(Unicode)
" တောင်းပန်ပါတယ် ။ ဒီက ညီလေးကို အနှောက်အယှက်ဖြစ်စေခဲ့ပြီ "
ကိုယ်ဝန်ဆောင်အမျိုးသားမှာ နေ့စေ့လစေ့ဖြစ်လို့မွေးချင်တာမဟုတ်ပဲ ရိုးရိုးဗိုက်နာတာဖြစ်ကြောင်းကို အားနာနာဖြင့်ပြော၍ တောင်းပန်လေ၏။
ဘာပဲဖြစ်ဖြစ်တော်ပါသေးသည်။ ခုနက ကမ္ဘာပျက်သလို ယောက်ယက်ခတ်သွားရတာ ခုမှရင်ထဲ အလုံးကြီးကျသွား၏။
" ရပါတယ် ။ ခုနက ကျွန်တော်တော့ တော်တော်လန့်သွားတယ် "
" တကယ် တကယ် တောင်းပန်ပါတယ် "
" မလိုပါဘူး အစ်ကိုကလည်း။ ကိုယ့်ကိုယ်ကိုယ်သာ ကောင်းကောင်းဂရုစိုက်ပါ "
တစ်ဖက်ကလူက ညီလေးဟုခေါ်တာကြောင့် ရိပေါ်လည်း လေးစားသမှုနဲ့ အစ်ကိုလို့ပြန်ခေါ်လိုက်တာဖြစ်သည်။ တစ်ဖက်လူကိုလည်း အကြပ်မရိုက်စေချင်၍ တောင်းပန်စရာမလိုကြောင်းပြောလိုက်၏။ ဒုက္ခရောက်နေတဲ့သူကို ကူညီတာ ဒါ ကိုယ့်အသိစိတ်နဲ့ကိုယ်လုပ်တာပင်။
နာရီကြည့်လိုက်တော့ မနက် ၉ နာရီတောင်ကျော်ပြီမို့ မနက်စာစားချိန်တောင်လွန်သလောက်ဖြစ်နေပြီ။ အိမ်နဲ့ ဆေးရုံနဲ့ကလည်းဝေးတာကြောင့်အနီးအနားက ဆိုင်မှာပဲ တစ်ခုခုဝင်စားဖို့လုပ်လိုက်၏။
" အစ်ကို ဘာစားမလဲ။ ကျွန်တော်က မနက်စာဝင်စားမလို့ "
" ရတယ် ဘာမှမစားတော့ဘူးညီလေး "
" မဟုတ်တာ။ မနက်စာစားချိန်မှာ မနက်စာစားရမှာပေါ့ ကျွန်တော်ဝယ်ကျွေးမယ် "
ရိပေါ်က စေတနာကောင်းသူပီပီ သူဝယ်ကျွေးမယ်လုပ်သည်။ ကိုယ်ဝန်ဆောင်အမျိုးသားက ငြင်းလိုက်သည်မှာ ပိုက်ဆံမပါတာရော အားနာတာရောကြောင့်ဖြစ်သည်။ ဒီကောင်လေးသူ့ကိုကူညီထားသည်က တကယ် ကျေးဇူးတင်စရာကောင်းသည်။
" ရပါတယ်။ မစား ... "
" မရဘူး။ လာ...."
မစားဘူးဟုငြင်းပေမယ့် ရိပေါ်က ထိုလူ့လက်ကောက်ဝတ်ကိုကိုင်ပြီး ကော်ဖီဆိုင်ထဲခေါ်သွားလိုက်တော့၏။
" ကော်ဖီသောက်လို့တော့မရဘူးထင်တယ် "
" ဟုတ် "
YOU ARE READING
Pink Memories
FanfictionMeeting you was like listening a song for the first time and knowing it would be my favourite. A/N : This story is from my imagination.This is just a fan fiction that has nothing to do with reality.Please don't take this serious. This is a mpreg sto...
