حكايتنا تحكي على ملك لي هربت من دارهم باش تعيش حياة جديدة بعيدة على الضرب و الاهانة ...... كيفاش راح تكون هاد الحياة لي خيرتها ملك و واش راح يصرا فيها هذا كامل نعرفوه فالكرونيك
Oops! This image does not follow our content guidelines. To continue publishing, please remove it or upload a different image.
البنات حطيتلكم حلقة وحدة بصح طويلة بزاف درت جهدي باش نكتبها ان شاء الله تعجبكم خليولي ارائكم فالتعليقات و اقترحاتكم هذا واش نحب نشوف ههه هدوك الايموجياات و كملي منحبهمش بتاتا 😂💚💚
قاعد يسوق و مرة مرة يخزر فيها و هي لي كانت حشمانة ...... شوية و نطق
سيف : وين كنتي رايحة مع هداك ملك : ولينا سيف : ياك راني نهدر بلعقل ديجا معلباليش كيفاش تكالميت ملك : كنا خارجين نحوسو سيف : مليح ..... و وعلاش راهو يظل لاسق فيك ملك : في ميزك سيف : 🤨🤨
حبس الطونوبيل و دار ليها
سيف : و وعلاش كنتي ديرلي هكاك فهاد الشهر متقوليليش بلا سبة ملك : بارسكو مكانتش كاينة سبة باش نقرب ..... و زيد قلت بلاك ..... كشما كاين بينك و بين و بنت عمك سيف : تسنيم ... و واش راح يكون بيناتنا ملك : معلباليش شوف نتا سيف : ..... اممممم لسقتي فحكاية السنسلة مالا
هبطت راسها تفرك فيديها منبعد قالتلو
ملك : سيف راح ندوموندي منك حاجة سيف : لي هي ملك : متزيدش ديرلي هكا .... تجبدني من شعري و تعيط عليا هكاك
مسحلها على شعرها
سيف : وجعتك
دارتلو براسها ايه
سيف : علبالك سيف لي نورمال يموت و ميقيسكش ولا يوجعك .... بصح كي نتانرفا منقدرش نشد روحي و منعرفش كامل واش ندير ولا واش نهدر ملك : مام انا كي نزعف من بنادم منزيدش نخزر فوجهو سيف : اممم سما زعفتي مني ملك : اممممم سيف : و واش ندير باش يروحلك الزعاف ملك : سقم روحك برك
ضحك و قاللها
سيف : خلاص نبروميلك منزيدش نقلقك بصح نتي تاني متخلطيش فيا ملك : و كيفاش منخلطش فيك سيف : par exemple اقعدي بعيدة على هداك بدر ملك : امممم سيف : .... مالا قلتيلي كنتو رايحين تحوسو ملك : ايه وعلاش سيف : وين حابة تروحي ملك : لاي بلاصة شابة .... بارك بحر معلباليش منعرفش البلايص هنا مليح سيف : d'accord
