اليتيمة الهاربة { سيف و ملك } _ باللهجة الجزائرية 🇩🇿 _

بارت 41

البنات قبل ما نبداو حابتكم تروحو تشوفوا واحد الحكاية جزائرية و تمدو رايكم فيها لكاتبتها و تشجعوها اذا حبيتو بيانسور تلقاوها عند hyyaatt134a4

سيف : واش راكي ديري هنا
ملك : انا ..... كنت .....
بدر : كانت معايا نتا واش دخلك ديجا كيفاش تربيت باش تفتح الباب بلا ما دقدق

سيف لي ما خزرش فيه ممبا .... جبد يد ملك و شبكها مع يدو و كركرها موراه ...... ملك لي فتحت عينيها من الجاست لي دارو سيات تجبد يدها حتى لقات دار يخزر فيها بخزرة خوفتها كمل يجر فيها و بدر لحقهم يشوف فيه كيفاش شادها و يمشي .... وقت لحقو للدروج و هبطو ملك تمنات تنشق الارض و تبلعها ولا تشوف الناس يخزروا فيهم بنص عين ... قعد مكركرها حتى لحقو للطونوبيل وقتها فتح الباب و رماها حتى توجعت ... ركب و ديمارا اما هي دارت ليه مقلقة من الجاست لي دارو باما حق يديرلها هكا

ملك : وعلاش درتلي هكا ... راني نهدر معاك ..... نقص للافيتاس و هبطني ..... سييف هبطني قلتلك .... معامن راني نهدر

زيرت على يدها مغضة عينيها حاسة روحها راح تطرطق

ملك : قتلللك هبطني

حطت يدها على صدرها وقت فريناااا و حبس داير ليها يعطيك

سيف : وشبيييك تغلي وحدك واشبيه لسانك
ملك : راك نورمال في عقلك
سيف : ايه شوفي نتي
ملك : و وعلاش منكونش نورمال

غمض عينيه يسيي يشد فروحو

سيف : واش كنتي ديري فهاديك دار ، واش داك للشمبرة مع هداك الراجل
ملك : راني نخدم تما
سيف : اييه سمااا هدا تاع مقبيل هو لي جابك هداك نهار
ملك : ايه هو عندك بروبلام
سيف : ...... رايحة تخدمي ولا *****

فتحت عينيها من هدرتو

ملك : اوزن كلامك قبل ما تخرجو .... ( عيطت عليه ) مرانيش صاحبك تهدر معايا هكا بلاك تعاودها سينون ....
سيف : سينون
ملك : ..... رجعني لوين كنت

خزر فيها باستهزاء

سيف : عاجبك الحال تما
ملك : واش دخلك ... ديجا شكون مدلك الحق تشدني و تخرجني من الدار هكاك
سيف : هاااا سما هادي جاتك بيزار و كي كنتي قاعدة مع راجل وحدكم فالشمبرة نورمال ، واش كنتو ديرو
ملك : قلتلك واش دخلك شفتني راني نجي ندخل روحي فيك و مع النساء لي دور معاهم وعلاش جاي دخل فروحك واش حاسب روحك

جبدها من شعرها حتى تاوهت .... جبدها عندو و قاللها

سيف : سقمي هدرتك معايا
ملك : .... نحي يدك

الدموع حستهم تحجرو فعينيها غير خزرت فيه و ذبلت عينيها رخف يده و قعد يخزر فيها ..... حط جبينو على جبينها و قاللها

سيف : نتي جبتيها لروحك

غمضت عينيها .... تحس فاحاسيس جديدة جامي حستها ؛ جامي كانت قريبة لراجل هكا ... زيرت على يدها و دنات هو لي خزر فيها وقت جبدت روحها

ملك : متزيدش تدنا ليا

دورت راسها و هو مسح وجهو و ديمارا

شوية و لقات روحها قدام الدار

ملك : وين نقعد دوكا

مدلها مفاتح دارهم

سيف : ادخلي لدارنا

محبتش تشدهم منبعد قاللها

سيف : مراحش ندخل شدي

رفدتهم و راحت .... مور ما دخلت هبط و راح قعد فوق الدرجة لي قدام الباب تاع دارهم .... مسح على وجهو ....

سيف : واش كنت ندير

هداوين حس روحو ولا لوعيو مفهمش وعلاش دار هكا ... كاره روحو و كاره الحاجات لي راهو يحس بيهم ..... بالنسبة ليه الحب حبس عند ليلى مراهوش حاب يرجع يعيشو ........ قعد هكاك حتى لحق المغرب ... طلع راسو يشوف التاكسي حبست قدام دارهم و هبطت منها حبيبة سفيان و الما و التاكسي لي لحقت منبعد هبطت منها سعاد و اسراء

حبيبة : سيف وعلاش قاعد برا

راح بلا ما يرد عليها .... دورت راسها لالما لي مسحتلها على كتافها

الما : متقلقيش روحك ماما

طبطبو و دخلو كي فتحتلهم ملك

حبيبة : ملك وعلاش رحتي مقبيل قالي سفيان بلي شافك خرجتي مع سيف
ملك : ..... امممم ... كنت عيانة بزااف و كي لقيتو رايح جيت معاه قلت مكالاه نقلقكم و نتوما كنتو قاعدين منبعد دخلت لهنا بارسكو معنديش مفاتح تاع دار طاطا سعاد و ريان مكانشو فالدار
حبيبة : ايه حتى انا عرفتها بلي تكوني دخلتي هنا
الما : ميمي تصبحي بخير انا نروح نرقد راني ميتية بالعيا
ملك : bonne nuit ... مام انا نروح هداك هو

خرجت و راحت للدار فتحتلها سعاد و حكاتلها نفس الحكاية لي حكاتها لختها ..... طلعت للشمبرة عيانة مور الأحداث لي صراو اليوم ...... حتى تلقى اسراء رايحة جاية تقول كانت تستناها

اسراء : هداوين جيتي
ملك : ايه وعلاش

جات عندها تخنزر فيها و لكت يدها لصدرها

اسراء : فحياتي كامل شفت الناس لي ميحشموش بصح جامي شفت وحدة متحشمش قدك ... قاعدة تلسقي فالراجل و جاية معاه للدار .... متنسايش بلي جبناك هما و رفدناك متطلقيش روحك بزاف
ملك : اسراء مرانيش قادرة نتناقش معاك و هااا اذا كاين واحد عندو الحق يهدر على الخير لي دارو معايا فهو يماك ماشي نتي و زيد مراحش نقعد عندكم حياتي كامل

جبدتها من يدها و قالتلها

اسراء : تقعدي ولا متقعديش ميهمنيش بصح سيف .... خط احمر بلاكي تزيدي دوري بيه فهمتي اصلا مرانيش فاهمة منين راهي جايتك الكونفيونص باش تشوفي روحك معاه

نحاتلها يدها و قالتلها

ملك : راهو ليك ديه روحي هيا واش راكي تستناي .... لالا حقااا هو مراهوش دايها فيك .... نتي لي لازم تفطني سيف يشوفك كيما ختو و برك لازم تمدي شوية قيمة لروحك مفهمتش وعلاش راكي مسلطة على روحك الذل و تبعي فيه .... افهميها مراحش يكون ليك ديري واش ديري
اسراء : ههه راح يكون ليك مالا
ملك : بلاك ايه بلاك لالا شكون علبالو

تبسمت وقت قدرت تستفزها دارت للكابة تاعها و جبدت بيجامتها و جات خارجة

ملك : وليد خالتك مزالو لاسق فليلى غير اتهناي