وصلو للجاردان وين فيه مانيج قعدو فواحد طابلة
ايهاب : نروح نقوله على لاكريم يجيبلنا
مايا : ديني معاك
ايهاب : هايا
راحو يشريو و قعدو غير كريم و ناريمان
كريم : ايه كي راح نديرو فلبيبي سيتر ، غدوا تانيك مغاديش تحب تروح
ناريمان : والله مام انا راني نخمم فيها دوك كي نوصلو لدار نعيط لماما نسقسيها يلا تعرف كاش وحدة
وصلت نجاح لجاردان قعدت فلكرسي و تشوف فالصغار يلعبو تخمم فحياتها رايحا تكمل هاك معندهمش حتى دار غير جداتها تصرف عليهم ، خمت فدقيقة انها تحبس لقرايا اصلا فوتت عام تاع لباك و ماجابتهش فقدت الامل باه تربحه هاذ لعام .. بصح لازم تقول لامها .. مبعد تبسمت باستهزاء يعني امها من وقتاش تحوس عليها ولا رايها يهم ... تماك قررت نيشان باش تخرج من لقرايا معندها مادير بيها
ايهاب : مايا شاتحبي تدي فراز و لا شوكو
مايا : سوكوو
ايهاب دار يخلص مول لحانوت و مايا دارت تشوف ملهيه حتى شافت قطة بيضة صغيرة و مريشة تبسمت و قعدت تبع فيها لين جات تقطع طريق و لوطو فايتة تحس يد حكمتها و جبدتها
ايهاب دار عند مايا
ايهاب : ما..
راحوله لكلمات كي ملقاهاش
ايهاب : خويا ماشفتش طفلة صغيرة لي كانت معايا
- لا والله ماشفتها
ايهاب راح يدور عليها و قال لناريمان و كريم
كريم : طفلة صغيرة مقديتش تشدها
ناريمان : اففف ايهاب افف
قعدو يحوسو عليها كي لمهابل
حتى تحس يد جبدتها
نجاح : يعمري بشوية عليك وين رايحا ؟
مايا : قطة لاحت
نجاح : تاعمن قطة تاعك ؟
مايا : لا لا
نجاح : وين راها ماماك
دارت تشوف مايا و ملقاتهمش قعدت تبكي
مايا : خالو وين راه و ماما و بابي
عنقتها نجاح
نجاح : ياروحي خلاص متبكيش دوك نروحو عند ماما ... تحبي نديك عندهم
مايا : اييه
نجاح : ايه خلاص متبكيش نروحو عندهم
قوليلي اسمك
مايا : مايا
نجاح : ياعمري اسمك يهبل كيفك
مايا : و نتي ؟
نجاح : انا نجاح
مايا : نتي تاني سابة
نجاح : هههه حبيبتي كيما نتي
ايهاب : اففف ملقيتهاش ملقيتهاش
نارمين : كريم بنتي جبلي بنتي
كريم : خلاص نارمين دوك نلقاوها
حتى يشوفها ايهاب ملبعيد مع طفلة
ايهاب : هاهياك
راحو يجريو عندها حتى وصلو راحت نارمين عنقتها
مايا : ماامي
ايهاب : واش ديري نتي مع طفلة
دارت نجاح عنده حتى شافته بلي ايهاب
ايهاب : هاذي نتي
نجاح : واشبيك خويا ترفع فصوتك عليا
ايهاب : والو ديزولي
ناريمان: مرسي ختي الله يحفظك
نجاح : مدرت والو باه تشكريني
كريم : مزيا لي طاحت فيديك و لا فيدين واحدوخرين متعرفيش ڨاع واش قادر يديرولها
تبسمت نجاح
نجاح : ايا انا نروح تبقاو على خير
مايا : باي نزاح
ضحكت نجاح و باست مايا و راحت
كريم : ايهاب تعرفها ؟
ايهاب : لا غير شايفها باسكو تقرا مع صاحبي
ناريمان : ايا نروحو
ايهاب : اني غادي نولي لدار بصحتكم نتوما
VOUS LISEZ
--💞 نبض قلبي 💞--. { اللهجة الجزائرية}
Actionقصة شابة بزااف تحكي على طفلة تقرا فليسي متامنش بلحب تتلاقا مع واحد مغرور و متكبر تبداه 360° الى شخص مكانش كيفه (◍•ᴗ•◍)❤ تابعو تفهمو 😘🥰 ممنوع سرقة الكرونيك 🚫🚫
