نور الدين: باوعلي اذا اعرض عليج عرض توافقين؟؟
فاطمه: لا وشنو المناسبه اوافق اني بس اسمك اعرفه صحيح فهمتني ليش دتساعدني تمام فضلك مانساه وانشاءلله ارده على الي اكدر عليه
باوعلي بحده واضح عصب
نور الدين: اي اريد هسه ترديلي فضلي بهذا العرض الي راح اكوله
ضاق صدري واختنكت من كلامه حسيت حيطلب شي موزين بس بقيت هادئه وباوعت
فاطمه:تمام اسمعه اول بعدين اقرر
نور الدين:نتزوج
باوعتله بصدمه وحقد والدموع بعيني نملو بس مانزلتهم كدامه لان من صدك كرهته طول الوقت جان يساعدني والان وصل لغايته كمت بسرعه
فاطمه: صرخت بوجهة انته شدتحجي شنو عبالك بت شوراع اني وهيته هيه طول الوقت تساعدني وين ماروح الكاك وهسه ضهرت حقيقتك لاعبالك صرت يتيمه يعني بعت كلشي تربيه امي مراحت فهمت وهسه اني طالعه واذا شفت وجهك مره ثانيه صدك اندمك انداريت اريد اطلع نجرت ايدي بقوه ولواها حط ايدي ورا ضهري وقربني اله حيل
ماضل عقل براسي من تفكيرها تجاهي كلشي حجته عكس داخلي اني اريد احميها ماريدها تتعذب اكثر مجرد تصير باسمي حتى تكدر تواجه احد ومتاكده اكو سند يحميها بس صدمتني من حجت هيج
نور الدين: يلا هسه كملتي لج يابه موزين اخذت رايج تره ببساطه اكدر اخذج وتصيرين الي بس كلت خطيه اواجها بهدوء بس انتي مو مال هدوء باجر يجي السيد ونعقد وياويلج اذا فكيتي حلكج ولخلقج ادمرج فاهمه مو بس مجرد تهديد هلمره راح تشوفين عذاب بحياتج مشايفته لاعبالج موت اهلج والسجن عذاب ابتسم وكمل لاااا الي راح تشوفيه اقوه ف صيري عاقله وسدي لحلكج بعدج متعرفين نور الدين منو دفعني على التخم وطلع
لزمت وجهي حيل افرك بيه وابجي من كلامه الي دمرني حسيته مو بشر أبد اباوع لايديه لونهم احمر وعليهن علامات اصابعه من قره لزمته الي
مرت ساعات واني صافنه على كلامه وشراح يصير بيه حاولت افتح باب الشقه متفتح طلعت للبلكونه حتى ماكدر اكمز لان عماره كلش عاليه بس اوكع اتكسر بلا شك
فتريت بالشقه كلش نضيفه ومرتبه زفرت الهوا بملل ورجعت للصاله وحسيت نفسي نمت جنت نايمه نومه كلش حلوه وحسيت شخص شالني بهدوء وعلى كيف فزيت بسرعه وردت ابتعد همس بحده
نور الدين:اششش
حطني على الجربايه وطلع
كملت نومتي بسرعه لان جنت نص صاحيه
كمت وجانت الساعه بالخمسه الفجر ميته جوع ومماكله صارلي ايام اني كلت اكيد هسه نام كمت بدون شال وشعري مخربط ونازل على وجهي والتيشرت والبجامه كلش عراض ومبهذله مشيت على كيف ورحت للمطبخ فتحت الضوه فتحت الثلاجه جان كلشي بيها تنهدت اوفف صارلي شكد مماكله اندومي
فزيت من صوته وراي
نور الدين: اكو تريدين ببرود ومندار على البراد ديشرب مي ولابس ملابس رياضيه ضابه على جسمه
ختلت ورا الباب الثلاجه وحجيت بهمس جنك جني وين ماروح الكاك وراي
نور الدين:سمعتج
شمر عليه الميز اندومي وطلع وهو يشرب مي
فاطمه:خاب دكوم وذا سمعتني اخذت الاندومي بفرح وحطيت مي حار من البراد ووكفت انتضره يصير
مديت راسي
فاطمه:اكو واحد هسه يلعب رياضه هذا صدك بطران كمت اتمشى بملل واني ماشاءالله عليه ابد مو فضوليه
فاطمه:هذني الغرف مشفتهن دخلت على كيف لكيتها ضلمه بس اكو ضوه خفيف يمكن هذا ضوه الحمام داخلها ف مبينه شويه بقيت صافنه عليها اثاثها كله اسود بس كلش فخمه وحلوه عجبتنيي بشكل واني جوي هيج ديكورات سوده وفخمه
بقيت افتر بيها بس ملزمت شي ابد فزيت على صوته
نور الدين: ها خيرج شسوين بغرفتي
اني ياكاع نبلعي وشكيني غرفته!!!!
نداريت وبسرعه رجعت نداريت لاف بس منشفه على خصره وشعره وجسمه مبلل وعضلاته مرسومه رسم شبسرعه حفضت ملامحه واني لمحه لمحته ونداريت همداني!
