ورد: كمت بكل هدوء ومشيت بعيد عنه بس اريد ابتعد بس ماريد اشوف خلقته شخص حقير ونذل لابعد درجه وقذر حرامات الوقت لضيعته وياه بس سمعت صوته حسيت نفس القرف نعاد حسيت نسحبت ايدي عطت بصوت عالي
ورد:لتلمسني منو انته حتى تلزم ايدي الكل كام يباوع علينه
عبدالله:ورد بلا صياح اجيت احجي وياج بشي مهم افهمي موقفي وتعاي نوكف بمكان اهدى
ورد:ماريد اسمعك ولتطلع بطريقي بعد فهمت؟؟؟
عبدالله: اخر مره بس سمعيني اذا معجبج الكلام متشوفين وجهي نهائيًا
ورد:احجي بسرعه تره مطايقتك
عبدالله: عبالج عفتج بأرادتي؟؟وردتي تدرين روحي بيج
ورد: هاي سالفتك؟يلا اشكرك عفته وردت امشي
عبدالله: انجبرت اتزوجها ابوي مات ووصيته اتزوجها وداعتج مانسيتج ولالحضه ورد طلكتها وكل واحد راح بطريق
وكفت وباوعتله ودموعي نزلو راح تكولون ورد ضعيفه وتبجي؟؟؟ هذا اول شخص دخل حياتي بعد ماكتشفت شنو الحب علمني الحب وعلمني كُلشي مانكر تعلقت بيه وبجيت وتدمرت من علاقتنه تطورت ووصلت للخطوبه وهو بلمح البصر ختفه وكلشي وياه ختفه راح تكولون عادي انتِ مو اول بنت تنعاف كل الولد هيج لا كلش تاثرت وتدمرت مو بس تاثرت لان اول شخص تعلقت بيه بشكل مو طبيعي هو لدخلني لمتاهة الحب بس تخطيته بعد ماكبرت وفهمت كُلشي بس ضهوره بحياتي جان ابد موحلو
ورد: هاهيه الله يوفقك عبدالله اني حاليًا مخطوبه رجائن اطلع من حياتي
عبدالله:ادري لسه تحبيني لاتغشمين نفسج
ورد:دفعته حيل شحبك جنت مراهقه شدتكول انته احترم نفسك وولي منا عفته ومشيت بسرعه
لكيت اباب الجامعه شهاب واكف ينتضرني شافني ابجي ركض عليه
شهاب::شبيج وردتي هاي ليش دتبجين احد سوالج شي
ورد:لا لا ماكو شي بس نفسيتي تعبانه حسيت بذنب جبير جذبت على شهاب ومكتله
شهاب: وردتي نفسيتها تعبانه واني موجود افا تعاي سحب ايدي وصعدنا للسياره
ورد:شهاب رجعني للبيت ادري عندك شغل غير مره نطلع
شهاب:اش بابا ماعندي شغل
ورد:شهاب كلت للبيت حباب بعدين نطلع
شهاب:هز راسه بتفهم براحتج بويه لزم ايدي وباسها
وصلني للبيت وراح دخلت لغرفتي نفجرت من البجي مادري ليش رجوعه اثر بيه بس ماعرف من اي ناحيه متاكده اني ماحبه بس ليش رجع واني داكون بحياتي ليش
ثاني يوم رحت للجامعه مر الوقت عادي نفس كل يوم طلعت من القاعه دامشي واخابر بشهاب واضحك على سوالفه
شهاب: ابن البر*** يكلي صاير تطلع من دوامك هواي زط بط سمطني بعقوبه انوب اخابر ابوي يكلي مشكلتك جا حاطك طرطور
ضحكت
ورد:شهاب عيب تكول هيج على ابوك وبعدين انته هم شغل شغلك شو مكضيها تسخت
شهاب:ها وردتي گلبتي عليه
ورد:اي لعد وين اكو ضابط يلعب ببجي بنص دوامه انته جايجي هواي عليك احجي واضحك وهو متنرفز
نصدمت بشخص واني دامشي
ورد:اسف.... باوعتله عبدالله مشيت بسرعه
عبدالله:لحضه ورد
ورد: شهاب حبيبي بعدين اخابرك ماشي سديته وباوعتله
ورد:اخر مره أحذرك عبدالله ابتعد عن طريقي ابتعد حجيتها بين سنوني واباوعله بحقد
عبدالله:ادري متحبي ليش تضيعين مستقبلج ورد مستعد اسوي اي شي لخاطرج بس عوفي والله اعيشج ملكه
ورد: ههههههه ملكه دروح بابا زعطوطه يمك عفته ومشيت واتصلت على شهاب واني صايره بركان
شهاب:ها عافيتي
ورد:شهاب خلي نتزوج
شهاب: ها بويه شبالعه يحجي ويضحك
ورد:نتزوج انته مو تريد تستعجل بالزواج خلي نتزوج بعد يومين
شهاب:اكفي انعل ابو العقوبه جايج انتي وين
ورد: لتجي من تخلص دوامك تعال لبيتنه ماشي
شهاب:ماشي حبيبتي
صار الليل واني اتصل على شهاب ماكو عبرت ال12 ندك الجرس بسرعه طلعت سحبني من ايدي حيل للحديقه
ورد:شبيك شهاب شبي وجهك واضح متعارك حاجبه مجروح مديت ايدي الزم وجهي دفعها وحجه من بين سنونه اول مره اشوفه هيج معصب
شهاب:شعندج ويه هذا عبدالله احجيييي
ورد: فتحت عيوني شهاب اهدى شبيك هسه اسولفلك
شهاب:شتسولفين ورد هاي جزاتي تخونيني وتجين بنفس اللحضه تكليلي نتزوج شنو اني لعبه لو تروحين يم الي يعجبج
فتحت عيوني بصدمه
ورد:شهاب لانك عصبي ومفاهم الموضوع راح اسكت بس والله اذا عدت هذا الكلام اندمك ميحقلك تطعن بيه وانته مفاهم شي
شهاب:شنو مفاهم كلشي واضح بويه اجاني يكلي عوفها متحبك تحبني ويشوفني محادثاتكم وصوركم سوه من جنتي صغيره يعني هو من زمان بحياتج واني مثل المطي مادري عن اي شي يحجي ويصرخ بعصبيه شنو اني كوا*د هنا اذا تحبي كليلي طلعي جذبه طلعي اي حجه ليش حركتي كلبي ورد ليششش؟؟؟؟؟
بقيت ساكته مصدومه ودموعي تنزل بهدوء
شهاب:الخطوبه ونفسخها وبالتوفيق بحياتج ويا
بقيت اباوع عليه وهو يمشي وعافني حتى مسمعني بسرعه صدك بكلام الحقير عبدالله مانكر اني غلطانه لو حاجيه اله كُلشي من البدايه مثل ماحجه الي كُلشي عن علاقاته السابقه...
