حلت عينيها صباح على صوت تزمير طوموبيلا و ضو داخل متاقة تاع بيتها تفكرت ليوم اول نهار فخدمتها دوشت نشفت شعرها و لبست قشها و رشت على روحها بارفان شباب مبعد خرجت من دار راحت لعنوان دار ناريمان لي مدتهلها
ايهاب ناض دوش لبس قشه تريكو بلون و سروال دجين بلو و هود لقاهم فطابلة يتقهواو
ايهاب : صباح لخير
اسلام : ايا انا ني رايح هذا هو لوقت
خديجة : الله ينجحك ولدي
اسلام: آمين يما
قعد ايهاب على طابلة يتقهوا
توفيق : ايهاب تقوا و روح لشركة راح يفهمك جمال على لخدمة تماك
ايهاب : بصح مقتليش بلي ليوم راح نبدا قتلي منا على يمات
توفيق : باسكو جمال كان كاين شوية تاع شغل فالشركة بصح خلاص حلهم و عيطلي صباح قالي يقدر يبدا ليوم
ايهاب : اففف
خديجة : ايه ايهاب معيطتش لناريمان مجابتش مايا ليوم
ايهاب : مايا مراهاش تحب تجي هنا ، تحب تقعد في دارهم
خديجة : كيفاه يعني معامن راح تخليها
هز بكتافه تاع نيش عارف و هو ياكل
ايهاب : ايه مالا انا نروح
STAI LEGGENDO
--💞 نبض قلبي 💞--. { اللهجة الجزائرية}
Azioneقصة شابة بزااف تحكي على طفلة تقرا فليسي متامنش بلحب تتلاقا مع واحد مغرور و متكبر تبداه 360° الى شخص مكانش كيفه (◍•ᴗ•◍)❤ تابعو تفهمو 😘🥰 ممنوع سرقة الكرونيك 🚫🚫
