فوارق طبقيه

.....ختامها مسك......

نأتي الى الدنيا ونحن سواسيه
             
                           طفل الملوك هنا كطفل الحاشيه!!

ونغادر الدنيا ونحن كما ترى

                         متشابهون على قبور حافيه !!

أعمالنا تعلي وتخفض من شأننا

                       وحسابنا بالحق يوم الغاشيه!!

حور وأنهار قصور عاليه

                    وجهنم تصلى ، ونار حاميه!!

فأختر لنفسك ما تحب وتبتغي

                   ما دام يومك والليالي باقيه!!

وغدا مصيرك لا تراجع بعده

                  إما جنان الخلد وإما الهاويه!!

.........................

نايم بصفي وصافنه عليه واحجي بداخلي

شكد حلو لو بس أني وعائلتي بحياته ماكو أحد يعكر

علينه بس شنسوي هذا المكتوب.

مو أنانيه يشهد ربي بس تفكير كل مره تحب زوجها الها وبس.

كمت من الفراش وطلعت من الغرفه على كيفي لان

بعده نايم

صح البارحه للعصر حسيته فك شويه بس احس

بداخله متألم وممرتاح رائد أي شي يتعلق بالأطفال

أحس كيانه كله ينهز وتنعاد طفولته.

نزلت من وكت وآني انزل تذكرت البارحه بعد ما

سهرنه سوى كلي.

رائد/
هباوي باجر لتعبين نفسچ اخذچ واخذ الجهال نتغده
بالمطعم شنو عاجبچ وين بس كولي.

- تمام قلبي ليباجر الله كريم.

- هباوي خاف ظايجه من الصغيره كولي لجاملين.

-صدك تحجي وين اكو مثلها طيوبه وفقيره اصلا
حسها مينسمع أخاف عليها محاوطيها ولدك.

جر راسي وباسني منه وكلي.

- بالقران أمي وابويه داعيلي بالخير وممتندم على
طريقه زواجنه ولو يرجع بيه الزمن الف مره أعيد
السويته لان أصيله والف رحمه على بيبتچ على هذه
التربيه.

- كال كلامه وحط راسه لعبت شعره لحد منام.

رجعت للواقع دخلت للمطبخ خليت الكتلي على النار
وبديت الملم بالبيت

حظرت الريوك وغسلت الطرامي ونظفت البيت تقريبا صارت بالعشره

صعدت على الجهال كعدتهم وغسلتلهم وريكتهم وهم
غسلو وكعدو بالهول.

رجعت نظفت المطبخ وشفت الوقت فات وهو تعبان وحاره وصيف شنو معناتها نطلع بالظهاري بالمطاعم