فاطمه:ااااااا اسف والله معبالي غرفتك بس چذبني شكلها كلت بكلبي جذب من فضولج الخرا
كل هذا واني منطيته ضهري وهو وراي
نور الدين:مصار شي بويه
عطت فجاة الاندومي حترك ركضت بسرعه للمطبخ
لكيته گاب حتى الگدر محروك
فاطمه:كمزت يااااا اوففففف ثوله راح الاندومي نزلو دموعي واني احجي تذكرت امي من جنت احركه جانت ترزلني بس ترجع تشتريلي واوكلها غصب لان متحبه
اجه بصفي وباوع
نور الدين:عليمن هلبجي وذا رفع ايده للرف وفتحه وطلع هواي منه
نور الدين : هذا كله الج يلا
باوعتله واني امسح بدموعي كلسا شخصيه هذا ساعه لطيف وحنون وساعه وحش وهمجي
فاطمه: خلص ماريد شكرا شلت الگدر بيدي نسيت حار ومحترك عطت بألم وهو من كثر ماحار لزك بين اصابعي واني شاغت روحي من الآلم جر ايدي بسرعه وشمر الگدر بعصبيه وفتح المي على ايديه
نور الدين:وابو فاضل ماكو هيج غباء
فاطمه: نسيت حار حجيت واني اشهك من الآلم
كعدني على الميز وجاب ثلج حطه بجيس وحطه بين ايدي
نور الدين:كمشي عدل يلفاهيه حجاها بحده
كلت بكلبي هسه مال اشمر هاي بوجهك تشوف الفاهيه شسوي
كام من يمي مدري شيسوي ماهتميت واني اون على كيف من الوجع
اجه حط كدامي ماعون اندومي وبصفه شوكه وجاب علبه وكعد مقابيلي
نور الدين: يلا اكلي جر ايدي الي بيها جيس الثلج واني اكلت بهدوء وهو مدري شيحط على ايدي دهون وومدري شنو باوعت
فاطمه: ماريد ألفها حاره عوفها مكشوفه
نور الدين: چچچ تلتهب بويه
نور الدين:راح اروح للدوام واتاخر جوز ارجع باجر
فاطمه: واكيد تقفل الباب واضل وحدي صافنه بين اربع حيطان
نور الدين:اي لعد وين تريدين تولين حجاها بحده
فاطمه: عادي اصلا جنت بالسجن بين اربع حيطان اكلت والغصه بداخلي
نور الدين: زوجه صديقي كبال شقتنه اني اكله يدزها عليج حجاها ببرود وكام
محجيت شي بلكي الله اكدر اشرد منه واخلص لان احس سجنه اسوء من السجن الي جنت بيه
رتبت المطبخ وغسلت المواعيين وكعدت بالصاله فات من يمي عطره يمشي وراه يسد بالقميص والزي مالته مانكر طالع عليه حلو بس مهتميت بس لعطره لان احب العطور باوعت صفح ورجعت باوعت للتلفزيون جنت اباوع توم وجيري لان كل القنوات اخبار بس هاي
نور الدين:اني طالع العصر تجي يمج زوجه ادهم صديقي ولتحاولين تطلعين الكاج لو جوه الكاع حجاها وطلع
فاطمه: خفت خفت ترا اكدر اطلع مخايفه والله يالله عبالك يخوفني
كمت عناد بيه اريد افتح الباب مسدود دفرت الباب حيل وتاذت رجلي صحت
فاطمه:اخخخخ الله ياخذك نور الدين كون تتكسر وتتعذب مثل مادااتعذب يامطي كعدت بالكاع ادفر واغلط عليه وافشر صارت الضهريه دخلت لغرفتي فتحت الكنتور لكيت كم تراكسود وردي نفس الي لابسته همين عريض واكمامه طوال دخلت سبحت ولفيت المنشفه على راسي حسيت اكو حركه بالبيت تقدمت بهدوء هو كال اتاخر!لعد هذا منو لزمت بيدي مزهريه ومشيت رفعتها بسرعه وسمعت عيطه بنيه
مرام:يمهههه حطيت ايديه على وجهي
فاطمه:حجيت بنتر منو انتي ورافعه المزهريه
مرام:ااااا اني مرام زوجه ادهم جارتج بس اكفي خلفهمج وجها جان لطيف وصوتها ناعم وحتى شكلها كلش ناعمه وتجننن ملامحها مريحه للبصر
فاطمه:ابتسمت ورجعت المزهريه اسفه والله عبالي احد دخل الشقه عندي رهبه من هلشي
مرام:عادي حبيبي مصار شي اني الاسفه دخلت بدون علمج ميصير بس ادهم انطاني مفتاح شقتج كاال من تضوجين روحيلها
فاطمه:تفضلي كُعدي رحت جبتلها مي وكعدت بصفها هي كلش جتماعيه ولطيفه تنحب ضلينه نسولف وهي ابد مسئلتني شنو يقربلي نور الدين وليش اني هنا هذا لحبيته بيها مو فضوليه
مرام: سويت غده مكيفه اتغده ويه زوجي خبرج طنننن خابرني كال اتاخر وجوز مارجع وهذاك الغده على حطته حتى ماكلت
فاطمه: يا ليش ماكلتي اكوم اسويلج؟ولو ماعرف بس اندومي ضحكت
مرام: ضحكت لا حبيبي عادي شنو رايج اجيب الاكل ونكعد ناكل سويه
فاطمه:والله ياريت كلش جوعانه حجيتهت ورمشت حتى تنقهر عليه
مرام:ضحكت ادللي بعيوني كامت وطلعت
اجت حمينه الاكل سويه وكعدنه ناكل هي كلش نادره وخفيفه بالشغل حتى سوينه حلويات اني كلشي ماعرف بس هي تسوي واني اساعدها.....
الكاتبه:وتين
YOU ARE READING
انا وهشاشه خيالي
Mystery / Thrillerبين ليله وضحاها تتغير الكثير من الاقدار والكثير من المشاعر فماذا يحصل اذ جمعنا بين الحب والكره والخوف والاطمئنان والحقد والامان..... كل هذا سيحصل بهذه القصه ستتغير الكثير من الاقدار والمشاعر والاهم من هذا تتعرف على وجوه كنت مخدوع بها طوال سنوات...
