--💞 نبض قلبي 💞--. { اللهجة الجزائرية}

❤️..1..❤️

صبااح قيس 9 فواحد ليسي بزااف شباب ...
الاستاذة تشرح فالدرس و ختنا مليهيه راقدة على طابلة و صحبتها تكونيكتي فتيليفون بتخبية ... وقفت الاستاذة درس كي شافتهم .. حطت ستيلو فوق لبيرو و قربت عندهم قعدو كامل لكلاصة تشوف فيهم
الاستاذة : والله علامة ڨاع ..
نقزت من طابلة كي سمعت صوتها و صحبتها طفات تيليفون و رداته لجيبها
نجاح : شي استاذة مكنتش راقدة غير ..
استاذة : روحي لداركم درك رقدي مليح كي تشبعي رقاد ولي تقراي
نجاح : بصح اس....
استاذة: براااا قتلك
نجاح : افففف ..
لمت كارطابها و خرجت
استاذة : و نتي مولات تيليفون كي تقضي شغالاتك فتيليفون ولي ..
ناضت ريماس من بلاصتها رفدت كارطابها و لحقت نجاح
ريماس : اففف كلشي بسبابك راقدتلي تم
نجاح : مالعزرينك انا قتلك كونيكتي فوسط درس
ريماس : خلاص .. دروك واش نديرو
نجاح : نقعدو نسناو تفوت ساعة و ندخلو
ريماس : رواحي نهودو لبلاصتنا تاع مداري
نجاح : هيا
هودو لواحد لبلاصة جايا مدرڨا باه ميشوفوهمش و يطردوهم قعدو تم و جبدت ريماس تيليفونها تكونيكتي و تضحك حتى نتبعتلها نجاح
نجاح : معامن تهدري ؟
ريماس : مع ايهاب
نجاح : امم عليها ضحكتك واصلا لودنيك
ريماس : ههه بصح تستعرفي شباب ؟
نجاح : اففف مزالك ثيقي فلولاد و تخرجي معاهم
ريماس طفات تيليفونها و شافت في نجاح
ريماس : مشي معنتها كي خانك سيدو كامل لولاد كيفه
اوه هنا صح جرحتلها قلبها ريماس نجاح متوقعتش صحبتها تعايرها بنهاذي ناضت نجاح من بلاصتها و خرجت
ريماس : اففف هاذي تاني كلشي تزعف عليه تقول انا لي سيباريتها على سيدو
خرجت نجاح تتمشى برا رايحا لدارهم ديراكت ...

بطلتنا وسمها نجاح:
طفلة شابة في عمرها 18 سنة تقرا 3 ليسي و عندها لباك .. جايا شابة بزاف عينيها نوازات و شعرها طوييل و صفر و بيضة كي ثلج كيما قلبها حنينة و نية بزااف و لكن فنفس لوقت قوية و متسمحش في حقها جايا شوية مهبولة و تحب تضحك عايشة مع امها فقط اما باباها متعرف عليه والو كي تسقسي امها عليه تقولها راح و خلانا .... متامنش بلحب باسكو جرباته مرة و نخدعت فيه و عرفت بلي كامل لولاد كيفكيف غير يقضيو حاجتهم يرميوك و مايسمعوش كامل بيك عندها صحبتها اسمها ريماس قدها فلعمر و تحب واحد اسمو ايهاب

فواحد لفيلا قاعدين متلايمين على طابلة لفطور الام و الاب و اسلام و ايهاب
ايهاب قاعد و يكونيكتي فتيليفون
توفيق : متفطرش نتا ؟
طفا تيليفون و حطه خفا و لعبها ياكل
ايهاب : راني ناكل
خديجة : اسلام ردولكم معدلات
كح اسلام بجهد و ايهاب يضحك عليه كي قالوله على معدل تلفتله
ايهاب : ديجا ليوم علاه مقريتش
اسلام : شادخلك فيا نتا
ايهاب : شوت اي متردش على خوك لكبير
ايهاب يهدر و يضحك غليه
توفيق : قرا ولدي و طلع لجامعة و ضمن خدمتك مديرش كي لهامل تاع ايهاب غير خسر لباك خرج
تبسم اسلام و هزله براسه ايه
ايهاب : اا بصح شيخ راك تجرح فيا ياخي كان عندي اسباب باه نخرج
توفيق : اسباب تاع ####
اسلام : احم احم
توفيق : نوض خرج عليا نووض خير ماغادي ميعجبكش لحال
ناض ايهاب من بلاصته و هو يضحك
ايهاب : خلاص ني خارج بصحتكم
توفيق : اسنا وين رايح
ايهاب : خارج ندور شويا و نولي علاه
توفيق : كيش هادي علاه تقعدلي نتا غير فزنق ماتخدم ماتزدم
ايهاب : واش حابني نخدم لحمدلله ماخصني والو
توفيق : راح ندبرلك بلاصة فشركة و من سيمانة جايا تكون واجدة تبدا تخدم
ايهاب : واش من خدمة بابا ا...
خديجة : خلاص ايهاب لي يقولك عليه باباك هذاك هو
خرج ايهاب ركب لاموطو تاعه و راح

تعريف للبطل
ايهاب في عمرو 24 سنة عينيه خضورا و سمر و طويل شعره شاتان بزاف شباب جاي مغرور و حاسب روحه خرية كبيرة.. لمهم خلاط و غير نتاع بنات راه خارج مع ريماس ... خسر لباك كي كان في عمره 20 تقدرو تقولو صابوه يغش ايا سرحوه .. عايش مع امه خديجة و باباه توفيق و اسلام يقرا 3 ليسي عنده لباك ثاني و عنده اخته نارمين متزوجة و عندها بنت صغيرة مايا في عمرها عامين ساكنة وحدها مع راجلها و تخدم مهندسة معمارية مع راجلها

عند نجاح وصلت لدارهم يعني تشبه لدار دخلت كي لعادة لقات دار مرونة و امها قاعدة تتفرج
نجاح : ماما جيت
سامية : اووه شرفتي شاخرجك فهاذ لوقت
نجاح : استاذة طردتني
سامية : والله يلا ربحت كي ولاو الاسااذة يطردوك
نجاح : اففف خلاص ماما
دخلت لبيتها حتى تشوف تيليفونها يصوني كانت ريماس قلبت عينيها و رفدت
نجاح : الو.
ريماس : وين رحتي
نجاح : راني فدار
ريماس : منك صح زعفتي مني
نجاح : نو
ريماس : خلاص انا نعرف كيش نحيلك شنوفة تاعك ... عشيا عندي سواري تاع صحبتي عيد ميلادها و راها عارضتني و قاتلي باه تجي نتي تاني
نجاح : شكون هاذي
ريماس : سناء
نجاح : اووه لا هاذيك لمترفحة شندير معاهم انا
ريماس : هيا الله يحفضك
نجاح : لا لا ريماس منروحش غير روحي
ريماس : الله يسترك مالكي نروح وحدي ؟
نجاح : خلاص صحا بسياسا فوتي عليا نروحو مع بعض ... قيساش بعدا ؟
ريماس : مع 5 تاع لعشية و نوليو مع 8
نجاح : اففف صحا دوك نشوف
ريماس : خلاص حبيبتي باي
غلقت تيليفون و بدلت قشها و ناضت تنظف فلحالة و امها كل دقيقة تصيبلها سبة و تبدا توغ عليها

Stttttp...
Final..
Part 1 ..
# نبض قلبي ------❤️------
نهاية بارت 1
ان شاء الله يكون عجبكم حلقة 1 متنساوش تخليولي رايكم فتعليق 😘😘💞