ချမ်းသည် မည်းမှောင်သောလမ်းကလေးထဲ ကားမီးရောင်တစ်ခုကိုသာအားကိုးလျက် ရှေ့ကိုမနည်းကြည့်ပြီးကားကိုဖြည်းဖြည်းမောင်းလာရပါသည်။တစ်ယောက်ယောက်ကိုတိုက်မိမှာစိုးလို့မဟုတ်။တိုက်မိစရာကိုဘာမှမရှိတာ။လမ်းမကြီးကနေကွေ့ချိုးကာ ဒီလမ်းကြားတွေထဲကိုဝင်လာကတည်းက လူရိပ်လူခြည်က ကင်းရှင်းပြတ်တောက်ကာတိတ်ဆိတ်သွားခဲ့တာ အခုချိန်ထိ လူတစ်ယောက်ကိုမှမတွေ့မိမဆုံမိသေးတဲ့အထိပါ။
အခုမှအကွက်ရိုက်ကာရောင်းချဆဲ မြေကွက်အသစ်တွေဖြစ်ပုံပင်။ခြံကွက်အတော်များများဟာ အိမ်မဆောက်ရသေးပဲမြေသားအလွတ်အတိုင်းနဲ့ လူလည်းမရှိပေ။ရှိနေတဲ့အိမ်တွေက အိမ်ကြီးအိမ်ကောင်းတွေသာဖြစ်ကာ ခြံဝင်းတွေကလည်း တပြန့်တပြောအကျယ်ကြီးတွေနဲ့ ရပ်ကွက်ကတော့ သပ်သပ်ရပ်ရပ်သန့်ပြန့်ပါသည်။သူဌေးရပ်ကွက်တစ်ခုပဲဖြစ်မှာပါ။ဒါပေမယ့် မီးတွေဘာတွေအသေအချာမဆင်ရမသွယ်ရသေးဘူးထင်ပါရဲ့။အိမ်တချို့တလေသာမီးရောင်အနည်းငယ်မြင်ရကာ နေရာတော်တော်များများမှာမှောင်နဲ့မည်းမည်းပင်။လမ်းမီးလည်းမရှိ။အဝေးပြေးလမ်းမကြီးကနေဖဲ့ချလာကာ လမ်းသွယ်တစ်ခုထဲဝင်လိုက်ရုံနဲ့ ကမ္ဘာနှစ်ခုခြားသွားသလိုဤမျှအခြေအနေကွာခြားသွားတာတော့ အံ့ဩစရာပင်။လမ်းကတော့ကွန်ကရစ်ခင်း ပြန့်ပြူးပြေချောသောလမ်းပါပဲ။
ဒီလိုဘက်တွေကို တစ်ခါမှမရောက်ဖူးသေးပဲ တစ်ယောက်ထဲဆတ်ဆတ်ဆော့ဆော့လာမိတာတော့မှားပါပြီ။တမင်တကာ ဘယ်သူမှမသိစေရအောင် ကျောင်းအဆင်းညနေဘက်မှ လာမိတာမို့ လုံးဝမကျွမ်းကျင်သောနေရာမှာ များလှသည့်လမ်းသွယ်တွေထဲ ဟိုဝင်ဒီထွက်လုပ်ရင်း အချိန်ကတဖြည်းဖြည်းနောက်ကျကာ မှောင်ပင်မှောင်နေပါပြီ။သွားချင်တဲ့နေရာကိုလည်းမရောက် အခုနေများ လက်လျော့ကာလှည့်ပြန်ချင်ရင်တောင် လမ်းမကြီးပေါ်ရောက်အောင်ဘယ်လိုတက်ရမလဲမသိတော့ပေ။
အဖော်များရမလားလို့ မဏိကို ရွှေဥဩအကြောင်းသွေးတိုးစမ်းစကားစပ်ကြည့်သေးပေမယ့် " အဲ့ဒီမိန်းမနာမည်ကိုမပြောစမ်းနဲ့ဟာ"လို့ မျက်နှာကြီးပုပ်ကာဟောက်လိုက်တာမို့ ဆက်မပြောရဲ။
