--💞 نبض قلبي 💞--. { اللهجة الجزائرية}

❤️..2..❤️

وصل ايهاب عند صاحبه للحانوت قرب عنده و هدر معاه بلا مايلفت الانتباه
ايهاب : واش صافا
ياسين : والله حمدله خو و نتا
ايهاب : لاباس ... كاش سلعة جديدة
ياسين : جيت في وقتك هذا وين جابوهالي
ايهاب : مدلي طرف
مدله ياسين بلا مايلفت الانتباه و ايهاب خلصه
ايهاب : ايا مرسي.. عشيا تجي ؟
ياسين : وين ؟
ايهاب : من نيتك ماعلابالكش
ياسين : يا هدر وين ؟
ايهاب : عيد ميلاد سناء هههه 😂
ياسين : اففف الااا مانيش حاب نشوف كمارتها ضل لاسقا فيا كي لعلك
ايهاب : بصح شابة خرج معاها فوت بيها وقيتا و سرحها ههه
ياسين : نووو .. منحبش نلعب ببنات ناس
ايهاب : ايا قود .. لمهم انا نروح
ياسين : ايا مبعد
خرج ايهاب ركب موطو تاعه و قلع بيها

بعد ماجات 5 تاع عشيا كملت نجاح كامل دار ردتها تشعل شعيل نحات طابلية و علقتها و مشات عند امها مزالها قاعدة تتفرج و لا هامها شي مدير والو فهاذ دنيا غير راقدا و تتفرج يعني واش ذنب نجاح كي راجلها خلاها
نجاح : ماما حياتك رايحا تكمليها هاكا غير راقدة متنوضي متخرجي تشمي هوا متخدمي ياخي راكي عادا صغيرة في عمرك 36 سنة
سامية : علاه نخدم و انا عندي ماما تزيفطلي دراهم كل شهر
نجاح : ياماما ماني شحال قدها تصرف علينا
سامية : عندها دراهم ميكملوش خمي على روحك
نجاح : مدام عندها دراهم ميكملوش علاه مداتناش عندها نعيشو
سامية : نتي عندك عقل ولا قوطي .. ياك راها تزيفطلي دراهم باه منديرونجيهاش و تعيش معاها
نجاح : ماما بابا وين عايش ؟
سامية : اااففففف مالكي تسقسي فيا كي سيكري انا مك و لا نتي .. روحي شوفي صوالك
هزتلها ايه براسها و حاكما دمعتها باه متنزلش قاتلها بصوت مقنوط و مقطع
نجاح : غير مرة حابا نشوف بابا و نحس بحنان تاعه
سامية : نجاااح متهبلينيش هو علاه ميقولش غير مرة حاب نشوف بنتي ااه جاوبيني ... روحي شوفي صوالحك و متزيديش تجبديلي سيرته
نجاح : داخلا ندوش عندي حفلة رايحا مع ريماس
سامية : صحا روحي دوشي ..
دخلت نجاح لدوش حلت ماء بارد يهود عليها شحال حابا تتلاقا مع باباها و يضمها شحال تغير كي تشوف طفلة مع باباها يحميها غير هي لا لا ....
كملت دوش ليسات شعرها لبست غوب خفيفة شابة مع شويا مكياج و جات عندها ريماس و راحو للحفل فلوطو مع بابات ريماس
اما عند ايهاب دوش لبس شميز بيضا مع سروال دجين نواغ مقطع شويا و بارفان شباب و خرج حتى شافته خديجة
خديجة: اووه ولدي معول طيح كامل لبنات لي فلحفل
تبسم على جنب
ايهاب : ايه انا نروح مالا
اسلام : مع سلامة
ايهاب: ني رايح لحفل مش رايح نحارب
اسلام : ايا روح ##$#$
خديجة: شوووت واش هاد الهدرة قداامي
ايهاب : ايا ني رايح
خديجة : سلملي على سناء و متنساش تمدلها كادو تاعها
ايهاب : خلاص يسلمك
خرج من دار ركب موطو تاعه و راح للحفلة

