انا وهشاشه خيالي

بارت13

نور الدين:تره ادهم اني متاكد حتى يخوفوك وكالوا نخوفه اكثر نكله صديقك هم شبيك اهده
ادهم: نور الدين متاكد هلمره صح مرتي حامل ومن طلعنه نسوي تحليل حسيت شخص يراقبنه بس ماهتميت حتى مرام لاتخاف خلي يكولون جبان نور الدين ماكدر اذا صارلها شي اموت
نور الدين: هسه شتريد نسوي اني حاضر ووياك ماعوفك
ادهم:حاليًا العماره متراقبه بس همه ميعرفون زوجتك  وزوجتي لان مرام جانت طول الوقت بالسياره نكدر  نطلعهم سويه وحدهن ويروحن للمزرعه مالتي بيها حراسه هناك اطمن مبيهن شي بعدين احنه نطلع بشكل فردي كل واحد يروح لإي مكان من ندوخهم عود نرجع للمزرعه
نور الدين:ادهم متاكد ميصيرلهم شي تره حالي حالك اذا صارلها شي اتخبل
ادهم:لتخاف دارس الخطه زين
باوعنالهن وهنه يسولفن
حجو ثنينهم بنفس الوقت لازم تطلعن منا انتن الثنين
فاطمه مرام:وين
حجولنا الخطه ومرام خافت على ادهم ومقبلت واني باوعت لنور الدين اعرف نضراته اذا قلق هو خايف واذا مطمن هو متاكد من قراره
كعدت بصفه وهمست
فاطمه:نور الدين متاكد؟؟؟
نور الدين:اي بويه الشغله سهله بس هذا خايف على مرته لان التهديد مباشر الها كام وكمت وياه
نور الدين:خلي تحضر ملابسها فاطمه ونجي اخذو راحتكم سحبت ايد فاطمه وطلعنه طبينه ثنينه للغرفه اني احضر ملابسي وهو وراي يبدل
نور الدين:حضري ملابس قليله وعريضه لان ادهم ويانه عيب يحجي واني اهز براسي
همست زوجيي القيوررررر
نور الدين:شكلتي؟
فاطمه:سلامتك ماكو شي☺️صدك خلي اخذ سعدون
نور الدين:نجبي لا حطيله اكل ونروح هنا احسن اله انوب سعدون عليه جنت بحيوان صرت بحيوانين
فاطمه: تقدمت يمه متخصره شتقصد
نور الدين:الي فهمتي رش عطر وعدل شعره
لزمت ايده وعضيتها حيل وهو يريد يجرها حتى نزفت وخرت وباوعتلها بندم خطيه نزفت
نور الدين:شنوووووو جلب متكليليييييي
فاطمه:حتى بعد متكول عليه حيوان واحمد ربك ماعضيتك بجتفك الجتف احلى عضته يلا على الجايات مشيت بدلع ماحسيت غير سحبني وباسني من شفايفي او عضني لان متتسمى بوسه لان حسيت شفايفي نشالت من مكانها ضربته حيل ولزمت شفايفي
فاطمه:نوررر هذا حجي شنو هاي دشوف اشرت على شفايفي كلهن دم وهو يضحك غمزلي
نور الدين:وحده بوحده لبسي كمامه من تطلعين
بدلت ولبست الكمامه وطلعنا لكيت مرام وادهم ينتضرونه وهي هم لابسه كمامه بقو يوصونه تعليمات عبالك اطفال اول مره نطلع تقرب ادهم حضن مرام قوي حبهم كلش حلو مرام محتويته لادهم وهو شلون الطفل من يكون قريب منها بقو يتهامسون باوعت لنور الدين لزم ايدي وباسها وحضني من جتفي فاطمه لتجفصين كبل تصعدين السياره وكبل للمزرعه لامنا ولامنا
فاطمه:هاهيه يمي تريد الزم هذا الي دهددكم تره سهله؟
ضحك
نور الدين:لا متقصرين
همس شوف اشوف شفايفج اطمن عليهن غمز
دفعته كلشي مابيهم يلا مرام خاب لزكتي تره يجون بليل مراح يعوفج سحبتها ولزمت ايدها وهمه ضحكوا نزلنه بالمصعد ومرام ماخلت دعاء مادعته وترتني ونرلنا لكينه سياره تكسي هي الي ماجرها ادهم صعدنا وطول الطريق مرام لازمه ايدي قوي وتدعي وجها اصفر وصلنا واني اهدى بيها نزلنا جانو حراس يدرون راح نجب استقبلونا وشالو الجنط
