وصلت لهذاك لعنوان شافت فلفيلا بزااف كبيرة وين تران مع دارهم تبسمت و صونات
كانو كريم و ناريمان و مايا يتقهواو حتى سمعو صونات
ناريمان : نروح نحل يمكن نجاح وصلت
خرجت حلت
نجاح : صباح لخير
ناريمان : صباح نور تفضلي ختي
دخلت نجاح و ستقبلوها ناريمان و كريم
مايا : نزااااااح زيتي
نجاح : ايه ياعمري جيت ، كيراكي
مايا : غايا
تبسمت معاهم ناريمان
ناريمان : ايا نجاح حنا رانا رايحين صوالح مايا كلشي فلبيت لفوق لي على ليسرا قولي لمايا توريهالك و الاكل كلشي فلفريجيدار
هزت نجاح براسها ايه
بعد ماتفاهمو خرجو و نجاح قفلت لباب دارت شافت فمايا
نجاح : ايه و دروك واش نديرو ههه
مايا : امممم
طلعت راسها و قعدت تخمم
مايا : طيبيلي بيتزاااا
نجاح : هههه صحا دوك نطيبو هيا
راحو للكوزينة و جبدت صوالح طيبلها بيتزا
عند ايهاب وصل لشركة ڨارا بلاموطو تاعه و دخل لعينين كامل عليه سيرتو لبنات غادي ياكلوه بعينيهم اما هو مامقيمهمش ڨاع وصل للبيرو تاع جمال دخل
جمال : اوووه شكون جا مرحبا
ايهاب : واش صافا ولا
جمال : والله بيان راني شايفك مبكر و جاي تخدم
ايهاب : اييه واش شايفني مش قاد للخدمة
جمال : ههه لالا شكون قال هكا هه
شاف فيه جمال ملفوق للتحت لقاه لابس سيرفات لاكوست نفخ
جمال : ايهاب هاذا مش قش تاع شركات لازم تلبس كوستيم
ايهاب : لا لا لبسه غير نتا كوستيم
هز بكتافه تاع تنضخض
قعد جمال يفهمه فلخدمة و ڨاع حتى وصلو كريم و ناريمان كي خرج ايهاب لقاهم
كريم : اووه ايهاب راك تخدم
قلب عينيه
ايهاب : علاه ڨاع نخلعو مش نبان واحد يحب يخدم
ضحكت عليه ناريمان
ايهاب : اييه حتى انا شايفكم جايين فلوقت ، مايا وين خليتوها
كريم : ضبرنا وحدة تقعد معاها راح تبدا تخدم
ايهاب : اممم صحا
ناريمان : هيا حنا روحو
ايهاب : ايه حتى انا ني خارج عندي شغل خفيف
كريم : صحا
خرج ايهاب ركب لاموطو تاعه و قلع بيها طاير لدار كريم لقا فريسة جديدة يفوت بيها لوقت
وصل لدار ڨارا لاموطو وخرج دق فلباب حتى حلت عليه نجاح
أنت تقرأ
--💞 نبض قلبي 💞--. { اللهجة الجزائرية}
الأكشنقصة شابة بزااف تحكي على طفلة تقرا فليسي متامنش بلحب تتلاقا مع واحد مغرور و متكبر تبداه 360° الى شخص مكانش كيفه (◍•ᴗ•◍)❤ تابعو تفهمو 😘🥰 ممنوع سرقة الكرونيك 🚫🚫
