هدوء وصمت وغضب
وتعب وسهر وقلق
عينان ساهرتان وقلب يخفق
وفكر ساهر وشوق فاضح
سنين تمظي وعمر يمر
والحال باقي كما هو .....
....................
الو الو أجب 312 هل تسمعني
نعم اسمعك
خير ليش هبطتني وين صوتك غاب.
بغضب وفحيح شنو الشفتو ومسرك بصياح أحجي
لا لتفهمني قصدي ا........مخلاه يكمل
تحسب موتها على أيدي سمعت وين متلمحها بلغها كلامي يله سلام.
وقطع الاتصال.
...........................
الحجيه/
لا حول ولا قوة الا بالله
عليك بالتلف وعليه بالعوض.
رائد/
شبيچ يمه شبلاج تتحسبين.
- على عقلك ييمه على مخك الطار.
- عجل شفتيني مخبل اهومش چدامج.
- ياريت چان طكيتك وتكعد بس فيوزات ظاربات اقوى ييمه.
اكو واحد يكول للرجال وهو نايم بالچول ويه هذوله الانچاس مريتك هيچ وهيچ .
- عجل مكذب اني
مشفتي بعينچ.
- يمه مو هيجي الرجال اذا وكعت مريته بيده يمكن يذبحها
اكلك الحچي وياكم ضايع.
- مبقاله كم شهر خلي ينزل يوصللها خيرا على خير ميوصللها خلي يطلكها خلصو النسوان.
- مو اكلك اكيد مضروب براسك.
---------------------
هبه/
اليوم رحت للكليه وراسي بالملخصات بصراحه عندي امتحان لماده استاذها كلش غثيث
فليش ماجاوب واكعد بعدين اتوسل على كم درجه قريت وهم أحس روحي ممضبطتها.
شلت راسي شفت شخص داخل للعماده بس لمحت ظهره كلت لا متوهمه ممعقوله هو مكسر.
المهم تغاظيت ودخلت اكمل الامتحان والحمد لله جاوبت.
طلعنه اني وكم بنيه نتمشى نتناقش بالماده وهناك كلولي
رنا/ رشا
اكلچ هبه امشي للكفتريا ناكل نشرب شو نحس بطنه تصوفر.
هبه/
لا ماريد الجو حلو خليني كاعده بس من تطلعون جيبولي عصير.
- تمام.
- صفنت استرجع كلام امي البارحه.
---------------
سجود/
يمه مكلتيلي شنو القررتي تريدين رجلج وتتحملين لو شنو.
هبه/
خلصيني منه ماريده.
- متأكده و ولدج.
- يعني شلون أجرع المر ماتحمل يمه ماتحمل تلث نسوان داير مدايره شنو شهريار خوما شهريار.
أنت تقرأ
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
