اليتيمة الهاربة { سيف و ملك } _ باللهجة الجزائرية 🇩🇿 _

النهاية ❤

تفتح الباب و دخلو .... دورت راسها فالدار و قالتلو

ملك : الدار هادي بزاف شابة

تبسملها و كملوا يمشيو داخلين ..... ملك لي راحت للشمبرة ديراكت حطت الحوايج و قعدت فوق البونك حاسة روحها عيانة و نفسيتها تعبانة كامل .... دورت راسها على اليد لي تحطت على كتفها .... كان سيف قعد قدامها

سيف : راكي مليحة
ملك : امممم

تكسلت حاطة راسها على كتفو

سيف : راكي سوور ما صرالك والو
ملك : ايه
سيف : شكون قالك على لكرا بلي انا لي خلصتو
ملك : خالتك
سيف : امممم .... مكانش علبالي بلي علبالها بارسكو واحد ماكان علبالو من غير يما ياك علبالك هي لي كانت تشد عليك دراهم اصلا فرحت كي عرفت بلي عاونتك ...... مفهمتش وعلاش حكات لختها
ملك : ....... علبالك خويا جاه طفل
سيف : بالبركة ؛ عيطلك مالا
ملك : تتتت مريم حكاتلي كان دار العقيقة و عرضهم
سيف : ..... زعفتي
ملك : لالا حكيتلك برك اصلا انا شكون .... اذا عرسي و محبش يحضرو ..... يعني مالغري الغلطة جات منو بصح تمنيت نتسامحو و نوليو نورمال
سيف : ملك عمري ياك جينا باش تريحي شوية .... راكي مخلطة كامل هاد اليامات انساي و نحي الحاجات العيانين من راسك
ملك : .... هذا واش راح ندير
سيف : مالا قلتيلي بلي نكرهك

تبسمت و قالتلو

ملك : هدرتها كي كنت مزعفة علبالك شحال نحبك
سيف : معلباليش
ملك : هههه سيف
سيف : ملك انا نخرج نشري العشاء و حاجات خفيفة بارسكو الدار راهو فارغ
ملك : تحب نجي معاك
سيف : لالا مكالاه اقعدي ريحي

باسلها راسها و ناض

..........

دخل و خبط الباب و راح للصالون

حبيبة : كسر الباب كسر منبعد نتا لي تعاودها

قعد و ربع يديه مرجع راسو للور .... حبيبة عوجت فمها و قالتلو

حبيبة : واش ؛ واش دارولك برا
سفيان : ضربوني يما
حبيبة : ايه اصلا نتا موالف
سفيان : هكذا
حبيبة : نسيت كي لحقوك لسبيطار وقيلا
سفيان : مارسي يما كي راكي تفكري فيا
حبيبة : لحمك ما بيه والو وقيلا الضربة جاتك فالقلب

ضحك و راح عندها باسلها راسها

سفيان : اواااه نتي واعرة
حبيبة : هههه حبس

قعد يجبدلها فحناكها و هي تنحيلو فيدو

سفيان : وين راهم لخرين
حبيبة : خالتك راهي راقدة الما مقبيل شوية دخلت من لفاك و خوك و ملك راحو
سفيان : لوين !!
حبيبة : قالو بلي راح يروحو للدار الاخرى
سفيان : ايه مليح يبدلو شوية
حبيبة : امممم .... اااه الباب شكون راح يجي
سفيان : خلي دوك نشوف

.......

سفيان : راهو جا وليدك توحشك وقيلا
حبيبة : سيف

ناضت تفرك فصباعتيها