فوارق طبقيه

الجزء الثاني والأخيرة

  صبرت حتى عجز الصبر في أمري

                   صبرت حتى نظر الرحمن في آمري

صبرت حتى الصبر تعلم مني

                أني صبرت على شي أمر من الصبر

            ...... وفي الصبر مشقه.......

            ......يعقبها فرح جميل........

           .......فالحمد لله دائماً وابدآ......

هبه/
نايمه ومرتاحه والضحكه أحسها مرسومه على شفافي حتى وآني نايمه.

تلمست فراشي وآني مغمضه اشوف ذوله الفصعونين
وينهم.

البارحه فرشت بغرفتي بالكاع وحظنتهم ونمت
تلمست فارغ فراشي.

كمت مفزوعه ادورهم ماكو وينهم لا يا ربي معقوله جنت أحلم

طلعت من الغرفه مفزوعه أدور واصيح

يمه يوم يمه

-ها بنيتي شبيچ شسامعه.

ولدي ولدي وينهم.

- يا خرعتيني چنچ مخبله أخذهم أبو يزن ويا يشتريلهم.

هبه/
اخذت نفس براحه وكلتها
يمه هبطت والله.

سجود/
دروحي غسلي وجهج وشربي مي دتروح الفزه منچ.

- رحت غسلت وجهي ورجعت كعدت بالصاله خليت راسي على القنفه واني أتذكر سوالفهم البارحه

اول مجبتهم وجيت لهنا.

چانو حبايبي مستغربين بس بعدين انطلقو ويه أخوتي واخذو البيت طول بعرض.

الكل أمانتا فرح بيهم هذا اليشتري وهذا اليلعب

صدرت ضحكه بصوت مني واني اتذكر كلامهم.

عبد الله/
ادلك هدا حلو بيت أمك.

علي/
لا لا بيت أمي أحلى من بيت أمك.

وهناك وكبة العيطه مينعرف يا هو أم منو احلى وبيت منو احلى ههههههه

على كولت رائد اني مو ابوهم أخوهم الثالث صدك
بيبيتهم سجود تكعد يمهم متعرف راسك من رجليك.

هناك وطبو

ماما

- ها عيون أمكم.

توت توت شراني جتو توت.

- يمعودين أحجولي عدل
الفهمته جدو اشترالنه بس شنو

ها هسه توضحت الصوره دخل ابو يزن ويجر بكل ايد بايسكل

هههههه لهذا كالو توت توت عود لان يمشي.

ابو يزن/
هله بنيتي.

- هله عمي ليش مكلف نفسك.

- يمعوده خليهم يتونسون هو شكم وليد عدنه.