قلع بلاموطو يجري حتى شاف نجاح تتمشى فات عليها غادي يدهسها فرجلها صاحت غير صيحا
ايهاب : واش كاين ؟
نجاح : تتمسخر بيا غادي تدهسني..
ايهاب : افف ماكليناكش
جات رايحا حبسها صوته
ايهاب : وين رايحا
شافت فيه مستغربة هاذا باي صفة راه يسالها وين رايحا
نجاح : واش دخلك
ايهاب : والو طلعي معايا
شافت فضمادة لي فراسه
نجاح: واقيلا تحوس على جرح اخر
تبسم باستفزاز
ايهاب : قلت بالاك تحبي نوصلك عند سيدو
كبست على يديها
نجاح : شوف ارفد لاموطو تاعك و روح منا احسنلك
ايهاب : افف شحال سامطا ني رايح
بعتلها بوسة فلهوا و قلع يجري كملت تتمشى شوية هاكا ڨارات طونوبيل قدامها دارت لقاتها ناريمان
ناريمان: ختي هيا طلعي نوصلوك معانا
نجاح : لا لا نورمال نقدر نكملها على رجليا
كريم : هيا معانا متتمشيش فهاد شمس .. و منها تتعرفي على مايا
تبسمت و حركت راسها ايه
ناريمان: ههه هيا
طلعت فتالي قدام مايا
مايا : نزاااح
نجاح: مايا
باستها
مايا : اكي لايحا معانا
نجاح : هه لا لا رايحة لدارنا ... و بسياس عند ماني
مايا : انا نحبس نقعد عن ماني
نجاح : بصح .. علاه متحبيش
هزت مايا بكتافها حتى نطقت ناريمان
ناريمان : تعرفي راهي مهبلتنا ،انا و باباها نخدمو و متحبش تقعد لا عند يما لا عند يماه
كريم : ايه تحب غير دار
نجاح : يمكن توالفت غير في دارهم
شافت فمايا و تبسمت على برائتها
ناريمان: ايه نجاح تقراي ؟
نجاح : فلحقيقة خرجت
كريم : معليش تعوضيها بلخدمة
نجاح : ايه اصلا راني نحوس على خدما
ناريمان : على سيرت لخدمة تفكرت خصنا بنت تبقى تقعد مع مايا
خمت نجاح يعني تقدر تقعد مع مايا منها تستفاد و متقعدش تدي على جداتها نصروفهم
نجاح : فلحقيقة نقدر نخدم يعني نقعد مع مايا
تبسمت ناريمان بفرحة
ناريمان: والله فكرة مليحة
كريم : ايه و نديرولك مبلغ مليح فشهر
نجاح فرحت بزاااف
نجاح : متتخيلوش شحال محتاجة هاذ لخدمة ، شحال ما نشكركم قليل
ناريمان: ايه تقدري تبداي من غدوا صباح
تفاهمو على لخدمة و نجاح شكرتهم
وصلت لدار فرحانة حلتلباب و دخلت
نجاح : ماما ....
سامية: ايه
نجاح: ماما لقيت خدمة
سامية : بصحتك
قالتهالها بدم بارد و ولات لبيتها ترقد
نجاح: افف ماما فرحي غير مرة عليا
بدلت قشها و طيبة لفطور
عند ايهاب راح عند سعيدو لقهوة
سعيدو : اووه شكون جا
ياسين : ايهاب واشتا
ايهاب : صافا سلعا ولا
سيدو : علامة
جبد ايهاب ڨارو يتكيف
ياسين : ايوا شاڨالو
سعيدو يكونيكتي قتيليفونه
ايهاب : مڨالو والو .... سيدو واقيلا رديتها نجاح
سيدو : نو منبعتلهاش
ايهاب : علاه لبارح كي بستها نورمال
ياسين : لاااا مشي بصح سيدو بستها
سيدو : مالكم تزيدو فيها
ايهاب : و زادتله كف موراه ههههه
ياسين : ههه معرفتهاش
سيدو : ايا روحو #### ديجا هديك كنت مجرجرها يكون عجبها لحال كي بستها تلعبها عليا بنت لفاضل
ايهاب : منيش عارف بصح مشيكتش هاديك من نوع لي تتجرجر
سيدو : مزال متعرفها كيدايرا هاذيك
شاف ايهاب تيليفونه يصوني لقاها ريماس نفخ
ياسين. : واش كاين
ايهاب : هادي لصقا تاع ريماس
ياسين : مزال راك معا هاديك لخردة
رفد عليها
ايهاب : وي
ريماس : الو ايهاب كيراك
ايهاب : لاباس شاخصك
ريماس : ايهاب فهمني لبارح فليل شادرتلك باش هدرت معايا هاكا
ايهاب : يبالي كلش باين انا منبغييكش اذا كملتي عندي شغل راح نكوبي
كوبا في وجهها بلا مايسمعها حتى هي كانت تقرا
اماني : ماله شاقالك
ريماس : والو قالي غير كنت شوية مشوش ديزولي
اماني : يبان يبغيك
ريماس : ايه
اماني : مجاتش نجاح ؟؟
ريماس قلبت عينيها كي سمعت سيرتها
ريماس : معلاباليش
عند نجاح لبست قشها رايحة لليسي مدلتهم الاوراق ( المهم دارو هاذوك اجراءات باش تخرج منيش عارفا فهموها كيما بغيتو 😂😂😂😂 لمهم خرجت )
و لات لدار دخلت لقات امها راقدة
نجاح : ماما مش راح نزيد نقرى
سامية : افف نجاح خليني نرقد ديري واش تحبي
جات خارجة حتى وقفها صوت سامية
سامية : نجاح تحبي تعرفي باباك
نجاح دارت عندها بفرحة مشات بلخف قعدت قدامها
نجاح : ايه باينة هاذي
YOU ARE READING
--💞 نبض قلبي 💞--. { اللهجة الجزائرية}
Actionقصة شابة بزااف تحكي على طفلة تقرا فليسي متامنش بلحب تتلاقا مع واحد مغرور و متكبر تبداه 360° الى شخص مكانش كيفه (◍•ᴗ•◍)❤ تابعو تفهمو 😘🥰 ممنوع سرقة الكرونيك 🚫🚫
