فوارق طبقيه

20

.
.
.
هبه/
واكف يحكم وينهي ويأمر بيه وهو منو متحملت وحجيت.

انت منو سمحلك تتحكم بيه ها منو انت منو
الك حكم على بنات عمك مو عليه اني غريبه عليك سمعت غريبه غريبة.

عمتي /
بما انه حتتأذه مصالحها عاطت
ولج هبه شلون تحجين ويا هيجي شنو بكدج هو وتعيطين عليه.

اكبر منج ب١٥ سنه مو عيب علج اعتذري بسرعه.

هبه/
مغلطت اني حتى اعتذر شسويت هو فاروق جابني قابل اول مره ها
ليش سويتوا روحكم متعجبين.

رائد/
بصدمه شنو بله شنو عيدي
احجي
شنو متعلمه اطلعين وطبين ويه هذا الولد من يمته.

ولتاف على عمه
شلون تقبل عمي بهل خرابيط عجل وين حكمك لحريم بيتك.

زوج عمتي/
لا ابني لا
هذا من زمن بيبيتها يودي ويجيب ويطلعون سوه.

كمزت عمتي.
حتى مطاعم والعاب يفرفر بيها خطيه على امر لسانها جان مو هباوي.

طبعا هنا عمتي دشوه صورتي كدام الكل
والكل كاعد يتفرج شراح احجي وابرر.

رائد /
ها
طلعتوا كلكم مدسترين السالفه.
كال كلامه وكام طلع فاير ودمه يغلي وصل للباب والتاف.
البنيه التطلع والطب بكيفها اطرها واسويها شلختين حجي للبنات كلكم.

هبه/
كال كلامه الاخير وطلع.
وعمتي مبتسمه على ويش ماعرف.

هبه/
من رخصتكم رايحه انام تعبانه.....طبيت للغرفه سديت الباب وتنهدت اه
هاي الاه الطلعت تصدكون شكت صدري وطلعت تعبت والله تعبت شنو هاي صايره ملطشه من ايد الايد.

لو عندي اهل
لو عندي ام توكف الكل وتسكتهم وتكلهم بنتي اشرف من الشرف بنتي عندي ثقه بيها مجان اجرؤوا الغربه يدخلون بحياتي.

نمت حتى عشا معجبني بيومها.
وصبح الصبح وفعلا مخلوني اداوم.

هبه/
عمه خلي اروح يعني ميصير لادوام ولاشغل شنو قصتكم.

عمتي/
كعدي هسه وسكتي خلي يخلص العرس على خير ونشوف وراها شيجيبهم لبغداد اصلا.

هبه/
عمه يعني ميصير تسمعون كلامه ماله حكم عليه شلون بله يجي من غير بيت يأمرني.