حبوبات فرحوني شوية فالتعليقات و الله كتبتلكم هاد الحلقة بسيف تاع البسيف 😅 عندي قراية بزاف هكاك و جيت كتبت معلباليش كيفاش جا البارت المهم خليولي اجوبتكم لهاد الاسئلة كتسريب بسيط برك الحلقة الجاية ان شاء الله بيييدرو تاعنا راح يعترف لملوكة بلي يحبها قدام سيفو خليولي افكاركم كيفاش حابين تكون الفكرة بالضبط
1 خليولي اكثر بطل عجبكم فكامل الحكايات و وعلاش مثلا سيف ولا ايهم ولا سيف و نفس الشي للبطلات
2 اكثر حدث عجبكم فالكرو
3 الحاجة لي خلاتكم تكملو الكرو حتى لهاد الحلقة
4 شخص حابين دخلوه للكرو
و يلا نبداو قراءة ممتعة 💚💚
.......
قاعد مقابل لابسين يخزر فالسماء .... تنهد و هو يتفكر فلي صرا
سفيان : اهههه يا سفيان وين كان عقلك كي رحت هدرت معاه
فلاش باك :
غير دخل سفيان للريسطورون جا عندو السارفور
🧑 : مسيو كاينة وحدة مصبح و هي تستنى فيك
سفيان : شكون هادي
🧑 : لي راهي قاعدة لهيك لابسة زرق
راح يشوف شكون حتى لقاها كنزة تبسم و قاللها
سفيان : اوهوه كنزة
كنزة : enfin جيت مسيو سفيان
هدرتها بالعياط حتى لي كانو تما دارو يخزرو فيهم
سفيان : وشبيك تعيطي هبلتي
كنزة : نعيط و نزيد
شدها من يدها و دخلها للداخل لواحد البيرو دايرو تما يقعد فيه
سفيان : وشبيك هبلتي ديريلي فالسمير
كنزة : ههه نسيت نتا واش درتلي ..... قولي برك كيفاش قدرت تحبسلي الخطبة تاعي هكاك
طاحو دموعها و هي تهدر جا يدنا عندها بعدتو
كنزة : بعد .... حرام عليك سفيان مفهمتش واش درتلك باش كرهتني هكا وعلاش فسدتلي فرحتي قدرت ترقد نورمال قلي برك اذا ضميرك مانبكش .... خرجت عليا هدرات عيانين قدام وليد الناس كان قادر يحكي لدارنا .... مقدرتش نفهم كيفاش درتلي هكا وعلااش قولي
سفيان : ..... معندي منقولك
كنزة : كيفاش معندك ما تقولي راح تهبلني ... دمرتني و جايتك نورمال
سفيان : لهاد الدرجة كنتي حابة يخطبك منيتك حبيتي تدي الشيخ هداك السيد راح يدير 40 سنة
كنزة : واش دخلك .... علبالك نتا محبستليش خطبتي برك رجعتني سيرة على كل لسان معندكش ختك فرقبتك تخاف يصرالها هكا حرام عليك
سفيان : سمحيلي
كنزة : سمحيلي متكفيش
سفيان : كنزة ....
كنزة : نكرهك سفيان راك تسمع نكرهك بلاك تزيد تخرج قدامي ولا تخليني نشوف وجهك ......
جات راح تخرج شدها من يدها
سفيان : مكنتش قاصد
كنزة : متزيدش تهدر معايا يرحم باباك .... اطلقلي يدي
سفيان : كنزة انا ..... انا ..... يعني .... مغرفتش كيفاش حتى درت هكاك ......
كنزة : اطلقني سفيان
YOU ARE READING
اليتيمة الهاربة { سيف و ملك } _ باللهجة الجزائرية 🇩🇿 _
Romanceحكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
