انفتح الباب وباوعتله هو لابس بس شورت واجت وراه بنيه لابسه سيت نوم من يمي ستحيت وباوعتلهم بصدمه ثنينهم
::حبيبي وصل الاكل
بقى شهاب صافن عليه بدون اي رد فعل
ابتسمت ونزلت دمعتي
ورد:ها شهاب اسفه قاطعتك بس اجيت اعتذر ولو مااله داعي الاعتذار بس لازم تكون النهايه لطيفه ماتبقى بصمه محلوه بيناتنا احجي واباوع بعيونه درت وجهي ومشيت
شهاب:ورد اوكفي
اصلا مسمعته مشيت بسرعه واني كاتمه دموعي امشي واكول لاتضعفين لاتضعفين متحملت كعدت على الرصيف وبجيت ونزلت راسي اختنكت واني افرك بصدري بس اريد الغصه تروح من عندي
ورد:ليش ياربي من تحسنت حياتي وتعدلت يصير بيه هيج ياربي هذا هم اختبار تعبت ماكافي احجي وابجي
مشيت وماعرف وين اروح بس امشي والدموع ماوكفت اخذتني رجليه للكورنيش الي عترفلي بيه كعدت هواييي صار الليل اخذت تكسي ورحت لبيت فاطمه ماريد اروح لبيتنه وامي تستلمني اسئله أساسا ميدرون فسخنه دكيت الجرس طلعلي نور الدين
نور الدين: ها خويه ورد خوماكو شي بستغراب وقلق
ورد:اسفه جيت بهذا الوقت بس...ماكملت
نور الدين:شنو السالفه بيتج تفضلي دخلت اجت فاطمه تركض
فاطمه:ورد شبيج لزمتني وكعدتني انفجرت بجي مره ثانيه وهي تريد تهدئني متسيطر نور الدين جابلي مي بالكوه كدرت احجي وحجيتلهم نور الدين تخبل اخذ السويج وطلع
فاطمه:كافي وردتي اروحلج فدوه اسكتي ماريد اشوفج ضعيفه ميلوكلج يروح شهاب يجي واحد يستاهلج صدك مو يروح يخونج
ورد:هو عباله اني خاينته ويريد يسويها وحده بوحده واني مخاينته حتى محجيتله على عبدالله حتى ميضوج
فاطمه نور الدين وين راح خاف يسويله شي
فاطمه: يستاهل الحقير عسما يكتله هم تسكتين وشلون نور يحب الخيانه هلو هلوووو
ورد:حبابه اتصلي علي ليسويله شي فاطمه اترجاج
فاطمه:باوعتلها بصدمه ورد صدك جذب اصبري اشاقه نور مو خبل ايده والضرب جوز كعد يتفاهم ويا هسه اتصل بس لتبجين اتصلت ومغلق
بعد ساعتين ورد نايمه على رجليه واني امسد على راسها وهي غفت شويه دخل نور الدين ووياه شهاب
فزت بسرعه وتعدلت باوعتله وجه صاير خريطه واضح نور الدين ضاربه دخل منزل راسه ونور الدين واكف بصفه رادت تروح عليه لزمتها وخزرتها
نور الدين:تعاي حبيبتي خلي يسولفون يحجي ويباوع على شهاب بعصبيه لزم ايدي ودخلنه لغرفتنه
فاطمه:حبيبي شسويتله ليش وجه هيج
نور الدين:لج هذا يحبها ومتخبل عباله تخونه يكول كل يوم اجيب بنات اتونس بس ماتقرب منهم ماكدر كلبي مينطيني شمر نفسه على الفراش وحط ايده على عيونه عرفته ضايج هو يكره الخيانه يضوج من اسمها مو يشوف شخص خاين كدام عينه
تقربت وخرت ايده عن عينه وحضنته وبست خده
ورد:باوعتله وجه صاير خريطه ويباوعلي بنضرات انكسار صحيج هو اذاني وللان ممتخطيه الي شفته بس شهاب ميستاهل من وراي صار هيج
تقربت كعدته ورحت للمطبخ جبت قطن ومعقم وكعدت يمه وهو نضراته تراقبني
تقربت اعقم جروح وجهة بس ماباوع بعيونه ادري راح يزيد همي
شهاب: من نفصلنه لليوم اجيب بنات بس اريد انسى الي صار بس ماكدرت كلما اتقرب ابتعد نزل راسه متقربت منهن وداعت عيونج
ورد: عبدالله عرفته من عمري15سنه مانكر تعلقت بيه بس تركني لسبب سخيف وتعرف مراهقه طبعا انكسر بس كبرت وتخطيت هسه طلع بحياتي فجاة كتله اني مخطوبه ابتعد وهو مصر يكول ادري متحبين شهاب تحبيني واني اريد اخلص منه اتصلت عليك كتلك خلي نستعجل بالزواج بس انته مسمعتني سمعت كلام عبدالله شهاب مثقيت بيه ابد احجي بهدوء وامسح بجروحه
لزم ايدي وباس بطن ايدي ونزلت دمعته
شهاب:شلون مااثق بيج اثق بيج اكثر من روحي بس ورد اجاني وكله ثقه يكول حبيبتي وشوفني صور ومحادثات ادري قديمه واضح التاريخ بس ماكدرت اسيطر على نفسي وتدرين شكد احبج اني
YOU ARE READING
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
