Green Apple 🍏
***
"ဂျယ်ယွန်းက နေရောင်ခြည်လေးလို နွေးထွေးလွန်းလှတယ် ။"
ဟီဆွန်း၏စကားကြောင့် ဂျယ်ယွန်းမှာ Lollipop လေးအားငုံထားရင်းနဲ့မှ ဟီဆွန်းထံသို့ လှည့်ကြည့်လာခဲ့၏ ။
"ဘာလို့လဲဟင် ? ကျွန်တော့်နားမှာ ထိုင်ရတာ ကိုကိုပူနေလို့လားဟင် ?"
မျက်လုံးလေးအားပြူးကာ မေးလာသော ကလေးငယ်မှာ ဟီဆွန်း၏ကဗျာဆန်ဆန်ပြောနေခြင်းအား သိနေခြင်း အလျဉ်းမရှိခဲ့ပါချေ ။
"ကိုကိုပြောချင်တာ အဲ့လိုမဟုတ်ဘူးလေကွာ ။"
"ဒါဆို ... ဘာပြောချင်တာလဲဟင် ?"
ခြေလေးနှစ်ဖက်အားဆန့်တန်းကာ ဘယ်ညာဝေ့ယမ်းလျက်ရှိသော ဂျယ်ယွန်းမှာ ဟီဆွန်း၏ပြန်ဖြေမည့် အဖြေအား သေချာစွာစောင့်ကြည့်နေဟန်ရှိနေသည် ။
"ကိုကို ... ဂျယ်ယွန်းကို ချစ်တယ် ။"
"ကျွန်တော်ကလည်း ကိုကို့ကို ချစ်တယ်လေ ။"
"ကိုကိုပြောတဲ့ "ချစ်တယ်" ဆိုတာ အဲ့လိုချစ်တာကို ပြောချင်တာ မဟုတ်ဘူး ။"
ဟီဆွန်း၏စိတ်ပျက်လက်ပျက်ပုံအားကြည့်ကာ ဂျယ်ယွန်းမှာ မျက်လုံးလေးကလယ်ကလယ်နှင့် ရှိနေခဲ့သည် ။
"ဘယ်လိုလဲဟင် ?"
"သည်လို ။"
ဂျယ်ယွန်း၏ စုပ်လုံးလေးငုံထားသော ပါးနှစ်ဖက်အားဆွဲကာ ပြေးထွက်သွားသော ဟီဆွန်းကြောင့် ဂျယ်ယွန်းမှာ ပါးလေးအားပွတ်ကာ ဟီဆွန်းနောက်သို့ ပြေးလိုက်တော့သည် ။
အနှစ်နှစ် ၊ အလလ ချစ်ခဲ့ခြင်းတွေမှာ ကိုကို့ဘက်က အဖြူရောင်သံယောဇဉ်ကနေ ၊ အရောင်ဆိုးခဲ့မိတာ ဂျယ်ယွန်းမသိလေစ ... ။ အဲ့သည့်နေရာ ၊ အထူးသဖြင့် အဲ့သည့် ချစ်ခြင်းမေတ္တာဆိုတဲ့ နေရာမှာ ဂျယ်ယွန်းက သုညအဆင့်ဆိုတာ ကိုကိုဖြင့် မေ့သွားခဲ့မိတယ်ကွာ ... ။
: Dear Ethan's Green Apple 🍏 :
A/N : ပေါ့ပေါ့ပါးပါးစတိုင်လ်လေးပါ ၊ နယ်မြို့လေးတစ်ခု ( ကျနော့်စိတ်ကူးထဲက နာမည် ) နဲ့ မိသားစုနှစ်ခု ၊ နွေးထွေးတဲ့ပုံစံအတိုင်းလေးနဲ့ ဟာသလေးတွေပါပါမဲ့ Comedy , Romance ပိုင်းဘက်ကို သွားထားပါတယ် ၊ ရေးချင်လာလို့ပါ ။
သာယာသောနေ့လေးကို ပိုင်ဆိုင်နိုင်ကြပါစေ ။
၅.၈.၂၀၂၂
YOU ARE READING
Dear Ethan's Green Apple 🍏 | HeeJake
Fanfictionအတောမသတ်နိုင်တဲ့ မြတ်နိုးမှုခပ်ယဲ့ယဲ့လေးဟာ ကိုကို့ရဲ့ပန်းသီးစိမ်းလေးပဲ ဖြစ်တယ် ။ ကိုယ်ဖွဲ့ဆိုပြမယ် ၊ ကဗျာတွေ ၊ စာတွေကိုလေ ။ ပန်းသီးစိမ်းလေး နားလည်တဲ့အထိ ကိုကိုက ကဗျာဆန်ပြမယ် ၊ ဘယ်လိုလဲ ... မင်းလေး ကိုကို့ကဗျာတွေအောက် ဝပ်တွားမယ်မို့လား ... ? Start D...
