايم وفارس طالع
كمت اشرب مي وطلعت انصدمت واحد ملثم حاط امي وخانكها ويحجي بهمس وياها
:كتلج ابنج وين وهو يخنكها
فاطمه: شهكت وحطيت ايدي على حلكي
:باوعلي بسرعه وكال بس تطلعين صوت اقتلها حط السجينه بركبة امي اني تخبلت اتوسل بيه واهمس خايفه منه وابجي
متحملت صرخت احمدددد علييي وابجي
باوعلي وبدم بارد ذبح امي من ركبتها الدم ملى الكندور واني تخبلت صوتي ختفى بس عيوني على امي الي متغطيه بالدم!
نزل احمد وعلي يركضون باعو بصدمه علي صاح يمه بصوت عالي گبل توجه على امي سحبه وحط السجينه ببطنه واني وكعت بالكاع ابجي وارجف شلون السعفه
ركض عليه احمد تلاوه وياه بس جان المجرم اضخم من احمد وكعه بالكاع وذبحه نفس طريقه امي رفع راسه يلهث تقدم عليه واني ارجع ليورا نفتح باب بيتنه الخارجي فجاة وهو لتفت ركض للسطح بسرعه ونهزم اني بدون وعيي ركضت لامي الزمها والدم ماخذهم هيه واخواني كمت لغرفه ابوي اركض متامله هو بقالي! بس لكيته نفس منضر امي همين مذبوح وكفت بنص البيت وصرخت صرخه واني ابجي ممستوعبه الي كدامي واكول يارب حلم كون حلم واكعد اصيح ماما وتكلي ها يروحي والكه ابوي كاعد يمها يتريك وعلاوي متمدد بنصهم وحمودي كاعد وياهم غوشن عيوني وحسيت على نفسي وكعت بس صوت حواليي اصوات هواي غريبه اصوات ناس واصوات سيارات واصوات صياح
فاطمه:فتحت عيوني بتعب باوعت حولي اني على سديه ويمي بنيه لابسه لبس ممرضه تفتر اريد انطق اريد احجي ماكو... رفعت اصبعي على كيفي شافتني اجت يمي
الممرضه: ها حبيبتي شنو تحسين
فاطمه:ردت احجي احاول وهي تباوعلي هزيت راسي ونزلو دموعي اشرت على حلكي
الممرضه:ثواني....طلعت واجت هيه ودكتور تسولف وياه عليه
الدكتور:ها بنيتي تكدرين تحجين حاولي!
فاطمه: هزيت راسي واني اشهك
الدكتور:لضغطين على نفسج خلص
وهو يحجي وياي دخلو شرطه هواي باوعت لنفسي لابسه شال منو لابسني؟ اهلي وين؟ جنت بحلم؟الشرطه شبيهم؟ اريد اسئل واحجي ماكدر
الشرطي:خلص شغلك دكتور لازم ناخذها نحقق وياها ميصير تبقى اكثر
الدكتور:سيدي حاليًا هيه بصدمه متكدر تنطق شلون تحققون وياها؟؟؟
الشرطي:لتدخل بشغلنه يلا گلبجوها وجيبوها
فاطمه:اباوع بصدمه شديحجون شنو تحقيق!!!!
لزمو ايدي واني نهاريت شنو ياخذوني واني اساسا مامستوعبه اني وين وشصارلي واهلي صدك ماتو لو حلم وادفع بيهم بكل قوتي واصرخ وهمه گلبجوني غصب ولزموني حيل ومشوني واني اباوع بعيون الدكتور بتوسل بس اريده يخلصني واضح مو مثلهم بس أشرطه كلش دمهم بارد ماهتمو
اخذوني لمكان وكعدوني بغرفه ضلمه ريحتها مطيبه ابدددد وصوت صراصير وضوة خافت قفلو الباب وراحو اباوع على نفسي متدمره وكل لحضه اشوف شكل اهلي شلون الدم ماخذهم ومذبوحين وينهد حيلي بالبجي محسيت على نفسي ونمت بالكاع بتعب
نور الدين:دخلت اسمع بس ونين طفله عبالك دنكت راسي شفتها مكوره نفسها ونايمه عقد حاجبه وتقرب ....نفسها!
نور الدين:هي انتي كعدي هزيت ايدها حيل واني متقرفص كدامها
فاطمه:فزيت بخوف وعدلت كعدتي بسرعه وباوعت عليه اتذكر شايفته مدري وين....حجه بصوت حاد والغرفه فارغه وصوته يصير صدئ يخوف
نور الدين:كومي كعدي على الكرسي
فاطمه:كمت على كيفف وجسمي يرجف من التعب اعصابي تلفانه ....سحب الكرسي الثاني وكعد مقابيلي
نور الدين: ايييي ست فاطمه طلعتي مو هينه يلا غردي وين اخوج وشلون قتلتي عائلتج بس بسرعه وبدون مماطله وجذب لان ماريد اتعبج وتعبيني وراج هواي امور ابتسم بستفزاز ....باوعت عليه كلشي مفتهمت شنو قتلتي عائلتج شنو وراج هواي امور بقيت صافنه بوجهة باوعلي
نور الدين:عاط متحجين!
فاطمه:نهاريت بالبجي كلشي مافهم ليكوله عقلي وكف هزيت راسي بمعنى فهمني شنو!
نور الدين: ها عود هيه متعرف اوك خلي اصير على كد عقلج وافهمج
يحجي ويفتر من يمي
نور الدين: فاطمه عمار حمزه متهمه بجريمه قتل عائلتها كل من خوله وعمار واحمد وعلي... تم ايجاد السلاح في مسرح الجريمه وبيدي المجرم (همس الي هي انت) وبمساعده اخايها فارس عمار حمزه تاجر مخدرات هارب... يحجي بصوت هادئ وحاد واني دخلت بدوامه من الي ديكوله اني؟اني اقتل امي الي هي روحي من الدنيا وكف كدامي
نور الدين: يلا فهمتج هسه غرديلي شلون وليش قتليتيهم والاهم من هذا اخوج ويننننن باوعتله واني ابجي كمت على حيلي وتقدمت اله لزمته من ملابسه حيل واني اهز بي اريد انطق اخلص نفسي من عذابه وابجي بنهيار دفعني حيل ووكعدت بالكاع واني اشهك
نحنى ولزم فكي
نور الدين:يحجي بفحيح لج كح** مو عليه هاي السوالف ملعبهن على ايدي تحجين لادفنج هنا احجيييي ضربني راشدي قوي حسيت اذني وشت
مر اسبوع واني بنفس الغرفه يجيبولي اكل ماكل واحس نفسي جسد بلا روح احاول احجي ويه نفسي بس اريد انطق كلمه يجي الوحش يخرب الاول والتالي اسبوع وهو كل يوم يزيد جنونه عليه عبالك قاتله عائلته!
YOU ARE READING
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