مر اسبوع واني متدمره ماروح للجامعه وخطيه فاطمه مفارقتني متريد ابقى وحدي
فاطمه:ورد حاولي تتصلين عليه وتحجيله ياروحي جوز يسمعج جان عصبي
ورد:حاولت ساد كل حساباته ومغير رقمه
فاطمه:اكول لنور الدين يلكا رقمه
ورد:لا فاطمه بعديش مايسمعني هسه بنضره اني خاينه
فاطمه: اذا يحبج لانضره ولاصخام يكدر يعدي كل هذني اذا يحبج صدك ورد خلي اكون صريحه جان شهاب المبادر الوحيد بالعلاقه شو انتِ عبالك اخوج الصغير مو خطيبج وكل هذا متحمل اذا تحبي صدك روحيله وفهمي كُلشي بعد بكيفج يمكن انتِ متريدي
ورد:نجبي احب شهاب كلش شهاب عكس شكله عبالك طفل بريئ اني كارهة نفسي لان سويت هيج وياه ميستاهل مع انو مو ذنبي لزمت وجهي وانفجرت بجي
فاطمه:هاهيه لعد روحيله كومي جرتني طلعتلي ملابس بدلت
فاطمه:اوكفي تروحين بهاي خلقتج عبالك مطلقه
ورد:فاطمه اني بيا حال خلي اروح وخري كعدتنط غصب ومكيجتني بس هي تمكيج واني اخفف بيه
فاطمه:يلا نور الدين يوصلنه مدام اجه ياخذني هزيت راسي وطلعنه
صعدنه وصلت باوعتلي فاطمه ولزمت ايدي ابتسمت ونزلت وهم راحو باوعت للبيت هذا هو اثثه النه اول ماخطبنه جان بكُلشي ياخذ رايي وطاير من الفرحه
تقدمت دكيت الباب ياريتني مااجيت بهل لحضه تندمت لان فكرت اجي واعتذر منه فتحت عيوني بصدمه ممستوعبه الي كدامي!!!!
ادهم ومرام
مرام: كاعدة على الجربايه
طب ادهم ومبين عليه ضايج وروحه بخشمه كلتله
مرام : هاا يابه الله يساعدك
ادهم:ويساعدج
مرام: شبيك حبيبي شو ضايج
ادهم:مرام تعبان ضغوطات من كل الجوانب
سويته مكان يمي ورفعت الغطة باوعت بعيونه وكلت
مرام: تعال امي تعال
اجه وهو بملابس الدوام ومبين التعب على ملامحة حط راسه على بطني وجه على جهتي تقربت وبست خدة
مرام: وخر خنكت ابني
ادهم:هههههههههه خلي يوخر هو
مرام: لا عيني هذا مكان وخر بسرعة
ادهم :شنو هو بكيفج خلي هو يوخر
مرام:ادهم حيطلع الطفل من خشمي وخر تعال نام على ايدي
تحرك بملل وضوجه عود معاجبه
ادهم: خلي هذا يطلع بسرعة اريد انام على بطنج
مرام: مو هو بكيفك
ادهم: هم صدك
مرام: شنو الي مضوجك يابه
ادهم: تعاركت بالدوام ويه واحد زعطوط ميستحي
مرام: اويلي ليش يضوجون الحلو مالتي
ادهم : قشمريني بعد بهذني سوالفج
مرام: زين شنو سبب العركه اكيد اكو سبب
ادهم: سدي الموضوع لان ضايج
مرام: وشنو اني افتح مواضيع حسب الطلب
ادهم : اييي
مرام: وخر عني كوم
ادهم :جذب هاي شبيج
مرام: شو ما بدلت
ادهم : مالي خلك
كلت واني افتح بازرار قميصة
مرام: اوف يا ادهم العجوزي
باسني من خدي بوسه سريعة وكال
ادهم: البنطرون بدربج
مرام: ايي اييي بعد
ادهم: سلامتج حجيه
مرام:دمشي شايب انزع حذائك ويله خلي اطلعلك ملابس وطب اسبح
كمت وهو ضل متمدد منتظرني اطلعله ملابس
حضرتله ملابس والبرنص وانطيتهيا ودخل يسبح
يلا خلي اكسر واجبر
اكسركم على ورده وشهاب ب(ماريد احرك)
واجبركم بأدهم ومرام بلطافاتهم😔🤍
الكاتبه :وتين
आप पढ़ रहे हैं
انا وهشاشه خيالي
रहस्य / थ्रिलरبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
