فوارق طبقيه

36

زف الرحيل وحان أن نتفرقا

          فألى اللقا يا قرة العين الى اللقا

أن تبكيا فلقد بكيت من ألاسى

          فالشوق ارهقني والصبر قد عجزى

................

عجلت الفراق وليته لم يعجل

                           وجرت بوادر دمعك المتهلل

متى الجمع فقد مزق الدمع مقلتي

                        بعد التفرق دون عام او مقبل

.
.
.

هبه/
فتحت عيوني وامي متخصره فوك راسي.
صباح الخير يمه خيرج حلمانه بيه.

_ لا والله يالمسعده كولي شفت النوم من وراچ يمعزايه
كولي غمضت عيني.

_ خيرج متلاغيه ويه رجلج ويه ولدج وجايه عليه فدوه يمه جوزي مني.

_ ليش غمه اني مثلج وتلاغه واضيع حقي لاحبيبتي لا اني اكله اكل بلساني افلشه واخلي دربه ميندله.

_ وهسه يمه هل محاضرة الصباحية على شنو واني راسي مسطور وظهري مكسور.
احاجيها واني اكوم من الفراش واعدل بفراشي.

_اجتني شايطه وعتت الفراش من ايدي وحجت.

_ ذبي للصخام الفراش وحاجيني شنو وضعج انتي ها شنو هذا حالج وليش بله شو الوجه مصوفر الشعر معكود.
الحاجب طابك وهدومچ مسحوله.
ولچ احجي راسي حيطك.

_ اسألي روحج يمه شبي حالي اني الاعرفه كعدت مثل هيجي يوم لكيت رجال عندي وطلعت مزوجه وووو
هذا الاعرفه.

_ دكافي كافي شلطشتي ازوجتي او زوجتج المهم رجلج شبي مو هو الحاصرنه من كل الجهات حتى ياخذج.

_ اي واخذني.

_ شبي نجلب لعد عليج.

_ أسالي وكليله شبيك نجلبت.

_ ولج هبه جايه تلعبين ويامن ويه سجود اوكفيلي اذا مخليته يمشي ويتعثر ويدور عليج ما اتسمى سجود وماكعد بين النسوان.

_ يمه فدوه لتهيجي عليه عوفيني تكضي هل كم يوم واروح لكبري واخلص.

_ كبور التلفه بيش مفاوله على روحج بنيه كل عمرج ١٩ سنه خلاج عبالك عمرج ٥٠ سنه.

تعض باصبعها
اخ اخ الماخذتي كلامي وشربتي مانع جان بعدلج ايام وتنفصلين غصبا عليه.

يله يله هسه كدامي حظري روحج داخذج للمركز يعيدون رونقج شويه.

_ يمه مالي خلك عفيه اريد امدد.

_ بالقران اسحلج على طول البيت هسه اذا عاندتي و اجفص بمصارينج واكتله بزره مثل ممحروك قلبي عليج
وتعرفيني اسويها أصلاً حبالتچ كلها مهاظمتها
لچ اني بنتي اطب البارحة جنها خدامه والكاعدات ميسون يتفرجن عليها.