اليتيمة الهاربة { سيف و ملك } _ باللهجة الجزائرية 🇩🇿 _

بارت 59 و 60

قاعدين فالبالكون دايرين على الطابلة الصغيرة لي كانت حاطتها تما .... خاطين جو و شوية سقايط جابتهم ايات كي جات

ملك : حسيتو زعف بزاف
ايات : خليه يزعف ملك لوقتاش راح نقعدو نخممو عليهم اذا زعفو ولا لالا يتهاردو ........ بلاك هكا يفهم روحو يا ختي السيد هذا مقدرتي تفهمي اذا يحبك نتي ولا يحب هديك بنت عمو ولا حاب يتمسخر
ملك : خلاص خلينا نغلقو السوجي هذا .... منعرف شكون جا

ناضت ملك و ايات رفدا الكاوكاو تاكل فيه

ايات : غير سمعت ببنت عمو حبت تغلق السوجي

.....

فتحت الباب و ضحكت

ملك : كنننزة

عنقتها و كنزة تاني

ملك : اونفان خرجتي من الدار

دخلتها و غلقت الباب

كنزة : كان لازم نخرج من الدار

تبسمت .... باينة من وجهها بلي مراهيش مليحة .... من وقت لي بطلو عليها دخلت فاكتئاب حست روحها ناقصة لدرجة انو كامل رفضوها بلا ما نهدرو على لافامي و لجيران لي قاعدين غير يحكيو عليها

.......

بلعت لي ففمها و ناضت

ايات : اههه جاوك ضياف

سلمو على بعضهم و قعدو

ملك : ايات هادي كنزة كنزة هادي ايات

و قعدوا يقسروا و يضحكو

نروحوا لجهة واحد اخرى .... قدام ليسي .... خرجت تحوس بعينيها عليه تبسمت وقت شافتو راحت عندو و هو جبدها عنقها

عبدو : توحشتك
الما : حتى انا .... قولي وين نروحو
عبدو : ياك متقرايش منبعد
الما : لالا مندخلش
عبدو : ايه مالا واش رايك نروحو ..... خليها سوربريز خير
الما : لوين ؟
عبدو : ندورو ف ○○○○
الما : ايه خلاص هيا

............

و هكذا خلاص النهار تاع اليوم و جا نهار جديد و معاه احداث جديدة :

قاعدة تقطع و تغسل ... طيب و تحط هادي خدمة ملك فريستورون تاع سفيان لي عجبتها بزاف هي اصلا تحب الطياب بزاف ...... غسلت يديها و نحات الطابلية مور ما كملت كامل الطياب ..... خرجت برا وين كانوا حاطين الطوابل ... شدت بلاصة و كلات السندويش لي وجدتو بحكم لحق وقت الفطور ..... هبطت عينيها بالزربة وقت شافتو داخل و معاه زوج رجال كانوا عماد و مروان .... شدو طابلة و قعدو شوية و جا عندهم سفيان ...... جرات كملت هداك السندويش باش تنوض حتى حست ببنادم قعد قدامها .... بلعت لي ففمها و طلعت راسها

ملك : بدر
بدر : هادي غيبة ملك
ملك : الله لا يغيبك ...... كنت مشغولة مع الخدمة
بدر : امممم ..... واش رايك نخرجوا ندوروا شوية منها نتي تنحي على روحك من لاشارج تاع الخدمة و منها نهدرو شوية