الموت الحي

البارت الحادي عشر

مرحبا حبايبي العسل شلونكم ❤️

حبيباتي ترة البارت مو قديم اني لغيت نشرة وضفتلة بقية الاحداث ورجعت نشرتة مرة ثانية حذفو الرواية ورجعوا نزلوها حتلكون التكملة ❤️

#المـوت الحـي
#للكـاتبة بـراء الموسوي

زبيدة : ان شاء الله ، من رخصتك رحت فتحت باب المكتب ودخلت ، لكيت رجال لابس قاط ومنطيني ظهرة ، حمحمت وكلت السلام عليكم ، اباوع كام رجال واندار علية ، انتبهت عليه يطلع عمرة بنهاية الاربعينات

جعفر : انتِ ست زبيدة صح

زبيدة : نعم اباوعله ابتسم واشرلي اكعد كدامة تقدمت وكعدت على الكرسي الي كبالة ، تفضل المدير بلغني انو حضرتك تريد تحجي ويايه

جعفر : اعرفچ بنفسي اني جعفر الـ**** والد الطالبة لارا اكيد تعرفيها

زبيدة : ممكن اعرف ليش حضرتك طلبت تشوفني

جعفر : قبل لا ندخل بالموضوع الرئيسي الي خلاني اجي لهنا ، حاب اقدم لحضرتچ هاي الهدية البسيطة وان شاء الله تعجبچ ولارا هي الي اختارتها الچ واني متأكد حتطلع مميزة عليچ

زبيدة : اباوعله طلع علبه بيضه وطويلة خلاها كدامي ، فتحتها طلعت ساعة ماركة مصارلها شهر من نزلت ، هزيت راسي اكدر اعرف شنو المناسبة

جعفر : مجرد هدية بسيطة تكدرين تعتبريها هدية شكر وامتنان لحضرتچ على التعب والمجهود الي دتبذلي وية الطلاب وبصراحة بعد ما شفت الحصاد مالتج انصدمت وما توقعت هالتميز يجي من شابة ما صارلها غير سنتين بهذا المجال

زبيدة : سديت العلبة ورجعتها كدامة شكراً لحضرتك على المجاملة لكن هذا واجبي واقل من واجبي هم ، اما بخصوص الهدية الي ما الها علاقة بالبساطة فتعذرني ما اكدر اقبلها

اني ممكن اقبل ماعون دولمة تجيبة الي وحدة من الطالبات ، ممكن اكيف على مرطبان طرشي ، ماعون كيك منزلي ، اكلة معينة يعزمني عليها طالباتي
تخليني اتونس واغير جو

اما هالاشياء فتعذرني اني ما استلم اي هدايا من اولياء الامور خصوصاً الاكسسوارات متستهويني وياريت ندخل بالموضوع الرئيسي لان عندي حصه بعد شوية

جعفر : ست زبيدة خلي اكون صريح وياج بنتي لارا صارلها يومين بس تبجي لان حضرتچ مرسبتها وهي طالبة متميزة وبكل المواد ماخذة درجات فوق الممتازة فمو من المنطقي تجين انتِ تدمرين
نفسيتها بسبب مادة وحدة

زبيدة : اولا اني ما رسبتها هي الي اجتي ما دارسة ومن الطبيعي كونها ما درست راح ترسب لان بنت حضرتك حتى يومي متحضر هاي نقطة

ثانياً بنتك مو طالبة متميزة ولا يم التميز واني وياك وكل المدرسين نعرف بهالشي واذا على الدرجات العالية الي اخذتها لارا فمو درجاتها ولا اجت من كدها ولا بتعبها حضرتك مثل ما اجيتني هسة رحت لباقي المدرسين فلنلف وندور الله يخليك