قبل اشهر نور الدين بالشغل واني جنت انضف ويمي سعدون يفتر اسولف وياه وانضف ندك الجرس
شفت من العين السحريه مراة جبيره يطلع عمرها بالخمسين وفوك فتحت الباب نصه مو كُله كتلها تفضلي خاله جانت تلهث
::خاله بلا زحمه عليج اريد ادخل للتواليت راح اموتن
فاطمه:تفضلي خاله حجيت بتردد نور الدين موصيني مافتح لباب لاي احد بس عيب مرة جبيره
دخلت ودليتها على الحمام كملت اجت كعدت نطتيها مي
::خاب اروح فدوه ربي يستر عليج دنيا واخره بنيتي
فاطمه:ابتسمتلها ادللي خاله انتضرتها تروح وهي بقت تسئل واني اجاوبها عادي سئلتني عن شغل نور الدين وعلى عمري وشوكت تزوجنه وبعدين راحت
مر الوقت وصارت بين فتره وفتره تجي تكول اني جارتكم حسيتها لزكه بس تسولف وتسئل وتفتر بيتنه واني كلما. اريد اكول لنور انسى اختفت فجاة ورتاحيت كلت بس اكُله راح يعصب عليه
رجعنا من المول وهو نام خطيه جان تعبان غطيته عدل وابتسمت ماكو احن من كلبه بهل دنيا شخص صدك ثمين بس لو يبطل عصبيته ماريد اعترف كدامه واكيد مراح اكدر احجي هذا الحجي كدامه بس هو صار سندي متلخبطه مشاعري تجاهة ماعرف هي شنو حب لو لسه بقت كره لو مجرد هو حنون وياي لازم اصير حنونه جنت ارتب ملابسي وقطع تفكيري صوت الباب يندك على كيف
باوعت لنور نايم ندستنه على كيفي وبهدوء
فاطمه:نور اكُعد شوف منو بالباب شفته رايح بسابع حلم كمت شفت من العين السحريه هاي المرا
فاطمه:يبو هسه شتريد بهل وكت فتحت الباب بهدوء ها خاله...... محسيت غير حطت شي على خشمي ودخت مباشرًا من كثر ماقوي ماكدرت اقاومها احس اني بسياره وطريق طويللل شكد اريد اكوم اريد احجي احس النوم مسيطر عليه واردد بين شفافي نور الدين
نور الدين
كعدت الصبح مشفتها نايمه بصفي واساسا الفراش ممتخربط دائما الكاه بالكاع واكع لان تدفر كمت وصحت
نور الدين بدريه وينج
دورت البيت تخبلت ماهيه!!!! دورت البيت غرفه غرفه كل اغراضها موجوده حتى تلفونها وسعدون موجود وحتى شالها الي معلكته يم الباب موجود تخبلت طلعت بسرعه لشقه ادهم ادك الباب طلع ادهم
نور الدين: ادهم فاطمه ماكو اجت يمكم هيه يم زوجتك؟؟؟
ادهم:اهده شبيك ماجتنه على كيفك وين تروح يعني جوز نزلت للماركت الجوه
نور الدين:ماتنزل اعرفها متنزل
ادهم: خلي نحاول شخسرانين تعال رحنا جوه وهم ماكو ونسئل محد يعرفها المشكله
صعدنا لصاحب العماره بطاريه الكامرات متروسه وواكفه
كمت اكفر واغلط وادهم وياي يحاول يهدئني الف فكره براسي خاف شردت خاف نقتلت خاف نخطفت
لبست بسرعه ونزلت اسوق واخابر خليتهم يشكلون دوريات على كل السيطرات واني رحت لبيتهم دورته وسئلت جيرانهم فص ملح وذاب
فاطمه::
فتحت عيوني لكيت نفسي على جربايه وكدامي شخص كاعد يدخن بس عيوني لسه مغوشات
فاطمه:نن..نور الدين
فارس:شوف هاي ندري متزوجه مو كلسا تكولين اسمه كدام اخوج ماكو حشمه
تعدلت بسرعه وباوعتله بصدمه فارس!!!!!