دخل لهاذيك لحفلة شاف دعوة كلها ضواو ملونة و لبنات غير زلات و اجواء بزاف شابة متوقعش سناء دير كامل هاذ شي مع لعلم هما اغنياء تبسم على جنب دار يديه فجيوبه و دخل بكل هيبة يعرض وصل عند صاحبه
سعيدو : اووه جيت
ايهاب : باينة هاذي... واش دعوة صافا
سعيدو : والله بيان
شافو زوج بنات داخلين وحدة بلونضة و قصيرة و صحبتها سمرا شعرها كحل حرير و طويلة
صفر ايهاب
ايهاب : هايا جات تاعي
سعيدو شاف فيهم و عقد حواجبه
سعيدو : شكون تاعك ؟
ايهاب : سمرا
سعيدو : ايه حسابلي
شافته ريماس ملبعيد قعدت تتبسم و تشوف فيه هو تاني ريشلها و هي ردتله بيدها لكن نجاح غير شافت سعيدو  ...
نجاح : اففف ريماس هذا شراه يدير هنا
ريماس : رواحي معايا عند صاحبي
نجاح : شكون صاحبك لي راه معاه ؟
ريماس : ايه .. هيا نروحو
نجاح: لا غير روحي مش حابا نقابله
ريماس : افف شحال تعيي هيا ايهاب راه يسنا فيا
راحو عندهم فواحد جيها موخرة شويا
ايهاب : عمري جيتي
سلمت عليه و سعيدو غير يشوف فنجاح حتى نتابهتله فهاذيك دقيقة حابا تخنقه
ايهاب : ايه معرفتينيش على ...
نجاح : غير مكلاه تعرفني ... ريماس انا ني رايحا
حكمها سيدو من يدها
سيدو : وشبيك وين رايحا هاذا وين جيتي
شافت نجاح فيدها لي حاكمتها يد سيدو مبعد شافت فعينيه
نجاح : سيدو نحي يدك ...
سيدو : مالكي تكبري عليا نسيتي ليامات الشابة لي كنتي تموتي عليا فيها
نحات يدها بسرعة
نجاح : راك غالط مش يامات شابة.....كانت اسوا يامات فاتت عليا
ايهاب : سيدو مقتليش عليها هاذي
سيدو : مدامتي هاذي
نجاح : سيدو واش من مدامة راك في عقلك ... ريماس هيا نروحو
ريماس : وشبيك نجاح هذا وين جينا .. علاه راكي تتقلشي زعما ...شوفي سيدو شحال يحبك ..
نجاح : انا نروح و لي بغيتي ديريه ديريه
جات رايحة حتى حكمها سيدو من يدها و باسها على شفافها بعدت بسرعة ترجف
ايهاب : اوووه حركة شابة هههه
ريماس : ههههه
نجاح شافت فريماس كيفاه تضحك تماك رفدت يدها و ضربت سيدو بكف
سيدو : واش درتي نتي هبلتي
نجاح : هاذي باه متزيدش تمسني و نتي ريماس مرسي صحيتي
و راحت دموعها تنزل
ريماس : نجااح سني وين رايحا
ايهاب : نتي تاني تروحي ؟؟
ريماس : اففف نو باينة
ايهاب شاف فنجاح رايحة منكرش عجباته صح شابة بزاف حتى انها شابة على ريماس و عاقلة
سيدو : تبدلت بزاف نجاح
ايهاب : بصح سيدو نقولك صح بنت كي لوردة شابة بزااف ضيعتها والله
شافت فيه ريماس
ريماس : ياك كي لوردة انا معمرتلكش عينك
ايهاب : ماربك نتي شكون هدر عليك
ريماس : كيفاه هاذي شكون هدر عليا .. تڨابر فيها قدامي نورمال
ايهاب : واقيلا حابا داسريني نتي
ريماس : ايهاب منك صح ياخي انا مدامتك باينة بلي نغير عليك
ايهاب : يبالي امنتي روحك ... شفتي روحك فلمراية غير لبراكة لي ساكنة فيها وين تبان مع دارنا روحي ختي ترقدي روحي
ريماس: ايهااااااب
راح سيدو عند صحابه ملهيه وايهاب ركب موطو تاعه و قلع خلا ريماس دموعها ينزلو كيفاه لعب بيها هاكا طول هاذ لوقت بصح غير بعد ماشاف نجاح ولا هاك جات عندها سناء
سناء : اووه ريماس راكي هنا
ريماس : شي سناء عيد ميلاد سعيد عقبة لمية عام نشالله هاهو كادو تاعك انا نروح
سناء : خلاص بعدا لكان قعدتي
ريماس: لا لا والله راكي شايفا صحاب دار يتقلقو
سناء : ايه خلاص مالا غدوا نشالله نتلاقو فليسي
خرجت ريماس عيطت لباباها وصلها لدار بصح نجاح كانت تتمشا فطريق خاوية حتى تسمع صوت تاع لاموطو دارت تشوف لقاته ايهاب
ايهاب : ست سست وي زين
شافت فيه مستغربة هاذا مشي صاحب ريماس
نجاح : وشبي جدك نتا تاني
ايهاب : طلعي نوصلك
نجاح : شوف خويا مزالك ماتعرفني كيدايرا امالا رفد موطو تاعك و روح منا احسنلك
ايهاب : ههه ضحكتيني علابالك
نجاح : قرد قدامك انا تشوف فيا نضحك فلعيباد
ايهاب : صحا وشبيك مقلقا .. واقيلا بسباب سيدو كنتي خارجا معاه من لقبل؟ .. بصح خسارة ضيع وحدة كيما نتي
قعدت تتمشا فطريق و ممقيماتهش خالاته يهدر روحه حتى يكره و يروح
رفدة حجرا و شافت فيه
نجاح : متروحش ؟
ايهاب : وصلنا لضرب
ضرباته بيها جاته فراس ديراكت
ايهاب : واش ديري هبلتي
نجاح : قتلك خطيني نقصو عليك لبنات جيتلي
دار يديه على راسه لقا دم ينزف
ايهاب : عندك زهر مثقبتيليش مخي و ما تع...
قاطعاته
نجاح: مزال لحال تزيد تهدر معايا كلمة نثقبهلك نورمال
راحت و خلاته هاكا
ايهاب : هاذي مريضة نيشان
Stttttttp
Part 2
Final.....
# نبض قلبي -----❤️-----

نهاية بارت 2