سلام البنات ، هي من المفروض مزال باش نحط بارسكو قلت حتى تطلع الحكاية و نكملها يعني حبيت نحط البداية باش نشوقكم و نلمو اكبر متتبعين للحكاية لا علينا البارت هذا فيه شوية احداث جديدة سوو غضتوني شوييية قلت نحطهولكم بصح هاااي عيني متتفاعلوش 😂 منكملش الكرو المهم طاقيولي صحباتكم و خياتكم و المتتبعين تاعي معلباليش وين راهم متتبعي كرو الاغا و لي يتفاعلوا فيها كاين حبات برك لي جاو لهنا قراءة ممتعة الزينات و الى الملتقى ان شاء الله 💚💚
حبيبة : هكاك برافو فتحلها العين
سيف : يما راكي حابتها تموت فالدار مافيها والو كي تخرج خطرات
حبيبة : مالا جيب معاك العشاء لعشية مكانش لي يطيب ليوم
سيف : هاااا قولي كنت نخمم على كرشي ماشي
حبيبة : لقيت سعدي غير فيكم
ضحك و كمل يشرب قهوتو منبعد خرج ؛ هو غير خرج تلاقى باسراء داخلة عندهم لي وقت شافتو صبحت عليه و هبطت راسها مكملة طريقها عيطلها
سيف : اسراء
دارت ليه
اسراء : انعم
سيف : هاكي هادو بلاك كشما تحبي تشري
اسراء : اههه لالا مدتلي ماما
سيف : شدي تخليلي يدي معلقة دوكا
شدتهم حشمانة منبعد هو راح و هي تبسمت و جهها كله حمر ؛ اما هو فشد طريقو لدار جدة ليلى
.......
غير شافت ضوء الشمس بدا يبان تبسمت .... الكار طولت فالطريق شوية و ملحقتش بكري كانت لحقت على 12 تاع ليل وقتها ملك حشمت تروح عندهم فهاد الوقت يعني عيب سووو قعدت ف l'agence بحكم الحالة كانت معمرة و كاين لي رايحين فهاد الوقت و هكا قعدت تستنى الصباح يجي و غير شرقت الشمس خرجت تكركر فكابتها و دور رافدة الورقة هديك لي مكتوبة فيها لادراس شغل تعرف البلاصة تحوس عليها بعينيا ..... راحت تسقسي واحد بواحد وين تقدر تلقى تاكسي مزية لي دراهم باباها لي قعدولوا قبل ما يموت خباهم عندها و هي خباتهم داخل المخدة باش متشوفهمش جميلة .....
شدت تاكسي و مدتلوا لادراس و قاعدة تشوف فالطريق معلبالهاش واش راح يصرا منبعد اذا راح تلقاهم اذا يستقبلوها كيفاش راح تقدر تعيش هنا زعما غلطت كي هربت كامل هاد الاسئلة جاوها فراسها .... هادي هي ملك من صغرها تحب تسيي حاجات جدد من صغرها متخافش و متخافش تريسكي دايمن تقول الدنيا اخرتها موت .... يعني نتوما لوكان فبلاصتها تهربو و تروحو تبنيو حياتكم ولا تقعدو متحمليش الذل و الاهانة من اقرب الناس ليكم ..... شوية و دار ليها تاكسيور قاللها بلي وصلنا هبطت هي و كابتها مور ما خلصتو
YOU ARE READING
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