فارس:ها اختي ممشتاقه لاخوج
كمت بسرعه واني احس كل جسمي ياذيني ومتخذر بس بدون وعي لزمته من ملابسه واضرب بي حيل واعيط انته
فاطمه:قتلت اهلي مجرم تدمرت حياتي متدري شصار بيه ياكلب ليش تسوي هيج ليش بدل ماتحويني وتكول اختي الوحيده هيج تسوي ماوكفت بعينك امي الي تسكت الكل وتدافع عنك وتدري بيك غلط والكل يلومها وساكته لو ابوي الي مات قهر من وراك ومن وره عمايلك وحمودي الي يشتغل وعاف مدرسته حتى يدفع ديونك ينذل
وهو بس ساكت واني فقدت عليه احسه مو اخوي صدك مجرم بس مبتسم بشكل غريب وكانو روح بلا جسد وكعت بالكاع واني ارجف وابجي
فاطمه:طلعني ماريد ابقى هنا طلعني عطت بصوت هستيري
ضحك بستفزاز:لا لازم احرك كلب حبيب القلب مالتج خطيه هسه ديدور عليج
فاطمه:شتريد مني انته شتريد خليني بدت حياتي تتحسن ليش تريد تدمرني خليني اروح
فارس: عزيزتي شلون اقبل اخلي اختي تتزوج من واحد يصير عدو اخوها ججج طبعا ميصير خلي احرك كلبه شويه وناخذ المالات من عنده ونشرد اني وياج يلا كولي اخوي ميفكر بمصلحتي
فاطمه: لتكول اخوي انته مو اخوي
دخلت المراة نفسها
فارس:اعرفج ام خضر العلم السكرتيره مالتي حجهاها وضحكو ثنينهم بصوت عالي مهتمت فارس مريض نفسي لو احجي وياه منا لباجر ميرفله جفن
طلعو ثنينهم وبقيت وحدي ادعي اخلص من عنده صح اخوي بس ذره امان ماحس وياه عكس نور الدين شخص غريب دخل حياتي صار كُلشي بالنسبه الي
نور الدين
مرت ايام واني متخبل عليها الكل يكول مطالعه من بغداد موجوده وفتشنا اغلب مناطق بغداد ماكو صرت مانام ولااكل باوعت للشقه هدوووء بدونها ابتسمت بتعب واني اباوع للمطبخ من جانت تكعد غصب حتى تسويلي ريوك وهي اصلا طافيه نايمه وكلسا تعثر باوعت لسعدون يفتر يم رجليه كمت حطيتله اكل
نور الدين:لك سعدون امك الخبله وين والله مرمرت كلبي الفاهيه الي هلكدودتها راح تجلطني مادري غيابها هيج راح ياذيني فركت على صدري اخخ بدريه وينج
كمت طلعت من البيت ورحت للمركز
فاطمه: كاعده وحاطه راسي على الحايط وكدامي فارس ياكل
فارس:متاكلين شبيج
فاطمه: هم زعلت من ماتوا اهلي
فارس: طبعا حيوان يمج
فاطمه:تروح فدوه للحيوان مو عندي حيوان احن منك
فارس:فاطمه لزمي لسانج لاجي اكصه خليني ساكت
فاطمه:شتريد مني خليني اطلع
فارس:غمز اريد زوجج
فاطمه: شتريد منه جنت احجي بهدوء عبالك احجي ويه واحد خبل وماخذته على كد عقله
فارس: يصفي سجلي من يمه وهاهيه اطلع
ضحكت فاطمه:تعترف انته مجرم مو
فارس:اي من اعترف بذنبه لاذنب عليه اووووختي
فاطمه:اتصل عليه
فارس: ها اوختي شتاقيتي لرجلج حسبي روحج مسيره لبييت اهلج
فاطمه:اتصل ماحجي شي بس اطمن عليه
فارس:بس تحجين شي زايد منا منا احط طلقه براسج سحب المسدس حطه براسي واتصل
اجاني صوته تعبان اعرفه من يتعب من صوته
نور الدين:الو منو
فاطمه:نور...
نور الدين:فاطمه فاطمه وين انتي بويه احجي بيج شي وينج هسه لج مرمرتي كلبي وين انتي يحجي ويعيط
فاطمه:مابيه شي حجيتها بغصه ونزلو دموعي
نور الدين:بويه انتي وين وين عاط بهستريه
فارس:مسيرة على اخوها چا وحد عن البنات
صار اسبوع بالضبط اجه يمي فارس وواضح جان سكران كعد بصفي
فارس:اتصلي على رجلج يسقط التهتم العليه
فاطمه:اطلع ووخر من يمي تره روحي مطايقتها عطت بوجهةسحب شعري وحجه من بين سنونه
فارس:ها يعني تريدين تشوفي مقتول نفس اهلج لو تريدي كدام عينج ينكتل ختاري الي تهون عليه كتلة اهله تهون عليه كتلت الغريب
جمدت بمكاني وبس دموعي تنزل اتخيلت نور الدين ينقتل وبسببي
اخذت التلفون بسرعه واتصلت
جاوب بسرعه وكانو منتضره مكالمتي مع انو جانت فجر
نور الدين:فاطمه هاي انتي يحجي وهوسه يمه حسيت باب انسد
فاطمه:نور الدين حجيتها واني ابجي
نور الدين:اش بويه وينج انتي والله گلبت بغداد عليج دحجي وينج تعبتيني
فاطمه:سقط التهم عن فارس اترجاك
وافق بسرعه اساسا بدون ماكمل
نور الدين :ماشي انطيني فارس وجان يحجي بهدوء
فارس:ها رجل اوختي شنو دتضحك عليه
نور الدين:انتوا وين اجي اخذها وحدي واحسب نفسك حر محد يكدر يحاجيك
فارس:اذا سويت عكس هذا يانور الدين احسب زوجتك لحكت اهلها
سده ودزله رساله العنوان
بعد ساعتين صار الصبح اجه فارس هينوب طافي شارب كلش هواي
فارس:امشي يلا
فاطمه:مشيت واباوع لنفسي بملابس البيت وشعري مفتوح لو يشوفني نور الدين هيج يتخبل وهذا اخوي اصلا ماهتم
طلعنا وهو لازم ايدي واني امشي وراه يفوت بالافرع ومنطقه تخوفف بشكل كلها فروع وبيوت قديمه كُلش وكفنه بمكان يلعب النفس كله ريحه مجاري لعبت نفسي ردت اتقيأ شويه وحسيت اكو خطوات باتجاهنه نداريت وشفته يمشي وحده ولابس الزي مالته
نزلو دموعي بسرعه بس اريد اروح يمه احس بأمان وخايفه فارس يسويله شي
نور الدين: فارس عتبر نفسك حر حالك حالنه تعالي فاطمه
باوعت لفارس روحي لرجلج
ركضت لنور الدين لزمني حضني قوي حيل حسيت غطيت بحضنه واني ابجي وفارس ندار يريد يروح ماحس غير نور الدين طلع مسدسه وضربه برجله طلقه وطلعو من كل فرع مسلحين كوووومه باوعت بصدمه شكل فارس وهو يريد يشرد بس ميكدر أذاني حيل لزمت ملابس نور الدين قوي بس حسيت نفسي ضعيفه بس رخيت كبل اغمى عليه بحضنه ....
للكاتبه:وتيِن
أنت تقرأ
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
