فوارق طبقيه

التكمله

.
.

هبه/
رجلي تمشي ولساني ينطق بأسمها رغم متأكده من كونها هيه بس ترددت ماعرف ليش.

نيران

نيران.

- اندارت عليه وعيونها أدور على مصدر الصوت ولمن
شافتني بسرعه

فتحت عيونها وحلكها مصدومه لكن صدمتها أكبر من
صدمتي بحيث رأسا التافت يمين ويسار

وخبصت روحها على شنو ادور
وكعت الاذره من أيدها ونهضت مهروله بسرعه تبتعد.

هبه/
لحكتها
نيران نيران اوكفي اني هبه اوكفي الله يخليج.

واخيرا توقفت وندارت مغمظه ونفسها غير منتظم متوتره كلش.

هبه/
انتي نيران مو صح.

-صح

- معرفتيني ليش نهزمتي.

- لأنه عرفتج نهزمت لهذا السبب.

- ليش شسويتلج أني.

نيران/
ممسويه شي وينه رائد شو وحدچ.

هبه/
ظليت صافنه بوجهه
شنو رائد شنو رجلج ليش متعرف ماتو لو شنو القصه.

نيران أني وحدي جايه أشتغل بشركه واجيت سياحه.

نيران/
مممممممم
تطورات من شوكت يولي رائد صار متطور ويخلي زوجته تسافر وحدها.

هبه/
فدوه راسي افتر ومكاعد أفهم عليج تعالي نكعد ونسولف وحدنه.

نيران/
مكان
ولوحدنه
وتردين تقنعيني جايه وحدچ
اذا دكه من دكات رائد القديمه كليله هسه تغير الوقت وبطل دونياتك.

هبه/
رائد مات.

كلت هل كلام والبنيه وكعت بالكاع وعاطت

نيران/
شنو
شنو منو مات.

منو مات احجيلي فدوه هبه دخت دخت شجاي تحجين أنتي.

- تمشينه رجعنه يم سلطان احمد وكعدنه وبدينه نسولف وتعرفنه على كل الاخبار من الطرفين مختلفه.

هبه/
شعجب وحدج هنا وين جهالج ورجلج شنو الوضع مدكليلي.

نيران/
حتى منظل مصدومين راح أحجي أني ومن اكمل أحجي أنتي.

اني ورى مشكلتچ من عفتي جهالج وشردتي من المستشفى وماعرف شنو من قلب عندج

المهم وراج بكم شهر تلاثه او اربعه قررنه نهاجر وكملنه كل اوراقنه وصفينه وعلى أساس أنه أني

وزجي واطفالي لكن المفاجأة الصارتلي قبل يومين
من سفري بلغني زوجي أنه صارله آمر طارى

وميكدر يجي ويانه وراح يلحكنه بأيام معدوده او أسابيع

أعترضت لكن مقبل لان بس تكتات الطياره بمبالغ كلش كبيره منكدر نلغيها او نخسر بيها المهم قنعني