فاطمه:ووصلناااا خلص عليمن هلخوف ياعيني نزعت حجابي لان حاره
مرام:فاطمه اني حامل مخايفه على نفسي خايفه على الجنين
ابتسمت بفرح
فاطمه:صدكُ ياييييي كمزت وحضنتها الف مبروك ليش مكتيلي نذله كعدتها
نزعت الشال واني نزعت الكمامه واشكالنا تضحك هي اكو علامات على ركبتها واني حلكي مدمه ومجرح
ضحكنا ثنينا
مرام: لو تشوفي شلون فرح من كتله بالخبر ادهم يتيم واني يتيمه تخيلي يجينه بيبي ونعيشه الحياه الي نريد جنه نعيشها تحجي وعيونها مدمعات
فاطمه:انشاءلله حبيبي يعيش احلى عيشه
مرام: بس اني لازم اسوي دراما واخوفه كُتله راح انزله ماريده يعيش وياك من تعصب تكتلني اني وياه هو تخبل ويحلف ميمد ايده عليه واذا صار عصبي يطلع من البيت
فاطمه:كفو لازم نضيف بهارات احسن
ضحكنا وكمنا بدلنا صار اليل وهمه ماكو كلش قلقنا ونتصل مغلق صارت العشره اجه ادهم وبدون نور الدين وكعدت مرام تسئل بيه شصار كال ماكو شي جديد
فاطمه:خويه ادهم وين نور شو ماجه وياك
ادهم:هو يتعاند كتله تعال وياي كال اخلص شغلي واجي
زفرت الهوه بقلق مانكر خفت عليه كُلش دخلو ادهم ومرام لغرفتهم واني بقيت افتر يم المسبح والاشجار المزوعه كُلش حلوه وواسعه وبالي عند نور الدين ليش ماجه صار الفجر واني اغفي والجو صار بارددد اجتني افكار خاف انقتل وهو راجع بالطريق طلعت اركض بدون وعيي والحراس رادو يمنعوني مكدرو ركضت للشارع وشفت سيارته نزل يركض عليه خطيه عباله بيه شي
حضنته قوي وجلبت بملابسه واني اشهك
نور الدين:شبيج ابويه انتِ شصار
فاطمه:عبالي عفتني عبالي صار بيك شيء ليش تاخرت
نور الدين :هو اني يايوم عايفج مسح دموعي وطببني وكفنه يم المسبح وهو محاوطني
نور الدين:خفتي عليه
فاطمه:لا واني امسح بدموعي
نور الدين:وهاي الدموع المن لابوي والشفه لصارت مثل الفروالة يحجي بصوت ذايب ويباوع لشفايفي
دفعته
فاطمه:ها خيرررر وخر اريد انام صوجي انتضرتك
ضحكت وسحبني حضني حيل ووجهي صار بركبتك
غمضت عيوني وشميت ركبته على كيف حسيت نفسي بغير عالم واني رافعه نفسي حتى اوصل بطوله
شالني وتوجه لغرفتنه باوعتله بترتر
فاطمه:اااااءءء
نور الدين:اششش قفل الباب ونومني على الجربايه وسحب شالي همس راح اموت رحمي بحالي وهو يشم بشعري ويلعب بيه
فاطمه:نور انته شكلت همست والنفس بالكوه اجره
نور الدين:ليش متبطلين غباء وتعترفين انتٍ تحبيني طبع بوسه خفيفه على شفايفي وباوعلي
فاطمه: ماحبك منو كال احبك
نور الدين:عيونج كالن
فاطمه:لتصدكهن
نور الدين: هسه مناويه ترحمين بحالي وصلت لاقصى الحدود اويلي عليك نور الدين هاي تاليتك تتوسل يحجي بهمس وعيونه تمشي على وجهي
فاطمه:نوررر وخر حباب
نور الدين:مو اذا اوخر هسه بعد تخسريني وتتندمين
فاطمه:ل.لا ماتندم
وخر عني وكام للكنتور عدلت كعدتي اباوعله يتجاهلني مددت ودرت ضهري وهو بدل وطلع واني سويت نفسي نايمه وشويه واجه مدد بصفي ومحضني كعادته دار وجهة ونام كعدت الصبح ملكيته غسلت وجهي وطلعت للحديقه لكيت مرام كاعده وادهم ونور الدين يسبحون همه اخذو اجازه
كعدت بصف مرام گالبه وجهي ومخنزره اباوع عليه
مرام:صباح التخنزر شبيج
فاطمه:صباح النور لزمت راسي اوفف راسي حينفجر
مرام:ليش منايمه
فاطمه:لاا بقيت اتكلب
مرام:همست تتكلبين لو تتكلبون؟
فاطمه:شوف هاي البطرانه نام براحه واني اتكلب
سحبتني ودخلتني جوه
مرام:لتزعلين بس ماحسكم متزوجين شو عبالك اخوان بالبيت
فاطمه: هزيت راسي اي زواجنه جان غصب حتى يحميني وشرطي ميتقرب مني والبارحه كلي رحمي بحالي واتوسل ومقبلت عافني ونام
مرام:صدك تحجين خطيه فاطمه
فاطمه:لزمت راسي هو بيدي تره مو سهله جان عدوي جنت اكرهة هسه مشاعري متلخبطه تجاهة يمكن ماحبه يمكن مجرد شخص بحياتي ليش اخطي خطوه ماعرف نهايتها
مرام:حقج بس انطي فرصه لنفسكم لتتقيدون بكُلشي وانتِ هم انطي فرص مو تنفري وبهذا الاثناء تعرفين مشاعرج الحقيقيه
هزيت راسي ونمت على رجليها مسدت على راسي شويه وغفيت بسرعه حسيت احد شالني وحطني بالفراش چلبت بركبته واني غافيه مرضيت افك ايدي وبعدين حسيته حضني
كعدت لكيت وجهي مقابيل وجهة وهو كاعد وصافن عليه
فركت عيوني وباوعتله
فاطمه:جوعانه
ابتسم وباوعلي
نور الدين:اني هم حتى ماخليتيني اروح اتغده ويه ادهم مجلبه بركبتي
تعدلت بتوتر
فاطمه:مادري عبالي مرام كمت لفيت شعري وغسلت وجهي وهو راد يطلع وهو بدون تيشرت شمرت عليه تيشرت واني اباوعله صفح واحط حُمره تقدم وهو يلبس التيشرت وكف وراي ومسح الحمره بأصابعه وخربط حلكي
فاطمه: يووووه ليش ،مسحت حلكي وعدلته
نور الدين:اي نجبي المن متحمره امشي سحبني
فاطمه:خلي نتغده بالحديقه هز راسه طلعت ارتب الحديقه وهو جاب سمجه خطيه ادهم ومرام شاويين ومبقين النه هم كعدنه ناكل هو ياكل بهدوء عكسي اكل بسرعه حتى اخلص غصيت وكمت اكح
نور الدين:على كيفج يابويه راكض وراج ،طبط على ضهري وشربني مي
نور الدين:يلا اكلي بس على كيفج
فاطمه:ماريد شبعت كمت اغسل ورجعت كعدت لكيته جايبلي فواكه اكلت وباوعتله
فاطمه:نور سؤال
نور الدين:جواب
فاطمه:هم متندم لان تزوجتني حجيتها وكعدت عدل وهااا جاوب بصراحه مو تلفها عليه عادي مازعل
باوعلي
نور الدين: لا بالعكس مليِتي حياتي
فاطمه:يعني شلون
نور الدين:جنت من الشغل للبيت وهذا روتين حياتي مال 21سنه تقريبا لان من عمري 19 اعتمدت على نفسي وعشت وحدي المهم من تزوجنه صرت كلشي اسويه افكر بي مرتين واحطج بعيني لان انتِ صرتي عائلتي وانتِ فهميها بعد شنو العائله بالنسبه للشخص
دمعت وباوعتله
فاطمه:عبالي بس اني اعتبرك عائلتي مجنت ادري انته هم
ارتجيت على جتفه وهمست متعوفني مو ؟
نور الدين: چچچ للموت بدريتي شعندي غيرج احبل اجيب
ضحكت بصوت عالي نتر بيه
نور الدين:صوتج لج
عضيت جتفه حيل واحد ميضحك اوييي
نور الدين:ضحكي بويه ضحكي هو اني عايش علمود ضحكتج....

للكاتبه :وتين

انستا /uluvmine